Долқун әйса: «2018-йили шәрқий түркистан мәсилиси тарихтики һәрқандақ заманға қариғандиму кәң тонулди»

Ихтиярий мухбиримиз әкрәм
2018-12-26
Елхәт
Пикир
Share
Принт
Миңлиған уйғурлар б д т баш штаби алдида өткүзгән хитайға қарши кәң көләмлик намайишида д у қ рәиси долқун әйса әпәнди нутуқ сөзлимәктә. 2018-Йили 6-ноябир, шиветсийә.
Миңлиған уйғурлар б д т баш штаби алдида өткүзгән хитайға қарши кәң көләмлик намайишида д у қ рәиси долқун әйса әпәнди нутуқ сөзлимәктә. 2018-Йили 6-ноябир, шиветсийә.
RFA

Дуня уйғур қурултийи рәһбәрлири 2018-йиллиқ паалийәтлири вә 2019-йиллиқ паалийәт пиланлири тоғрисида тохталди.

Бүгүн д у қ рәһбәрлири зияритимизни қобул қилип, 2018-йиллиқ паалийәтлири тоғрисидики хуласилирини баян қилиш билән биргә, йәнә д у қ ниң 2019-йиллиқ паалийәт пиланлири тоғрисидиму әтраплиқ мәлумат бәрди.

Д у қ ниң рәиси долқун әйса әпәнди бу һәқтә тохталғанда алди билән хитайниң 2018-йили уйғур диярида елип барған зулум сиясәтлири, болупму җаза лагерлириниң муһаҗирәттики уйғурларниң ойғинишиға зор дәриҗидә түрткә болғанлиқини тилға алди. У сөзидә муһаҗирәттики миллий һәрикәтниң нәтиҗисидә хитай һакимийитиниң қисмән болсиму җаза лагерлирини етирап қилишқа мәҗбур болғанлиқини, уйғурлар мәсилисиниң хәлқарада қизиқ тема һалиға кәлгәнликини илгири сүрди.

Долқун әйса әпәнди хитайниң җаза лагерлири вә муһаҗирәттики уйғурларниң буниңға болған күчлүк қаршилиқлири нәтиҗисидә уйғурлар мәсилисиниң явропа иттипақи, б д т һәмдә америка дөләт мәҗлисидә күнтәртипкә кәлгәнликини әскәртти. У йәнә 2019-йиллиқ паалийәт пиланлири һәққидә тохтилип, 2019-йили дуня миқясида хитайға қарши зор көләмлик наразилиқ һәрикәтлириниң барлиққа келидиғанлиқиға болған ишәнчини тәкитлиди.

Д у қ ниң муавин рәиси пәрһат муһәммиди әпәнди бу һәқтә тохталғанда хитай һакимийитиниң уйғурлар үстидин йүргүзүватқан зулум сиясәтлириниң 2019-йили йәниму күчийиши мумкинликини баян қилди. У сөзидә д у қ ниң 2019-йили сиясий күрәшлирини йәниму күчәйтиш пиланлирини түзүватқанлиқини тәкитләп өтти. У йәнә ғәрб демократик әллири, ислам дуняси вә түрк алимидә уйғурлар мәсилисиниң 2019-йили юқири долқунға көтүрүлидиғанлиқи алаһидә тәкитлиди.

Пикирләр (0)
Share
Толуқ бәт