Кишилик һоқуқ күни мунасивити билән шиветсарийәдики кишилик һоқуқ тәшкилатлири чақириқ елан қилди

Берндин ихтиярий мухбиримиз һәбибулла изчи тәйярлиди
2023.12.13
dam-meydani-namayish-01 Амстердамдики дам мәйданида елип берилған намайиштин көрүнүш. 2023-Йили 10-декабир, амстердам
RFA/Hebibulla

10-Декабир дуня кишилик һоқуқ күни мунасивити билән мәркизи шиветсарийәдики хәтәр астидики милләтләрни қоғдаш тәшкилати, шиветсарийә тибәт достлуқ җәмийити, шиветсарийә уйғур җәмийити, тибәт яшлар тәшкилати вә шиветсарийә парламент әзаси николас валдәр бирләшмә чақириқ елан қилған.

Шиветсарийә парламент әзаси николас валдәр сөзләватиду. 2023-Йили 10-декабир.
Шиветсарийә парламент әзаси николас валдәр сөзләватиду. 2023-Йили 10-декабир.
RFA/Hebibulla

Чақириқта шиветсарийә парламент әзаси николас валдәр дуня кишилик һоқуқ хитабнамисиниң 75 йиллиқи мунасивити билән, шиветсарийә федератсийәси кеңәш әзаси касниң диққитини хитай һөкүмитиниң уйғур вә тибәтләргә қаритилған кәң көләмлик кишилик һоқуқ дәпсәндичиликигә қаритишини шундақла 2024-йили шиветсарийәниң хитай истратегийәсини давамлаштурушини, шиветсарийәниң чоқум хитайға тайинип қелишини азайтиши керәкликини оттуриға қойди.

Хәлқара хәтәр астидики милләтләрни қоғдаш тәшкилатидин селина моррел сөзләватиду. 2023-Йили 10-декабир
Хәлқара хәтәр астидики милләтләрни қоғдаш тәшкилатидин селина моррел сөзләватиду. 2023-Йили 10-декабир
RFA/Hebibulla

Бирләшмә баянатта синлиқ чақириққа аваз қошқан, хәлқара хәтәр астидики милләтләрни қоғдаш тәшкилатидин селина моррел ханим болса: “федератсийә кеңишини хитайниң тәсиридин сақлинишқа чақирған вә хитай билән болған мәбләғ һәм сода зәнҗиридә чоқум кишилик һоқуқ дәпсәндичиликигә төһпә қошқан-қошмиғанлиқини қаттиқ тәкшүрүш керәклики” ни оттуриға қойған.

Тибәт яшлар тәшкилатидин калсаң сөзләватиду. 2023-Йили 10-декабир
Тибәт яшлар тәшкилатидин калсаң сөзләватиду. 2023-Йили 10-декабир
RFA/Hebibulla

Тибәт яшлар тәшкилатидин калсаң: “тибәт вә уйғур хәлқи учраватқан қирғинчилиқни көз алдимизға кәлтүрсәк, хәлқара кишилик һоқуқ хитабнамиси өзиниң ролини җари қилдуралмиди, биз бу мунасивәт шиветсарийә федератсийә кеңишини хәлқара кишилик һоқуқ әһдинамисиниң роһини қоғдашқа чақириқ қилимиз” дегән.

Шиветсарийәдики тибәт достлуқ җәмийитидин томас әпәнди болса;

Хитай һөкүмитиниң тибәт вә уйғурларға қаритилған кәң көләмлик кишилик һоқуқ дәпсәндичиликини хатирилитиш билән биргә, шиветсарийәдики тибәт вә уйғур диаспораси һәм сиясий паалийәтчилирини техиму яхши қоғдаш керәкликини оттуриға қойған.

Әнглийәдики йонус әмрә институтида елип берилған паалийәт көрүнүши. 2023-Йили 10-өктәбир, лондон
Әнглийәдики йонус әмрә институтида елип берилған паалийәт көрүнүши. 2023-Йили 10-өктәбир, лондон
RFA/Hebibulla

9-Декабир уйғур ирқий қирғинчилиқи күни вә 10-декабир дуня кишилик һоқуқ күни мунасивити билән, әнглийә уйғур җәмийити вә уйғур ирқи қирғинчилиқи тохтитиш тәшкилати тәрипидин әнглийәдики йонус әмрә институтида паалийәт елип берилған болуп, паалийәт наһайити җанлиқ кәйпиятта уйғур ирқий қирғинчилиқини тонуштуруш билән биргә мол мәзмунлуқ уйғур сәнити билән бирләштүрүлүп елип берилған.

Бу мунасивәт билән мәркизи лондондики уйғур ирқий қирғинчилиқини тохтитиш тәшкилатидин маһирә әйса ханим зияритимизни қобул қилди;

Голландийәниң дам мәйданидиму уйғур паалийәтчи абдуреһим ғениниң орунлаштуруши билән, бирләшмә намайиш елип берилған болуп, бу намайишқа голландийә тибәтләрни қоллаш тәшкилатидин терсаң җампа, кантонлуқ, йәни гуаңдуңлуқ паалийәтчи лю фейлоң, җәнубий моңғулийәлик паалийәтчи ерберилту қатарлиқларму қатнашқан.

Абдуреһим ғени әпәнди зияритимизни қобул қилип бүгүнки намайишниң мәқсити һәққидә мунуларни билдүрди.

 “дуня кишилик һоқуқ” күни бундин 75 йил бурун б д т тәрипидин бекитилгән болуп, 1948-йили 10-декабир күнидә, бирләшкән дөләтләр тәшкилати тәрипидин көплигән әза дөләтләрниң қошулуши билән дуня кишилик һоқуқ хитабнамисини қобул қилинғаниди. Бу мунасивәт билән һәр йили дуняниң һәр қайси җайлирида кәң көләмлик-намайиш вә һәр хил паалийәтләр өткүзүлүп келинмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.