Д у қ һәйити австралийәниң сидней шәһиридә муһим паалийәтләргә иштирак қилди

Ихтиярий мухбиримиз әркин тарим
2018.12.06
Share on WhatsApp
Share on WhatsApp
duq-awstraliye-muhim-yighin.jpg Нури түркәл әпәнди(солдин иккинчи) австралийәдики лавй институтида йиғинға қатнишип, уйғур вәзийитини тонуштурди. 2018-Йили 6-декабир, сидней.
RFA/Erkin Tarim

Дуня уйғур қурултийи рәиси долқун әйса башчилиқидики һәйәт австралийәдә елип бериватқан зияритиниң үчинчи күни, австралийәниң сидней шәһиридә муһим паалийәтләргә қатнашти. Паалийәт 5-декабир ахбарат органлириниң зияритини қобул қилиш билән башланған болуп, улар арқидин сидней технологийә университетида өткүзүлгән доклат бериш йиғини билән лавй истратегийә тәтқиқат мәркизидә чақирилған йиғинға қатнашқан.

Америка уйғур кишилик һоқуқ қурулуши тәшкилатиниң рәиси, уйғур адвокат нури түркәл әпәнди телефон зияритимизни қобул қилип, бу һәқтә мәлумат бәрди.

У, бүгүнки паалийәтләрниң һәммисидә уйғурларниң бүгүнки еғир вәзийитиниң оттуриға чиқиш сәвәблири вә бу вәзийәтни һәл қилишниң чарә-тәдбирлири тоғрисида муһим мәсилиләрниң оттуриға қоюлғанлиқини, булардин сирт икки муһим ахбарат оргининиң зияритини қобул қилғанлиқини баян қилди.

Нури түркәл әпәнди бүгүн чүштин кейин австралийәдики әң даңлиқ истратегийә тәтқиқат институтидин бири болған лавй институтида йиғинға қатнашқанлиқини, йиғинға журналистлар, сиясий анализчилар, сиднейдики уйғур зиялийларниң иштирак қилғанлиқини тилға алди.

Австралийәниң сидней шәһиридә бир күн ичидә 4 муһим паалийәт өткүзүлгән болуп, бу паалийәтләргә д у қ рәиси долқун әйса әпәнди, иҗраийә һәйити рәиси өмәр қанат әпәнди, америка уйғур кишилик һоқуқ қурулушиниң хадими луйиса ханим вә уйғур кишилик һоқуқ қурулушиниң рәиси нури түркәл әпәнди австралийәдики уйғур зиялийси нургүл савут ханимлар иштирак қилған.

Биз нәқ мәйданға телефон қилип бу учришишлар һәққидә мәлумат игилидуқ. Уйғур зиялийси мәмәт турсун әпәнди бүгүнки паалийәтләрниң австралийәдики уйғур яшлири үчүн бир риғбәтләндүрүш болғанлиқини тәкитлиди.

Д у қ рәиси долқун әйса әпәнди башчилиқидики һәйәтниң бу қетимқи бир һәптилик австралийә зиярити җәрянида 3 шәһәрдә 4 муһим йиғин өткүзүлидикән. Нури түркәл әпәнди австралийәдә арқа-арқидин бундақ бундақ йиғинларниң өткүзүлүшиниң зор әһмийәткә игә икәнликини баян қилди.

Д у қ һәйити 12-айниң 9-күнигичә австралийәниң сидней, мелборн, вә аделайд қатарлиқ җайлириға зиярәт елип баридиған болуп, җүмә күни аделайд шәһиридә йәнә бир муһим йиғин өткүзүлидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.