Ghayip doxtur seyyare nijat 14 yilliq késilgen we ata-anisi bilen ékranda körüshtürülgen

Muxbirimiz shöhret hoshur
2021-08-11
Share
Seyyare nijatning saqchilargha Ürümchi dostluq doxturxanisining doxturi seyyare nijat xanim. (Waqti we orni éniq emes)
Nadire Nijat teminligen

Muxbirimizning ghayip doxtur seyyare nijat heqqidiki izchil éniqlashliri dawamida, uning yéqinda 14 yilliq késiwétilgenliki we ötken hepte ata-anisi bilen ékranda körüshtürülgenliki melum boldi. Bu ehwal seyyarening xizmet orni bolghan ürümchi sheherlik3 ‏-doxturxanining xadimliri we uning nopusi turushluq ahaliler komitétining saqchi xadimliri teripidin delillendi.

Tutqunlarning nedilikini a'ilisidin yoshurush, 2017‏-yili bashlan'ghan lagér tutqunidiki alahide tüzümliridin biridur. Közetküchilerning qarishiche, gerche da'iriler bu tüzüm arqiliq lagérlarning ornini jem'iyettin we xelq'ara jama'ettin yoshurushqa urunup baqqan bolsimu, emma tutqunlar sanining heddidin tashqiri köpliki seweblik bu tüzümning ijra'ati mumkin bolmighan. Netijide bir qisim tutqunlarni deslepte kent ishxanilirida, kéyinche lagérning özide ékran arqiliq a'ilisi bilen körüshtürgen. Emma bu körüshtürüsh shertlik bolghachqa, yeni tutqunlarning özining we a'ile tawabi'atining siyasiy ipadisining yaxshi bolushi, jümlidin "Terbiyelinish" ke maslashqan bolushi telep qilin'ghan bolghachqa, yene bir türküm tutqunlar a'ilisi bilen tutulghandin kéyin peqetla körüshtürülmigen. Ürümchi sheherlik3 ‏-doxturxanining ghayip doxturi seyyare nijat del ene shundaq qismettiki tutqunlardindur.

Seyyare nijatning amérikadiki chong dadisi we kichik apisining guwahliq bayanatliri netijiside, ghulja we ürümchidiki alaqidar xadimlar seyyare nijatning ata-anisini izdep bérip, uning ürümchi3 ‏-qamaqxanidin ösmürler türmisige yötkelgenlikini melum qilghan bolsimu, emma uning késilgen yaki késilmigenliki heqqide melumat bermigen we körüshüshigimu ruxset bermigen. Bu ehwal seyyarening amérika we awstraliyediki uruq-tughqanlirini endishige salghan, hetta uning hayat ikenlikige gumani qozghalghan.

Biz seyyare nijatning ehwalini téximu aydinglashturush üchün ürümchi shehiridiki teptish we sot tarmaqlirigha téléfon qilduq. Bir ottura sot xadimi seyyare nijat heqqide özining melumat bérelmeydighan'ghliqini bildürüsh bilen birlikte, bu heqte seyyarening xizmet orni bolghan 3-‏doxturxanidin melumat alalaydighanliqimizni, chünki seyyare heqqidiki sot hökümining a'ilisi we3 ‏-doxturxanighimu ewetilgenlikini ashkarlidi.

Emma seyyarning amérikadiki chong dadisi rexi hajining déyishiche, ular seyyare heqqide guwahliq bergendin kéyin, ularning seyyarening ata-anisi bilen bolghan wastilik alaqisimu pütünley üzülgen. Seyyarening türkiyediki hedisi nadiremu singlisi heqqide héchqandaq uchur alalmighan.

Shunga biz ürümchi sheherlik3 ‏-doxturxanigha qaytidin téléfon qilip, seyyarening qanche yilliq késilgenliki we qeyerde jaza mudditini ötewatqanliqi heqqide melumat soriduq.

Doxturxanining bir alaqidar xadimi seyyare nijatning 14 yilliq késilgenlikini we atalmish "Xataliqi" ning jazasini ötewatqanliqini tilgha aldi. Emma u u seyyarening qeyerdiki qaysi türmide jaza mudditini ötewatqanliqi heqqide melumat bermidi. Bu xadim yene seyyare nijatning qanuniy heq-hoquqining kapalet astida ikenlikini bildürüp, uning ötken hepte ata-anisi bilen ékranda körüshtürülgenlikini ashkarlidi.

Ilgiriki éniqlashlirimiz dawamida, seyyare nijatning qamaqxanidiki mezgilide saqchilargha maslashmighanliqi üchün a'ilisi bilen körüshtürülmigenliki melum bolghan idi. Emma bu maslashmasliqning konkirét qaysi tüzüm yaki qaysi heriketke qarita bolghanliqi aydinglashmighan idi.

Weziyettin xewerdar kishiler, seyyare nijatning dadisi nijat abduréhim bir yérim yil, apisi 6 ay lagérda yétip chiqqachqa, siyasiy shertliri hazirlanmighan sanilip, seyyare bilen körüshtürülmigenlikini ilgiri sürdi.

Seyyarening 14 yilliq késilgenliki we ata-anisi bilen körüshtürülgenlikidin radiyomiz arqiliq xewer tapqan rexi haji we ayali peride xanim, seyyarening hayat ikenlikini anglap xosh bolghanliqini bildürdi. Emma ular seyyarege bérilgen jazaning Uyghur rayondiki milyonlighan mehkumlarningkige oxshashla heqisiz ikenlikini, bu jazanimu rayonda dawam qiliwatqan irqiy qirghinchiliqning bir ispati dep qaraydighanliqini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet