Kishilik hoquq küni munasiwiti bilen shiwétsariyediki kishilik hoquq teshkilatliri chaqiriq élan qildi

Bérndin ixtiyariy muxbirimiz hebibulla izchi teyyarlidi
2023.12.13
dam-meydani-namayish-01 Amstérdamdiki dam meydanida élip bérilghan namayishtin körünüsh. 2023-Yili 10-dékabir, amstérdam
RFA/Hebibulla

10-Dékabir dunya kishilik hoquq küni munasiwiti bilen merkizi shiwétsariyediki xeter astidiki milletlerni qoghdash teshkilati, shiwétsariye tibet dostluq jem'iyiti, shiwétsariye Uyghur jem'iyiti, tibet yashlar teshkilati we shiwétsariye parlamént ezasi nikolas walder birleshme chaqiriq élan qilghan.

Shiwétsariye parlamént ezasi nikolas walder sözlewatidu. 2023-Yili 10-dékabir.
Shiwétsariye parlamént ezasi nikolas walder sözlewatidu. 2023-Yili 10-dékabir.
RFA/Hebibulla

Chaqiriqta shiwétsariye parlamént ezasi nikolas walder dunya kishilik hoquq xitabnamisining 75 yilliqi munasiwiti bilen, shiwétsariye fédératsiyesi kéngesh ezasi kasning diqqitini xitay hökümitining Uyghur we tibetlerge qaritilghan keng kölemlik kishilik hoquq depsendichilikige qaritishini shundaqla 2024-yili shiwétsariyening xitay istratégiyesini dawamlashturushini, shiwétsariyening choqum xitaygha tayinip qélishini azaytishi kéreklikini otturigha qoydi.

Xelq'ara xeter astidiki milletlerni qoghdash teshkilatidin sélina morrél sözlewatidu. 2023-Yili 10-dékabir
Xelq'ara xeter astidiki milletlerni qoghdash teshkilatidin sélina morrél sözlewatidu. 2023-Yili 10-dékabir
RFA/Hebibulla

Birleshme bayanatta sinliq chaqiriqqa awaz qoshqan, xelq'ara xeter astidiki milletlerni qoghdash teshkilatidin sélina morrél xanim bolsa: “Fédératsiye kéngishini xitayning tesiridin saqlinishqa chaqirghan we xitay bilen bolghan meblegh hem soda zenjiride choqum kishilik hoquq depsendichilikige töhpe qoshqan-qoshmighanliqini qattiq tekshürüsh kérekliki” ni otturigha qoyghan.

Tibet yashlar teshkilatidin kalsang sözlewatidu. 2023-Yili 10-dékabir
Tibet yashlar teshkilatidin kalsang sözlewatidu. 2023-Yili 10-dékabir
RFA/Hebibulla

Tibet yashlar teshkilatidin kalsang: “Tibet we Uyghur xelqi uchrawatqan qirghinchiliqni köz aldimizgha keltürsek, xelq'ara kishilik hoquq xitabnamisi özining rolini jari qilduralmidi, biz bu munasiwet shiwétsariye fédératsiye kéngishini xelq'ara kishilik hoquq ehdinamisining rohini qoghdashqa chaqiriq qilimiz” dégen.

Shiwétsariyediki tibet dostluq jem'iyitidin tomas ependi bolsa؛

Xitay hökümitining tibet we Uyghurlargha qaritilghan keng kölemlik kishilik hoquq depsendichilikini xatirilitish bilen birge, shiwétsariyediki tibet we Uyghur di'asporasi hem siyasiy pa'aliyetchilirini téximu yaxshi qoghdash kéreklikini otturigha qoyghan.

En'gliyediki yonus emre institutida élip bérilghan pa'aliyet körünüshi. 2023-Yili 10-öktebir, london
En'gliyediki yonus emre institutida élip bérilghan pa'aliyet körünüshi. 2023-Yili 10-öktebir, london
RFA/Hebibulla

9-Dékabir Uyghur irqiy qirghinchiliqi küni we 10-dékabir dunya kishilik hoquq küni munasiwiti bilen, en'gliye Uyghur jem'iyiti we Uyghur irqi qirghinchiliqi toxtitish teshkilati teripidin en'gliyediki yonus emre institutida pa'aliyet élip bérilghan bolup, pa'aliyet nahayiti janliq keypiyatta Uyghur irqiy qirghinchiliqini tonushturush bilen birge mol mezmunluq Uyghur sen'iti bilen birleshtürülüp élip bérilghan.

Bu munasiwet bilen merkizi londondiki Uyghur irqiy qirghinchiliqini toxtitish teshkilatidin mahire eysa xanim ziyaritimizni qobul qildi؛

Gollandiyening dam meydanidimu Uyghur pa'aliyetchi abduréhim ghénining orunlashturushi bilen, birleshme namayish élip bérilghan bolup, bu namayishqa gollandiye tibetlerni qollash teshkilatidin térsang jampa, kantonluq, yeni gu'angdungluq pa'aliyetchi lyu féylong, jenubiy mongghuliyelik pa'aliyetchi érbériltu qatarliqlarmu qatnashqan.

Abduréhim ghéni ependi ziyaritimizni qobul qilip bügünki namayishning meqsiti heqqide munularni bildürdi.

 “Dunya kishilik hoquq” küni bundin 75 yil burun b d t teripidin békitilgen bolup, 1948-yili 10-dékabir künide, birleshken döletler teshkilati teripidin köpligen eza döletlerning qoshulushi bilen dunya kishilik hoquq xitabnamisini qobul qilin'ghanidi. Bu munasiwet bilen her yili dunyaning her qaysi jaylirida keng kölemlik-namayish we her xil pa'aliyetler ötküzülüp kélinmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.