Ғайип дохтур сәйярә ниҗат үрүмчи шәһәрлик 3‏-қамақханидин өсмүрләр түрмисигә йөткәлгән

Мухбиримиз шөһрәт һошур
2021.05.24
Сәйярә ниҗатниң сақчиларға “маслашмиғанлиқи” үчүн 4 йилдин буян делосиниң хуласиси чиқмиғанлиқи мәлум Үрүмчи достлуқ дохтурханисиниң дохтури сәйярә ниҗат ханим. (Вақти вә орни ениқ әмәс)
Nadire Nijat teminligen

Дохтур сәйярә ниҗат қамақханидин өсмүрләр түрмисигә йөткәлгән 4 йилдин буян из-дерики болмиған вә чәт әлдики уруқ-туғқанлири сүзүштә қилғандин кейин үрүмчи шәһәрлик 3‏-қамақханида икәнлики аилисигә билдүрүлгән.

Ғайиб дохтур сәйярә ниҗатниң аилиси бу йил 7-май күни сақчилардин униң өсмүрләр түрмисигә йөткәлгәнликини уққан. Бу һәқтә пикир баян қилған шветсийәдики сабиқ сақчи хадими йолвас әпәнди сәйярәниң кесилип болғанлиқ еһтималлиқини, пәқәт хәлқара җамаәт пикриниң бесимиға җавабәнла униң түрмигә йөткәлгәнликиниң билдүрүлгәнликини илгири сүрди.

Һөрмәтлик радийо аңлиғучилар, ғайиб дохтур сәйярә ниҗатниң һаят яки һаят әмәслики аилиә әзалириға мәлум болмай туруватқан бу күләрдә, йәни мушу айниң 7 ‏-күни униң ғулҗадики дадиси ниҗат абдуреһимға қизи сәйярәниң өсмүрләр түрмисигә йөткәлгәнлики уқтурулған. Бу учур ниҗат абдуреһимниң түркийәдики чоң қизи надирә ниҗат арқилиқ сәйярниң америкадики чоң дадиси рәхий һаҗиға йетип кәлгән. Рәхий һаҗи сәйярәниң әһвалини тунҗи болуп дуняға ашкарилиған. Шуниңдин кейин униң үрүмчи қамақханисида һаят икәнлики һәққидә учур алған киши болсиму, әмма рәхи һаҗи даириләрниң бәргән бу учурлириға гуман билән қарап келиватқан иди. Болупму бу йил 2-айда сақчилар униң ата-анисиға сәйярәниң үрүмчи шәһәрлик 3‏-қамақханида икәнликини билдүрүп турупму, телефонда болсиму көрүштүрмәсиликигә қарап, униң һаят икәнликидин йәнила гуман қилип келиватқан иди.

Нөвәттә шветсийәдә яшаватқан сабиқ сақчи йолвас әпәнди сәйярә ниҗатниң ата-аниси бу қетим тапшурувалған учурға асасән, униң аталмиш “җинайәт” иниң бекитилип болғанлиқ вә кесилгәнлик еһтималлиқини оттуриға қойди.

Униң дейишичә, 1990-йили туғулған, шихәнзә медитсина ониверситетини пүттүргән вә бир нәччә йил үрүмчи шәһәрлик 3-дохтрханида балилар дохтури болуп ишлигән сәйярә ниҗатниң өсмүрләр түрмисигә йөткилиши ғәйрий нормал бир әһвал икән. Әмма районда ирқий қирғинчилиқниң елип бериливатқанлиқи, шуңа районда қанун вә тәртиптин сөз ечишниң мумкин әмәслики, болупму 3 милйондин артуқ уйғурниң түрмә вә лагерларға соланланғанлиқидин ибарәт нөвәттики реаллиқ көздә тутулса, униң өсмүрләр түрмисигә йөткилишиниң әҗәблинәрлик бир йери йоқ икән. Йолвас әпәнди йәнә лагерларға соланған уйғурларни түрмиләргә йөткәш арқилиқ иҗраатлириниң қануний икәнликини хәлқара җамаәткә билдүрүшкә тиришиватқан хитай даирилириниң түрмидә орун йетишмәслик мәсилисигә дуч кәлгәнлик еһтиамллиқиниму оттуриға қойди.

Илгирики ениқлашлиримизда сәйярә ниҗатниң әң дәсләптә үрүмчи давәндики аяллар қамақханисида икәнлики ашкариланған, кейинчә униң үрүмчи шәһәрлик 3‏-қамақханида икәнлики аилисигә билдүрүлгән. Сәйярәниң аилиси бу учурни 4 йил сүкүт қилиш җәрянида еришкән әмәс, пәқәт униң түркийәдики һәдиси, америкадики һаммиси вә чоң дадиси сүкүтини бузуп әһвални хәлқара җамаәткә ашкарилиғандин кейин андин бу хәвәргә еришкән.

Сабиқ сақчи йолвас әпәнди ирқий қирғинчилиқ давам қиливатқан уйғур районида уруқ-туғқанлар һәққидә учур елишниң ахирқи вә бирдин-бир йолиниң әһвални хәлқара җамаәткә ашкарилаш икәнликини тәкитләйду.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.