Shiwétsariyening dölet qanili “Bir milletning körünmes azab-oqubetliri” ni bayan qildi

Ixtiyariy muxbirimiz ekrem
2022-01-19
Share
Shiwétsariyening dölet qanili “Bir milletning körünmes azab-oqubetliri” ni bayan qildi Shiwétsariyening dölet qanili srf ning “Yultuzlar waqti” programmisida Uyghurlar toghrisida tarqitilghan “Bir milletning körünmes azab-oqubetliri” namliq söhbet programmisidin körünüsh. 2022-Yili 15-yanwar.
srf.ch

Shiwétsariyening döletlik radiyo-téléwiziye orgini bolghan SRF ning 1-qanili 15-yanwar “Yultuzlar waqti” programmisida mexsus Uyghurlarning nöwettiki weziyitige béghishlap “Bir milletning körünmes azab-oqubetliri” dégen témida bir söhbet uyushturghan. Söhbetke shiwétsariye Uyghur jem'iyitining re'isi andili memetkerim bilen gérmaniye bayroyét uniwérsitétining proféssori pawla shirödé xanim teklip qilin'ghan, ehmed milad ependi söhbetke riyasetchilik qilghan.

Shiwétsariyening dölet qanili srf da Uyghurlar toghrisida tarqitilghan “Bir milletning körünmes azab-oqubetliri” namliq söhbet programmisida riyasetchi ehmed milad(Ahmad Milad Karimi) ependi so'al sorimaqta. 2022-Yili 15-yanwar.
Shiwétsariyening dölet qanili srf da Uyghurlar toghrisida tarqitilghan “Bir milletning körünmes azab-oqubetliri” namliq söhbet programmisida riyasetchi ehmed milad(Ahmad Milad Karimi) ependi so'al sorimaqta. 2022-Yili 15-yanwar.

“Bir milletning körünmes azab-oqubetliri” namliq programmining izahatida mundaq bayanlargha orun bergen: “Xitayning gherbidiki shinjang rayonida 10 milyondin artuq Uyghurlar yashaydu. Ular az sanliq bir musulman bolush süpiti bilen yillardin buyan xitay hökümiti teripidin sistémiliq kemsitilip, qiyin-qistaqlargha élinip, mejburiy emgekke sélinip kelmekte we ‛qayta terbiyelesh‚ lagérlirigha solanmaqta. Uyghurlarning bu qayghuluq kechürmishliri sizning étiqadingiz üchün némidin dérek béridu? xitay hökümiti Uyghurlargha qarshi rehimsiz heriket qollanmaqta. Ular dawamliq nazaret qilinidu, diniy we medeniyet kimlikidin waz kéchishke, kompartiyening idé'ologiyesige boy sunushqa mejbur bolidu. Ularning köpinchisi qanche yillardin buyan ghayip bolup ketti, a'ilisidikiler ulargha ulishalmidi. ‛Uyghur musteqil sot mehkimisi‚ xitayning Uyghurlargha yürgüzgen jinayetlirini ‛irqiy qirghinchiliq‚ bilen eyiblidi. Béyjing bularning kishilik hoquq jinayiti ikenlikini ret qilip kelmekte. Uyghurlar némishqa xitayning bu basturush siyasitining qurbanigha aylinip qalidu? ularning musulmanliq étiqadi buningda qandaq rol oynaydu? bu sizning étiqadingiz üchün némidin dérek béridu?”

Shiwétsariyening dölet qanili srf da Uyghurlar toghrisida tarqitilghan “Bir milletning körünmes azab-oqubetliri” namliq söhbet programmisida shiwétsariye Uyghur jem'iyitining re'isi andili memetkerim ependi riyasetchining so'aligha jawab bermekte. 2022-Yili 15-yanwar.
Shiwétsariyening dölet qanili srf da Uyghurlar toghrisida tarqitilghan “Bir milletning körünmes azab-oqubetliri” namliq söhbet programmisida shiwétsariye Uyghur jem'iyitining re'isi andili memetkerim ependi riyasetchining so'aligha jawab bermekte. 2022-Yili 15-yanwar.

“Bir milletning körünmes azab-oqubetliri” namliq bu programma eslide Uyghurlarning diniy étiqadining depsendichiliklerge uchrash ehwalini nuqtiliq söhbet témisi qilishni küntertipke qoyghan bolsimu, emeliyette söhbet Uyghurlarning nöwettiki éghir weziyitining hemmila sahesige qeder kéngiyip ketken. Söhbetke qatnashqan shiwétsariye Uyghur jemiyitining re'isi andili memetkerim ependi bu qarashni ilgiri sürdi. Uning bildürishiche, söhbette 1949-yili xitayning sherqiy türkistanni bésiwalghandin buyan toxtawsiz élip bériwatqan irqiy qirghinchiliq jinayetliri etrapliq otturigha qoyulghan.

Gérmaniye bayroyét uniwérsitétining islam dini tetqiqatchisi, proféssor pawla shirödé xanimmu mezkur söhbette xitayning chet ellerge teshwiq qiliwatqan diniy siyasitining kengriliki toghrisidiki bayanlirining yalghanliqini hazirgha qeder ashkarilan'ghan nurghunlighan mexpiy höjjetlerning ispatlap bergenlikini, xitayning jaza lagérlirigha qamalghan nurghunlighan Uyghurlarning emeliyette Uyghur bolghanliqi üchün we diniy étiqadi seweblik qamalghanliqini, xitayning islamni Uyghurlarning rohidin siqip chiqirish, kommunistik idé'ologiyeni zorlap téngish üchün térishchanliq körsitiwatqanliqini tekitligen.

Shiwétsariyening dölet qanili srf da Uyghurlar toghrisida tarqitilghan “Bir milletning körünmes azab-oqubetliri” namliq söhbet programmisida gérmaniye bayroyét uniwérsitétining proféssori pawla shirödé(Paula Schrode) xanim riyasetchining so'aligha jawab bermekte. 2022-Yili 15-yanwar.
Shiwétsariyening dölet qanili srf da Uyghurlar toghrisida tarqitilghan “Bir milletning körünmes azab-oqubetliri” namliq söhbet programmisida gérmaniye bayroyét uniwérsitétining proféssori pawla shirödé(Paula Schrode) xanim riyasetchining so'aligha jawab bermekte. 2022-Yili 15-yanwar.

“Bir milletning körünmes azab-oqubetliri” namliq bu programmini körgen shiwétsariyediki Uyghur ziyaliysi hebibullah izchi ependi bu heqte toxtalghanda, bu programmining nöwettiki sherqiy türkistanning ré'al weziyitini roshen yorutup bergenlikini, filimda sherqiy türkistandiki mesilining yalghuz diniy étiqad depsendichiliki mesilesila emes, belki bu zéminning heqda igisi bolghan bir milletni yiltizidin qurutush mesilisi ikenlikini pakitlar bilen ispatlap bergenlikini tilgha aldi.

“Bir milletning körünmes azab-oqubetliri” namliq 1 sa'etlik bu programma 16-yanwardin bashlap shiwétsariye, gérmaniye, awstriye qatarliq gérman tilliq milletler köp sanliqni igiligen döletlerning axbarat wastilirida keng tarqilishqa bashlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet