Ғайип дохтур сәйярә ниҗат 14 йиллиқ кесилгән вә ата-аниси билән екранда көрүштүрүлгән

Мухбиримиз шөһрәт һошур
2021-08-11
Share
Сәйярә ниҗатниң сақчиларға Үрүмчи достлуқ дохтурханисиниң дохтури сәйярә ниҗат ханим. (Вақти вә орни ениқ әмәс)
Nadire Nijat teminligen

Мухбиримизниң ғайип дохтур сәйярә ниҗат һәққидики изчил ениқлашлири давамида, униң йеқинда 14 йиллиқ кесиветилгәнлики вә өткән һәптә ата-аниси билән екранда көрүштүрүлгәнлики мәлум болди. Бу әһвал сәйярәниң хизмәт орни болған үрүмчи шәһәрлик3 ‏-дохтурханиниң хадимлири вә униң нопуси турушлуқ аһалиләр комитетиниң сақчи хадимлири тәрипидин дәлилләнди.

Тутқунларниң нәдиликини аилисидин йошуруш, 2017‏-йили башланған лагер тутқунидики алаһидә түзүмлиридин биридур. Көзәткүчиләрниң қаришичә, гәрчә даириләр бу түзүм арқилиқ лагерларниң орнини җәмийәттин вә хәлқара җамаәттин йошурушқа урунуп баққан болсиму, әмма тутқунлар саниниң һәддидин ташқири көплики сәвәблик бу түзүмниң иҗраати мумкин болмиған. Нәтиҗидә бир қисим тутқунларни дәсләптә кәнт ишханилирида, кейинчә лагерниң өзидә екран арқилиқ аилиси билән көрүштүргән. Әмма бу көрүштүрүш шәртлик болғачқа, йәни тутқунларниң өзиниң вә аилә тавабиатиниң сиясий ипадисиниң яхши болуши, җүмлидин "тәрбийәлиниш" кә маслашқан болуши тәләп қилинған болғачқа, йәнә бир түркүм тутқунлар аилиси билән тутулғандин кейин пәқәтла көрүштүрүлмигән. Үрүмчи шәһәрлик3 ‏-дохтурханиниң ғайип дохтури сәйярә ниҗат дәл әнә шундақ қисмәттики тутқунлардиндур.

Сәйярә ниҗатниң америкадики чоң дадиси вә кичик аписиниң гуваһлиқ баянатлири нәтиҗисидә, ғулҗа вә үрүмчидики алақидар хадимлар сәйярә ниҗатниң ата-анисини издәп берип, униң үрүмчи3 ‏-қамақханидин өсмүрләр түрмисигә йөткәлгәнликини мәлум қилған болсиму, әмма униң кесилгән яки кесилмигәнлики һәққидә мәлумат бәрмигән вә көрүшүшигиму рухсәт бәрмигән. Бу әһвал сәйярәниң америка вә австралийәдики уруқ-туғқанлирини әндишигә салған, һәтта униң һаят икәнликигә гумани қозғалған.

Биз сәйярә ниҗатниң әһвалини техиму айдиңлаштуруш үчүн үрүмчи шәһиридики тәптиш вә сот тармақлириға телефон қилдуқ. Бир оттура сот хадими сәйярә ниҗат һәққидә өзиниң мәлумат берәлмәйдиғанғлиқини билдүрүш билән бирликтә, бу һәқтә сәйярәниң хизмәт орни болған 3-‏дохтурханидин мәлумат алалайдиғанлиқимизни, чүнки сәйярә һәққидики сот һөкүминиң аилиси вә3 ‏-дохтурханиғиму әвәтилгәнликини ашкарлиди.

Әмма сәйярниң америкадики чоң дадиси рәхи һаҗиниң дейишичә, улар сәйярә һәққидә гуваһлиқ бәргәндин кейин, уларниң сәйярәниң ата-аниси билән болған вастилик алақисиму пүтүнләй үзүлгән. Сәйярәниң түркийәдики һәдиси надирәму сиңлиси һәққидә һечқандақ учур алалмиған.

Шуңа биз үрүмчи шәһәрлик3 ‏-дохтурханиға қайтидин телефон қилип, сәйярәниң қанчә йиллиқ кесилгәнлики вә қәйәрдә җаза муддитини өтәватқанлиқи һәққидә мәлумат соридуқ.

Дохтурханиниң бир алақидар хадими сәйярә ниҗатниң 14 йиллиқ кесилгәнликини вә аталмиш "хаталиқи" ниң җазасини өтәватқанлиқини тилға алди. Әмма у у сәйярәниң қәйәрдики қайси түрмидә җаза муддитини өтәватқанлиқи һәққидә мәлумат бәрмиди. Бу хадим йәнә сәйярә ниҗатниң қануний һәқ-һоқуқиниң капаләт астида икәнликини билдүрүп, униң өткән һәптә ата-аниси билән екранда көрүштүрүлгәнликини ашкарлиди.

Илгирики ениқлашлиримиз давамида, сәйярә ниҗатниң қамақханидики мәзгилидә сақчиларға маслашмиғанлиқи үчүн аилиси билән көрүштүрүлмигәнлики мәлум болған иди. Әмма бу маслашмаслиқниң конкирет қайси түзүм яки қайси һәрикәткә қарита болғанлиқи айдиңлашмиған иди.

Вәзийәттин хәвәрдар кишиләр, сәйярә ниҗатниң дадиси ниҗат абдуреһим бир йерим йил, аписи 6 ай лагерда йетип чиққачқа, сиясий шәртлири һазирланмиған санилип, сәйярә билән көрүштүрүлмигәнликини илгири сүрди.

Сәйярәниң 14 йиллиқ кесилгәнлики вә ата-аниси билән көрүштүрүлгәнликидин радийомиз арқилиқ хәвәр тапқан рәхи һаҗи вә аяли пәридә ханим, сәйярәниң һаят икәнликини аңлап хош болғанлиқини билдүрди. Әмма улар сәйярәгә берилгән җазаниң уйғур райондики милйонлиған мәһкумларниңкигә охшашла һәқисиз икәнликини, бу җазаниму районда давам қиливатқан ирқий қирғинчилиқниң бир испати дәп қарайдиғанлиқини билдүрди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт