Җиддә айродромидин мисирға қайтуруветилгән сидиқулланиң из-дерики йоқ

Мухбиримиз меһрибан
2019-10-25
Share
Сидиқулла нурмәмәтниң рәсими чапланған UNHCR ниң тизимлитиш җәдвили.
Рәсимни бир туғқини тәминлигән.

24-Өктәбир радиомиз уйғур бөлүми мундақ бир учур тапшуруп алдуқ.

Өзини сидиқулла нурмәмәтниң түркийәдики дости муһәммәт дәп тонуштурған бир уйғурниң билдүрүшигә қариғанда, мисирда оқуватқан сидиқулла нурмуһәммәт 23-өктәбир таң етиштин бурун саәт 00:50тә мисирниң қаһирә айродромидин җиддәгә қарап йолға чиқип җиддә шәһиригә йитип барған, лекин җиддә айродром сақчилири униң паспортидин гуманлинип шу күни уни 9:50 ниң айропиланиға селип мисирға қайтурувәткән. Мисирниң қаһирә шәһиригә саәт 11:20 дә чүшкән сидиққулла достиға учур йоллап өзиниң қаһирә айродромиға келип болғанлиқини дегән. Ахирқи учурида у йәнә, мисир чегра хадимлириниң уни тутуп қалғанлиқини ейтқан вә саәт 12дин 40 минут өткәндин башлап телефон алақиси үзүлүп қалған. Муһәммәт дости сидиқулланиң телефонни чегра сақчилири еливалған болуши мумкин дәп гуман қилмақта икән.

Радийомизға йәткүзүлгән пакитлиқ учурлар ичидә сидиққулланиң қолида хитай паспортниң копийәсидин башқа бирләшкән дөләтләр тәшкилати мусапирлар комитетиға тизимға алдурған кинишкисиниң копийәсиму бар. Сидиқулланиң дости муһәммәтниң билдүрүшигә қариғанда, у 2016-йили сидиқулла билән әл әзһәрдә оқуш үчүн мисирға кәлгән. Әмма кәлгәндин кейин әзһәр университетида оқушқа қобул қилинмай, қошумчә курсларда әрәб тили вә ислам дини билимлирини өгәнгән.

2017-Йили, мисир даирилири уйғур оқуғучиларни мәҗбурий хитайға қайтурушқа башлиғанда, муһәммәт түркийәгә келивалған, әмма соидиққулла шу чағдиму түркийә чеграсидин киргүзүлмәй мисирға қайтип йошурунуп яшашқа мәҗбур болған. Сидиқулла мисирда хатирҗәм туруш еһтималлиқи болмиғанлиқи үчүн, һәмдә иқтисади җәһәттиму қийинчилиқ болғанлиқи үчүн, сәудидики бир туғқан нисиниң йениға кетиш үчүн сәпәргә чиққан икән. Достиниң ақивитидин әнсирәп қалған муһәммәт хәлқаралиқ кишилик һоқуқ органлири вә ахбатлар һәмдә уйғур тәшкилатлиридин җиддий ярдәм сорашни қарар қилған. 

Икки күндин буян сидиқулланиң достлири вә туғқанлири униң из-дерикини қилиш үчүн мисирдин бир адвокат тутқан, адвокатниң уларға ейтишичә, у гәрчә қаһирә айродромиға барған болсиму сидиқулла билән көрүштүрүлмигән. Әмма униң хәвәр тепишичә қаһирә даирилири сидиқулланиң сәудидин қайтурувелишниң сәвәбни сүрүштүрүш үчүн тутуп қалғанмиш. 

Сидиқулла нурмәмәтни җиддә айродромида күтүвалмақчи болған нәврә иниси абдусаламниң чүшәндүрүшичә, сидиқулла нурмәмәт 24-өктәбир нәврә инисиға җиддә айродромидин учур йоллап, җиддә айродромидикиләрниң униң електронлуқ виза һәққини нәқ пул билән әмәс банка картиси билән төлиши шәрт дәп тосуп қалғанлиқини ейтқан. Нәврә иниси абдусалам өзиниң картиси билән төләш үчүн таможниға киргән болсиму әмма таможна вә чегра хадимлири сидиқуллани илгири бир қетим сәуди чеграсидин башқа паспорт ишлитип киргән тарихи бар дәп гуманлинип елип қалған. 

Әмма абдусалам, җиддә айродроми хадимлириниң йолсизлиқ қилғанлиқини билдүрүп "бу, сидиқулланиң тунҗи қетим сәуди әрәбистанға келиши, уларниң гумани пүтүнләй асассиз" дәйду.

Қаһирә таможна вә айродром сақчиханилириниң телефони елинмиди, җиддә айродром көчмәнләр ишханисиға телефон уланған болсиму, әмма йиллиқ хәлқаралиқ меһман күтүш сәвийәси 4 милйон адәм қетимдин ашидиған бу хәлқаралиқ айродромда инглизчә билидиған хадимниң чиқмаслиқи сәвәблик соаллиримиз йәнила җавабсиз қалди. 

Игилишимизгә қариғанда җиддәдин мисирға қайтурулған сидиқулланиң из-дерәксиз йоқап кәткәнликидин көплигән хәлқаралиқ инсан һәқлири органлири вә бирләшкән дөләтләр тәшкилати мусапирлар комитети қатарлиқ орунларму хәвәр тапқан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт