Qazaqistan hökümiti jasaretlik qazaq pa'aliyetchi sérikjan bilashni qolgha aldi

Muxbirimiz alim séytof
2019-03-10
Élxet
Pikir
Share
Print
"Ata yurt pida'iyliri" ning qurghuchisi we bashlamchisi sérikjan bilash'oghli ependi(otturida).
"Ata yurt pida'iyliri" ning qurghuchisi we bashlamchisi sérikjan bilash'oghli ependi(otturida).
Sérikjan Bilash’oghli teminligen

Qazaqistan hökümiti yekshenbe küni xitay lagérlirida solan'ghan qazaqlarning heq-hoquqini qoghdap kelgen kishilik hoquq pa'aliyetchisi sérikjan bilashni atalmish "Milliy öchmenlikni terghib qilghan" dégen bahane bilen qolgha alghan. Sérikjan bilash "Ata-jurt pida'iyliri" ning qurghuchisi bolup, u bir yildin béri xitay lagérlirida solan'ghan qazaqlarning dawasini qilip, bu mesilini belgilik derijide xelq'aralashturghan idi.


Firansiye agéntliqining xewirige qarighanda, qazaqistan dölet bixeterlik idarisining alahide xadimliri yekshenbe sa'et 1:00 lerde sérikjan bilashni almutada qolgha élip, uni paytext astanagha élip ketken. Bu alahide xadimlar yene "Ata-jurt pida'iyliri" ning ishxanisigha basturup kirip, ishxana ichidiki barliq matériyallar, höjjetler, kompyutérlar we xitayning ziyankeshlikige uchrighan qazaqlarning bergen yazma guwahlirini élip ketken. Sérikjan bilashning xanimi leyla adiljanning bildürüshiche, bu xadimlar  kétishtin burun "Ata-jurt pida'iyliri" ning ishxanisini resmiy péchetligen.
Astanagha élip kétilgen sérikjan bilash yekshenbe bir qisqa sin arqiliq özining xitaylar yaki xitay jasuslarning qolida emestin, belki qazaq saqchilirining qolida ikenlikini  bildürgen.


Xitay hökümiti 2017-yili bashliridin bashlap 800 mingdin 2 milyon'ghiche Uyghur, qazaq we bashqa türkiy xelqlerni jaza lagérlirigha tashlighandin béri, sérikjan bilash qazaqistanda "Ata-jurt pida'iyliri" dégen teshkilatni qurup, xitay hökümitining tehditliri, qazaq hökümitining bésimi, we bezi qazaqlarning uni sotqa eyiblishige qarimay özining heqqaniy pa'aliyitini dawamlashturghan.


Qazaqistan hökümitining sérikjan bilashni tosattin qolgha élishi xitayning lagér mesilisige köngül bölüwatqan barliq insanlarni heyran qaldurdi. Qazaqistan hökümitining hazirche sérikjan bilashni qoyup bérishi, sotqa tartishi weyaki xitaygha qayturuwétishi éniq emes.

Toluq bet