D u q Uyghurlar üchün üzlüksiz awaz chiqirip kelgen türkiyediki parlamént ezaliri we axbarat xadimlirigha teshekkürini bildürdi

Ixtiyariy muxbirimiz erkin tarim
2021.03.17
D u q Uyghurlar üchün üzlüksiz awaz chiqirip kelgen türkiyediki parlamént ezaliri we axbarat xadimlirigha teshekkürini bildürdi .Dunya Uyghur qurultiyining mu'awin re'isi doktor erkin ekrem bilen ijra'iye hey'iti re'isi ömer qanatlar bashchiliqidiki hey'et “Iyi” partiyesining parlamént ezaliridin fahrettin yoqush bilen körüshmekte
RAF/ Erkin Tarim

Dunya Uyghur qurultiyining mu'awin re'isi doktor erkin ekrem bilen ijra'iye hey'iti re'isi ömer qanatlar bashchiliqidiki hey'et türkiyede uzun yillardin  buyan Uyghur mesilige izchil halda köngül bölüp kéliwatqan, parlamént ezasi bolup saylan'ghandin kéyinmu türkiye parlaméntida Uyghurlarning éghir weziyitini otturigha qoyup kéliwatqan “Iyi” partiyesining parlamént ezaliridin fahrettin yoqush ependi bilen feridun baxshi ependiler bilen körüshti. Körüshüshte ulargha Uyghur xelqi namidin rehmet éytti we xatire boyumliri teqtim qildi. 

15-Mart küni “Iyi”  partiyesining merkizide fahrettin yoqush ependi bilen, ishxanisida parlamént ezasi feridun baxshi ependi bilen “Yéngi chagh” gézitining enqerediki ishxanisida orxan ughur'oghlu  ependi we muxbir berqay bigech ependiler uchriship, Uyghurlar namidin rehmet éyitti. Andin kéyin ulargha Uyghur dewasidiki ilgirileshler we Uyghurlarning hazirqi éghir weziyiti toghrisida melumat berdi.  Ular birdek özlirining Uyghurlarning türkiyediki awazi boluwatqanliqini, “Sherqiy türkistan dewasigha ige chiqishning wijdaniy we insaniy wezipiliri ikenliki” ni Uyghurlar musteqil bolghuche bu küreshni dawam qilidighanliqini tekitlidi. 

Uchrishish axirlashqandin kéyin, mikrofonimizni parlamént ezasi feridun baxshi ependige uzattuq. U d u q hey'etliri bilen uchrashqandin kéyinki  tuyghurlirini bayan qilip, mundaq dédi: “D u q hey'itining ziyariti méni bek xursen qildi. Sherqiy türkistan dewasi, Uyghurlar uchrawatqan zulumgha qarshi turush, Uyghurlarning musteqilliqigha érishishi qatarliq dewalar emeliyette bizning öz dewayimizdur. Biz qolimizdin kélishiche sherqiy türkistan dewasini qollashqa, Uyghurlargha ige chiqishqa we türkiye parlaméntida Uyghurlarning awazi bolushqa tirishimiz.” 

Her zaman Uyghurlar toghrisida xewer yézip kéliwatqan “Yéngi chagh” gézitining muxbiri berqay bigech ependi d u q hey'iti teqdim qilghan xatire boyumini alghandin kéyin, öz tuyghulirini yazma shekilde bizge bildürüp, mundaq dédi: “Men dunya Uyghur qurultiyi bergen bu  xatire boyumini élip bekla xursen boldum. Bu xushalliqimni söz bilen ipadilep bérelmeymen. Méning sherqiy türkistan'gha bolghan köz qarishim peqet özgermidi, bundin kéyinmu özgermeydu. Men sherqiy türkistandiki Uyghur qérindashlirim musteqilliqqa érishkiche ularning awazi bolushni dawam qilimen. Bu dewagha ige chiqish méning wijdaniy we insaniy wezipemdur.” 

D u q ning enqerediki bu pa'aliyetliri toghrisida téximu tepsiliy melumat igilesh üchün d u q re'isi dolqun eysa ependi bilen téléfon söhbiti  élip barduq. U türkiye prézidénti rejep tayyip erdoghan sükütte turuwatqan bolsimu, emma “Iyi” partiyesining dawamliq halda Uyghurlarning éghir weziyitini küntertipke élip kéliwatqanliqini, buning hökümetke bésim peyda qiliwatqanliqini,  shunga ulargha rehmet éytish üchün bundaq bir pa'aliyet uyushturghanliqini bayan qildi. 

Dunya Uyghur qurultiyi fondining bashliqi abduréshit abduxemit ependi burundin tartip Uyghur dewasigha köngül bölüp kéliwatqan ikki parlamént ezasi, “Yéngi chagh” gézitining enqerede turushluq ishxanisining mudiri bilen muxbir berqay bigech ependiler bilen körüshüp, ulargha xatire boyumi teqdim qilip rehmet éytqanliqini tekitlidi. 

2018-Yili “Iyi” partiyesining parlamént ezasi fahrettin yoqush ependi Uyghurlarning hazirqi éghir weziyitini tekshürüsh toghrisida teklip layihesi sun'ghan bolsimu, emma ret qilin'ghanidi. U ötken yilining axirida d u q re'isi dolqun eysaning türkiye parlamént ezalirigha “Türkiye bilen xitay otturisida tüzülgen jinayetchilerni öz'ara ötküzüp bérish kélishimi” ge étiraz bildürüp yazghan xétini mezkur parlaménttiki omumiy yighinida oqup ötken idi. Parlamént ezasi feridun baxshi ependi bolsa parlamént ezasi bolup saylan'ghandin kéyinki ikki yérim yil ichide türkiye parlaménttida Uyghur mesilisini 20 qétimdek otturigha qoyghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.