Shiwétsariyede xitaygha qarshi namayish ötküzülgen we toplan'ghan imzalar parlaméntqa tapshurulghan

Ixtiyariy muxbirimiz ekrem
2020-09-08
Share
shiwetsariye-namayish-toplanghan-imza.jpg Xitaygha qarshi ötküzülgen namayishtin kéyin toplan'ghan 23 ming imza parlaméntqa tapshurulghan körünüsh. 2020-Yili 7-séntebir, bérn, shiwétsariye.
Photo: RFA

Shiwétsariye paytexti bérnda xitaygha qarshi namayish ötküzülgen we toplan'ghan 23 ming imza parlaméntqa tapshurulghan.

"Shiwétsariye Uyghur jem'iyiti" teminligen uchurlargha asaslan'ghanda, 9-ayning 7-küni shiwétsariye paytexti bérin shehiridiki parlamént binasi aldida "Xeter astidiki xelqlerni qoghdash teshkilati", "Kampax" namliq teshkilat we "Shiwétsariye Uyghur jem'iyiti" ning birlikte uyushturushi bilen xitaygha qarshi namayish ötküzülgen hemde bu teshkilatlar aylardin buyan yolgha qoyghan imza toplash pa'aliyitini xulasilep, toplan'ghan 23 ming imzani shiwétsariye parlaméntigha tapshurghan. "Shwétsariye Uyghur jem'iyiti" ning re'isi andili ependining bildürüshiche, ular bu yil 3-aydin buyan shwétsariye hökümitining xitay bilen bolghan erkin soda kélishimini qaytidin közdin köchürüshini telep qilip imza toplash pa'aliyitini yolgha qoyghan. Uning eskertishiche, shwétsariye fédéral hökümitidiki bir qisim parlamént ezaliri bu imza toplash pa'aliyitini qollighan we toplan'ghan 23 ming imzani parlaméntta otturigha qoyup, ijabiy bir qarar élinishi üchün tirishchanliq körsitidighanliqini bildürüshken.

Mezkur imza pa'aliyitining kirish sözige: "3 Milyon'gha yéqin Uyghur xitayning mejburi emgek lagérlirigha qamaldi. Shwétsariye xitayning bu jinayetlirige shérik bolup qalmasliqi kérek. Shwétsariye hökümiti xitay bilen bolghan erkin soda kélishimini qaytidin közdin köchürüshi lazim" dégenler yézilghan.

Shiwétsariyediki Uyghur ziyaliysi hibibulla ependi bu heqte ziyaritimizni qobul qilghanda bu namayishning birqisim axbarat organlirining diqqitini tartqanliqini tilgha aldi.

Xewerlerdin melum bolushiche, shwétsariye hökümiti 60 tin artuq dölet bilen" jinayetchilerni ötküzüp bérish kélishimi "Imzalighan bolup, buning ichide xitaymu bar iken. Bu yil xitay bilen bolghan mezkur kélishimni uzartishqa toghra kelgen. Bu mesile shiwétsariyediki birqisim parlamént ezaliri we kishilik hoquq organlirining küchlük qarshiliqigha uchrighan. Ular " Kishilik hoquq weziyiti künséri nacharlishiwatqan xitay bilen bundaq bir kélishimni imzalash tüptin xata" dégen. Bolupmu, shiwétsariyege siyasiy panahliq tilep kelgen herqandaq bir Uyghur yaki tibetlikni xitaygha ötküzüp bérishke bolmaydighanliqini ilgiri sürgen. Shwétsariye köchmenler idarisi bolsa hazirgha qeder birmu Uyghur yaki tibetlikning xitaygha qayturup bérilmigenlikini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet