D u q tor téléwiziyesining qurulushi alqishqa érishti

Ixtiyariy muxbirimiz ekrem
2018.04.17
duq-tor-telewiziye.jpg D u q tor téléwiziyesining tunji programmisida d u q re'isi dolqun eysa we mu'awin re'isi perhat muhemmidi ependiler. 2018-Yili 16-aprél.
RFA/Ekrem

16-Aprél d u q tor téléwiziyesining qurulghanliqi élan qilinishi bilenla, muhajirettiki Uyghurlarning qizghin alqishigha érishti.

D u q uchur-teshwiqat merkizi teripidin qurulghan d u q tor téléwiziyesining tunji programmisi 16-aprél küni Uyghur jama'iti bilen yüz körüshti. Mezkur tor téléwiziyesining qurulush murasimi programmisigha d u q re'isi dolqun eysa we mu'awin re'isi perhat muhemmidi ependiler qatnashqan bolup, bu programma élan qilin'ghan tunji künila fesébok, yutub we watsapp qatarliq ijtima'iy taratqulardiki körülüsh qétim sani 10 ming kishige yetken.
Norwégiye Uyghur komitétining ezasi bolghan Uyghur siyasiy aktipliridin xelchem xanim, d u q ning tor téléwiziyesining qurulghanliqini qizghin tebrikligen Uyghur ziyaliyliridin biridur. U norwégiyediki Uyghur jama'iti we Uyghur teshkilatigha wakaliten qurultay téléwiziyesini qollaydighanliqini izhar qildi.

D u q mu'awin re'isi perhat muhemmidi ependining bildürüshiche, d u q uchur-teshwiqat merkizi terkibide d u q. T w ni qurush pilani 2017-yili 11-ayning 10-12-künliri gérmaniyening myunxén shehiride chaqirilghan d u q ning 6-nöwetlik wekiller qurultiyidin kéyinla testiqlan'ghan bolup, 5 ayliq térishchanliq netijiside bu téléwiziye qanili d u q ning myunxéndiki bash shtabida qurulup, 12-aprél künidin bashlap resmiy ishqa kirishtürülgen.

“D u q. T w resmiy quruldi” namliq xewer tunji programma bilen qoshulup 16-aprél élan qilin'ghandin kéyin, muhajirette yashawatqan yüzlerche Uyghurlar ijtima'iy taratqularda alqish yaghdurup, özlirining xursenliki we yaxshi tileklirini bildürgen. Awstraliyediki Uyghur ziyaliysi aynur hashimhaji xanim bu heqte toxtalghanda, xitay hakimiyitining Uyghur élidiki zulum-sitemliri heddidin ashqan mushundaq bir mezgilde, xitaygha qarshi teshwiqat kürishi üchün d u q terkibide bir téléwiziye qanilining dunyagha kelgenlikining alqishqa sazawer hadise bolghanliqini tilgha aldi.

Muhajirettiki Uyghurlarni bu yil 4-ayning 27-küni bélgiye paytexti biryussélda ötküzülidighan namayishqa ijtima'iy taratqularda her küni türlük sin filimliri bilen xususiy dewet élan qilip jama'etke tonulghan gollandiyediki Uyghur ziyaliysi zeynure tursun xanim bu heqte pikir bayan qilghanda, 16-aprél élan qilin'ghan “D u q. T w” diki, qurultay re'isi dolqun eysa teripidin teshebbus qilin'ghan 5 ming kishilik namayish chaqiriqi we “Herbir Uyghur sherqiy türkistanning milliy marshini yada bilish kérek” dégen pikirni quwwetleydighanliqini tekitlidi.

D u q rehberlirining bildürüshiche, qurultay uchur-teshwiqat merkizi teripidin bashqurulidighan “D u q. T w” ning qerellik programmiliri 4-ayning 22-künidin 26-künigiche bélgiyede chaqirilidighan “D u q ijra'iye komitéti yighini” hemde “3-Nöwetlik sherqiy türkistan istratégiye muhakime yighini”, shundaqla 27-aprél ötküzülidighan “5 Ming kishilik namayish” tin kéyin ijtima'iy taratqularda élan qilinip turidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.