Фирансийә дөләтлик телевизийисидә “уйғурларниң һазирқи әһвали” намлиқ һөҗҗәтлик филим көрситилди

Фирансийә дөләтлик телевизийисидә “уйғурларниң һазирқи әһвали” намлиқ һөҗҗәтлик филимдин көрүнүш. 2014-Йили 14-өктәбир.

14-Өктәбир фирансийәдики нопузлуқ телевизийә қаналлиридин бири болған фирансийә дөләтлик телевизийиси 5-қанилиниң кәчлик бир саәтлик программисида уйғур елиға берип мәхсус ишләнгән һөҗҗәтлик филим “уйғурларниң һазирқи әһвали” намлиқ һөҗҗәтлик филим көрситилгән.

Мәзкур филим фирансийәлик журналистлар тәрипидин ишләнгән болуп, улар бу филимни сүрәткә елиш вә шундақла уйғур елидики уйғурлар билән сөһбәтлишиш үчүн уйғур елиға икки қетим барған.

Филимда асаслиқи қәшқәр мәркәз қилинған болуп, буниңда уйғурларниң диний етиқади вә мәдәнийитиниң хитай компартийиси тәрипидин йоқ қиливетишкә учраватқанлиқини ипадилигән. Филимда йәнә 2009-йили үрүмчидә йүз бәргән 5-июл вәқәсидә пәрзәнтлири ғайиб болған ата-анилар вә шундақла қәшқәрдики бир қисим уйғурлар билән елип берилған сөһбәтләрму көрситилгән.

Фирансийә уйғур җәмийитиниң рәиси әркин әпәнди бу мунасивәт билән зияритимизни қобул қилип бу һәқтә тәпсилий мәлумат бәрди.

Юқиридики аваз улинишидин тәпсилатини аңлиғайсиләр.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар