D u q hey'iti yaponiye parlaménti ezasi hiroshi yamada bilen körüshti

Ixtiyariy muxbirimiz erkin tarim
2018.04.04
dolqun-eysa-heyet-yaponiye-hiroshi-yamada.jpg D u q re'isi dolqun eysa ependi bashchiliqidiki hey'et yaponiye parlaménti kéngesh palatasi ezasi, libérallar partiyesining parlamént ezasi hiroshi yamada ependi bilen söhbette. 2018-Yili 4-aprél, yaponiye.
RFA/Erkin Tarim

Yaponiyede ziyarette boluwatqan dunya Uyghur qurultiyi re'isi dolqun eysa, ijra'iye komitéti mudiri ömer qanat we bayanatchi dilshat rishit ependilerdin terkib tapqan bir hey‘et yaponiye ziyaritining 4-küni yaponiye parlaménti kéngesh palatasi ezasi, libérallar partiyesining parlamént ezasi hiroshi yamada ependi bilen körüshüp, uninggha Uyghurlarning nöwettiki éghir weziyiti toghrisida teyyarlighan mexsus doklati we yaponiye hökümitige bérish üchün teyyarlighan telep xétini sun'ghan.

Dunya Uyghur qurultiyi re'isi dolqun eysa ependi uchrishish axirlashqandin kéyinla téléfon ziyaritimizni qobul qildi.

Dunya Uyghur qurultiyi re'isi dolqun eysa ependi, bügün yaponiye parlaméntida bolup ötken bu uchrishishning muweppeqiyetlik ötkenlikini, yamada ependining yaponiye parlaméntidiki bashqa siyasiy partiyelerning parlamént ezaliri bilen muzakire élip baridighanliqini bildürgenlikini éytti.

D u q re'isi dolqun eysa ependi bu qétim Uyghurlarning nöwettiki éghir weziyitini yaponiye jama'etchilikige anglitip, ularning Uyghurlargha bolghan hésdashliqini qolgha keltürüsh, shundaqla d u q ning yéngi rehberlirini ulargha tonutush üchün bu ziyarette bolghanliqini we 4-ayning 4-künimu tokyo metbu'at merkizide muxbirlarning ziyaritini qobul qilghanliqini bayan qildi.

Dunya Uyghur qurultiyi rehberliri 2008-yilidin tartip izchil halda her yili dégüdek yaponiyede ziyarette bolup, yaponiye hökümitige, yaponiye jama'etchilikige Uyghur mesilisini anglitip kelmekte. Dunya Uyghur qurultiyi ijra'iye komitéti mudiri ömer qanat ependi yaponiye parlaménti kéngesh palatasi ezasi hiroshi yamada ependi bilen bolghan bu qétimqi uchrishishning burunqi uchrishishlar bilen oxshimaydighan terepliri toghrisida toxtaldi.

Ömer qanat ependi hiroshi yamada ependining özlirining teleplirini anglighandin kéyin bezi wedilerni bergenlikini bayan qildi.

D u q ning yaponiye parlaméntidiki uchrishishlirigha ishtirak qilghan d u q ning yaponiyediki ezasi kotaro mi'ura ependi uchrishishlarda zor ilgirilesh bolghanliqini bayan qilip mundaq dédi: “ Dolqun eysa ependi bashchiliqidiki hey'etning yaponiyege kélishi bilen yaxshi pa'aliyetler boldi. Biz körüshken parlamént ezaliri Uyghur mesilisini yaponiye parlaméntida otturigha qoyidighanliqini dédi, menche bu zor ilgirilesh”.

Dunya Uyghur qurultiyi hey'iti bu qétimqi yaponiye ziyaritide nuqtiliq halda siyasetchiler we muxbirlar bilen uchrishish élip bériwétiptu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.