Rabiye qadir xanim tokyodiki chet'el muxbirliri axbarat élan qilish merkizide axbarat élan qildi

Ixtiyariy muxbirimiz haji qutluq qadiri
2016-05-25
Élxet
Pikir
Share
Print
Rabiye qadir xanim tokyodiki chet'el muxbirliri axbarat élan qilish merkizide axbarat élan qilmaqta. 2016-Yili 25-may, tokyo.
Rabiye qadir xanim tokyodiki chet'el muxbirliri axbarat élan qilish merkizide axbarat élan qilmaqta. 2016-Yili 25-may, tokyo.
RFA/Qutluq

25-May chüshtin kéyin yaponiyede ziyarette boluwatqan dunya Uyghur qurultiyi re'isi rabiye qadir xanim tokyodiki chet'el muxbirliri axbarat élan qilish merkizide Uyghur mesililiri boyiche axbarat élan qilghan.

Rabiye qadir xanim axbarat élan qilish yighinida nöwettiki Uyghur musapirlar mesilisi boyiche doklat bilen birge, shi jinping hökümitining Uyghur élida élip bériwatqan basturush siyasiti üstide toxtalghan.

Bügünki rabiye qadir xanimning axbarat élan qilish yighinigha 26-may yaponiyede chaqirilidighan tereqqiy tapqan yette dölet yighinigha qatnishish üchün dunyaning herqaysi jayliridin kelgen muxbir we zhurnalistlarmu qatnashqan.

Rabiye qadir xanim sözide, Uyghur éli weziyitining xitay tarixidiki medeniyet zor inqilabi dewridinmu paji'elik bir peytte turuwatqanliqini we shundaqla tereqqiy tapqan yette dölet yighinida Uyghur musapirlar mesilisining otturigha qoyulushini ümid qilidighanliqini bildürgen.

Axbarat élan qilish yighini chüshtin kéyin sa'et üchtin tötke qeder dawam qilghan bolup muxbirlar rabiye qadir xanimdin köpligen so'allarni sorighan.

Bu qétimqi axbarat élan qilish yighinida rabiye qadir xanimgha dunya Uyghur qurultiyining mu'awin re'isi séyit tümtürk hemrah bolghan.

Yuqiriqi awaz ulinishidin muxbirimiz haji qutluq qadirining dunya Uyghur qurultiyi re'isi rabiye qadir xanim bilen ötküzgen söhbitining tepsilatini anglang.

Toluq bet