Uyghur wekilliri gérmaniye hökümet xadimliri bilen uchrashti

Ixtiyariy muxbirimiz ekrem
2015-11-24
Share
umit-agahi-esqerjan-germaniye-parlament.jpg D u q mu'awin re'isi ümid agahi we esqerjan gérmaniye parlaméntida. 2015-Yili 24-noyabir.
RFA/Ekrem

Uyghur wekilliri gérmaniyede hakimiyet béshida turuwatqan üch chong partiyining teklipi bilen bérlin'gha bérip, parlamént binasida Uyghurlar toghriliq muhim söhbetler élip barghan.

24-Noyabir gérmaniye parlaméntida üch chong partiyining yuqiri derijilik rehberliri bilen Uyghurlar mesilisi üstide söhbet ötküzgen d u q mu'awin re'isi ümid agahi we esqerjanlarning bérlindin bergen melumatigha asaslan'ghanda, bu qétimqi söhbetning muhim témisi xitayning parizhdiki térrorluq weqesidin paydilinip Uyghurlarni xelq'ara térrorgha baghlap basturushqa urunush mesilisi, ilham toxti mesilisi, taylandtiki 59 Uyghur musapirning mesilisi we Uyghur diyarining nöwettiki weziyiti bolghan.

Bu qétimqi uchrishish gérmaniye parlaméntida oxshash bolmighan bölümlerde, oxshash bolmighan dölet xadimliri bilen élip bérilghan. Hakimiyet béshidiki xristi'an démokratlar partiyisi insan heqliri komitétining mes'uli, 40 dölet parlamént ezaliridin teshkil tapqan diniy ishlar komitétining gérmaniyediki wakaletchisi, öz nöwitide gérmaniye parlaméntining ezasi mixa'il brand, gérmaniyediki sotsiyal démokratlar partiyisi we xristi'an sotsiyal partiyisining wekilliridin martén patzélt, anjilika xanim qatarliq yuqiri derijilik xadimlar ularni kütüwalghan.

Ziyaritimizni qobul qilghan d u q rehberliridin ümid agahi we esqerjanlar bu uchrishishning bezi mezmunlirini ashkarilidi we bezi mezmunlirini ashkarilashqa bolmaydighanliqini eskertti. Netije itibari bilen, bu qétimqi uchrishishning ehmiyitining zor bolghanliqini tilgha élishti.

Yuqiriqi awaz ulinishidin bu programmining tepsilatini anglaysiz.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet