“Shinjang saqchi arxipliri” ning ashkarilinishi munasiwiti bilen myunxénda xitaygha qarshi namayish élip bérildi

Ixtiyariy muxbirimiz ekrem
2022-05-25
Share
“Shinjang saqchi arxipliri” ning ashkarilinishi munasiwiti bilen myunxénda xitaygha qarshi namayish élip bérildi Dunyaning herqaysi jayliridin d u q uyushturghan milliy kéngesh yighinigha qatnishish üchün gérmaniyening myunxén shehirige jem bolghan Uyghurlar “Shinjang saqchi arxipliri” ning ashkarilinishi munasiwiti bilen ötküzgen namayishtin körünüsh. 2022-Yili 25-may, myunxén, gérmaniye.
RFA/Ekrem

Dunyaning herqaysi jayliridin d u q uyushturghan milliy kéngesh yighinigha qatnishish üchün gérmaniyening myunxén shehirige jem bolghan Uyghurlar bügün, yeni 25-may küni “Shinjang saqchi arxipliri” ning ashkarilinishi munasiwiti bilen myunxéndiki xitay konsulxanisining aldida naraziliq namayishi élip bardi.

D u q re'isi dolqun eysa ependi namayish bashlinishi bilen nutuq sözlep, bu “Arxip” ning yillardin buyan muhajirettiki Uyghur teshkilatliri, jaza lagérliri shahidliri otturigha qoyup kelgen xitayning irqiy qirghinchiliq jinayetlirini yene bir qétim ispatlighanliqini tekitlidi.

Dunyaning herqaysi jayliridin d u q uyushturghan milliy kéngesh yighinigha qatnishish üchün gérmaniyening myunxén shehirige jem bolghan Uyghurlar “Shinjang saqchi arxipliri” ning ashkarilinishi munasiwiti bilen ötküzgen namayishtin körünüsh. 2022-Yili 25-may, myunxén, gérmaniye.

Amérikadin kélip bu namayishqa qatnashqan amérika alem qatnishi idarisining tetqiqatchisi doktur erkin sidiq ependi neq meydanda ziyaritimizni qobul qilghanda, bu namayishning del waqtida uyushturulghanliqini tilgha aldi. Yaponiyedin kélip bu namayishqa qatnashqan ilham mahmut ependimu mezkur namayish toghrisida qarashlirini bayan qilip ötti.

Namayish jeryanida gérmaniye yéshillar partiyesining sabiq rehberliridin margarita bawzi xanimmu nutuq sözlep, “Shinjang saqchi arxipliri” ning ashkarilinishi toghrisida öz pikirlirini bayan qilip ötti. Kanadadin kelgen Uyghur siyasiy pa'aliyetchiliridin memet toxti ependimu namayish toghrisidiki tesiratlirini biz bilen ortaqlashti.

Dunyaning herqaysi jayliridin d u q uyushturghan milliy kéngesh yighinigha qatnishish üchün gérmaniyening myunxén shehirige jem bolghan Uyghurlar “Shinjang saqchi arxipliri” ning ashkarilinishi munasiwiti bilen ötküzgen namayishtin körünüsh. 2022-Yili 25-may, myunxén, gérmaniye.

Mezkur namayishqa yene herqaysi ellerdin bir qisim lagér shahidlirimu kélip qatnashqan idi. Gollandiyedin kelgen lagér shahidi qelbinur sidiq xanimmu namayish jeryanida nutuqlar sözlidi we ziyaritimizni qobul qilip özining hayajanlirini ipade qildi.

Bir sa'et dawam qilghan bu namayish jarangliq shu'arlar bilen nahayiti janliq keypiyat ichide ötti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet