Шиветсарийәниң дөләт қанили “бир милләтниң көрүнмәс азаб-оқубәтлири” ни баян қилди

Ихтиярий мухбиримиз әкрәм
2022-01-19
Share
Шиветсарийәниң дөләт қанили “бир милләтниң көрүнмәс азаб-оқубәтлири” ни баян қилди Шиветсарийәниң дөләт қанили срф ниң “юлтузлар вақти” программисида уйғурлар тоғрисида тарқитилған “бир милләтниң көрүнмәс азаб-оқубәтлири” намлиқ сөһбәт программисидин көрүнүш. 2022-Йили 15-январ.
srf.ch

Шиветсарийәниң дөләтлик радийо-телевизийә оргини болған SRF ниң 1-қанили 15-январ “юлтузлар вақти” программисида мәхсус уйғурларниң нөвәттики вәзийитигә беғишлап “бир милләтниң көрүнмәс азаб-оқубәтлири” дегән темида бир сөһбәт уюштурған. Сөһбәткә шиветсарийә уйғур җәмийитиниң рәиси андили мәмәткәрим билән германийә байройет университетиниң профессори павла ширөде ханим тәклип қилинған, әһмәд милад әпәнди сөһбәткә риясәтчилик қилған.

Шиветсарийәниң дөләт қанили срф да уйғурлар тоғрисида тарқитилған “бир милләтниң көрүнмәс азаб-оқубәтлири” намлиқ сөһбәт программисида риясәтчи әһмәд милад(Ahmad Milad Karimi) әпәнди соал соримақта. 2022-Йили 15-январ.
Шиветсарийәниң дөләт қанили срф да уйғурлар тоғрисида тарқитилған “бир милләтниң көрүнмәс азаб-оқубәтлири” намлиқ сөһбәт программисида риясәтчи әһмәд милад(Ahmad Milad Karimi) әпәнди соал соримақта. 2022-Йили 15-январ.

“бир милләтниң көрүнмәс азаб-оқубәтлири” намлиқ программиниң изаһатида мундақ баянларға орун бәргән: “хитайниң ғәрбидики шинҗаң районида 10 милйондин артуқ уйғурлар яшайду. Улар аз санлиқ бир мусулман болуш сүпити билән йиллардин буян хитай һөкүмити тәрипидин системилиқ кәмситилип, қийин-қистақларға елинип, мәҗбурий әмгәккә селинип кәлмәктә вә ‛қайта тәрбийәләш‚ лагерлириға соланмақта. Уйғурларниң бу қайғулуқ кәчүрмишлири сизниң етиқадиңиз үчүн немидин дерәк бериду? хитай һөкүмити уйғурларға қарши рәһимсиз һәрикәт қолланмақта. Улар давамлиқ назарәт қилиниду, диний вә мәдәнийәт кимликидин ваз кечишкә, компартийәниң идеологийәсигә бой сунушқа мәҗбур болиду. Уларниң көпинчиси қанчә йиллардин буян ғайип болуп кәтти, аилисидикиләр уларға улишалмиди. ‛уйғур мустәқил сот мәһкимиси‚ хитайниң уйғурларға йүргүзгән җинайәтлирини ‛ирқий қирғинчилиқ‚ билән әйиблиди. Бейҗиң буларниң кишилик һоқуқ җинайити икәнликини рәт қилип кәлмәктә. Уйғурлар немишқа хитайниң бу бастуруш сияситиниң қурбаниға айлинип қалиду? уларниң мусулманлиқ етиқади буниңда қандақ рол ойнайду? бу сизниң етиқадиңиз үчүн немидин дерәк бериду?”

Шиветсарийәниң дөләт қанили срф да уйғурлар тоғрисида тарқитилған “бир милләтниң көрүнмәс азаб-оқубәтлири” намлиқ сөһбәт программисида шиветсарийә уйғур җәмийитиниң рәиси андили мәмәткәрим әпәнди риясәтчиниң соалиға җаваб бәрмәктә. 2022-Йили 15-январ.
Шиветсарийәниң дөләт қанили срф да уйғурлар тоғрисида тарқитилған “бир милләтниң көрүнмәс азаб-оқубәтлири” намлиқ сөһбәт программисида шиветсарийә уйғур җәмийитиниң рәиси андили мәмәткәрим әпәнди риясәтчиниң соалиға җаваб бәрмәктә. 2022-Йили 15-январ.

“бир милләтниң көрүнмәс азаб-оқубәтлири” намлиқ бу программа әслидә уйғурларниң диний етиқадиниң дәпсәндичиликләргә учраш әһвалини нуқтилиқ сөһбәт темиси қилишни күнтәртипкә қойған болсиму, әмәлийәттә сөһбәт уйғурларниң нөвәттики еғир вәзийитиниң һәммила саһәсигә қәдәр кеңийип кәткән. Сөһбәткә қатнашқан шиветсарийә уйғур җәмийитиниң рәиси андили мәмәткәрим әпәнди бу қарашни илгири сүрди. Униң билдүришичә, сөһбәттә 1949-йили хитайниң шәрқий түркистанни бесивалғандин буян тохтавсиз елип бериватқан ирқий қирғинчилиқ җинайәтлири әтраплиқ оттуриға қоюлған.

Германийә байройет университетиниң ислам дини тәтқиқатчиси, профессор павла ширөде ханимму мәзкур сөһбәттә хитайниң чәт әлләргә тәшвиқ қиливатқан диний сияситиниң кәңрилики тоғрисидики баянлириниң ялғанлиқини һазирға қәдәр ашкариланған нурғунлиған мәхпий һөҗҗәтләрниң испатлап бәргәнликини, хитайниң җаза лагерлириға қамалған нурғунлиған уйғурларниң әмәлийәттә уйғур болғанлиқи үчүн вә диний етиқади сәвәблик қамалғанлиқини, хитайниң исламни уйғурларниң роһидин сиқип чиқириш, коммунистик идеологийәни зорлап теңиш үчүн теришчанлиқ көрситиватқанлиқини тәкитлигән.

Шиветсарийәниң дөләт қанили срф да уйғурлар тоғрисида тарқитилған “бир милләтниң көрүнмәс азаб-оқубәтлири” намлиқ сөһбәт программисида германийә байройет университетиниң профессори павла ширөде(Paula Schrode) ханим риясәтчиниң соалиға җаваб бәрмәктә. 2022-Йили 15-январ.
Шиветсарийәниң дөләт қанили срф да уйғурлар тоғрисида тарқитилған “бир милләтниң көрүнмәс азаб-оқубәтлири” намлиқ сөһбәт программисида германийә байройет университетиниң профессори павла ширөде(Paula Schrode) ханим риясәтчиниң соалиға җаваб бәрмәктә. 2022-Йили 15-январ.

“бир милләтниң көрүнмәс азаб-оқубәтлири” намлиқ бу программини көргән шиветсарийәдики уйғур зиялийси һәбибуллаһ изчи әпәнди бу һәқтә тохталғанда, бу программиниң нөвәттики шәрқий түркистанниң реал вәзийитини рошән йорутуп бәргәнликини, филимда шәрқий түркистандики мәсилиниң ялғуз диний етиқад дәпсәндичилики мәсиләсила әмәс, бәлки бу земинниң һәқда игиси болған бир милләтни йилтизидин қурутуш мәсилиси икәнликини пакитлар билән испатлап бәргәнликини тилға алди.

“бир милләтниң көрүнмәс азаб-оқубәтлири” намлиқ 1 саәтлик бу программа 16-январдин башлап шиветсарийә, германийә, австрийә қатарлиқ герман тиллиқ милләтләр көп санлиқни игилигән дөләтләрниң ахбарат вастилирида кәң тарқилишқа башлиған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт