Qeshqerning yapchan yézisida xitay sékrétar gé bing héyt namizida meschitte söz qilghan

Muxbirimiz shöhret hoshur
2017-07-10
Share
Qaghiliq-nahiyisidiki-Meschit-305.jpg Qaghiliq nahiyisidiki meschit. 2011-Yili noyabir.
RFA/Mehriban

Xitay da'iriliri meschitlerni idare qilishta hazirgha qeder özliri ishen'gen diniy zatlar we Uyghur kadirlardin paydilinip kelgen.

Yéqinqi mezgillerdin buyan meschit qorusini közitish we we meschit ichini nazaret qilishta, kona hemkarlashquchiliri bilenla cheklenmey, xitay kadir we emeldarlirinimu meschitte ishqa séliwatqanliqi ashkarilanmaqta. Kent sékrétarining sözidin melum bolushiche, qeshqer yéngisheher nahiyisining yapchan bazar 8-kentining xitay sékrétar gé bing, bu yilliq héyt namizida meschit bashqurush hey'iti bilen birlikte meschit ichige kirgen we hetta imamdin burun söz qilghan.

Korladin igiligen uchurlirimizdin melum bolushiche, nöwette korladiki meschit bashqurush hey'etliri 6 kishidin terkib tapqan, bularning bir qismi kent we yéza kadirliridin, yene bir qismi yuqiridin töwen'ge chüshken kadirlardin teshkillen'gen. Yene melum bolushiche, bu 6 neperdin az dégende bir yaki ikki nepiri xitay.

Qeshqer yéngisheherning yapchan yéza 8-kent meschitide xitay kadir meschit ichini nazaret qilipla qalmastin, yene alaqidar qa'ide-yosunlar heqqide söz qilghan. Mezkur meschitning bu yilliq roza héyt namizida xitay sékrétar gé bing meschit xatibidin burun söz qilghan.

Yuqiriqi melumatlardin, xitay sékrétar gé bingning meschitke kirgenliki we xatip sözleshtin awwal bezi qa'ide-tüzümler heqqide gep qilghanliqi melum, emma, éniq halda némilerni dégenliki melum emes. Muhajirettiki Uyghur közetküchiler, xitayning bu xil tedbirler arqiliq Uyghur jem'iyitide xitay hakimiyitige qarshi téximu köplep nepret we öch-adawet uruqi chéchiwatqanliqini, bu xil ijra'atlar dawamining rayon muqimliqi üchün achchiq aqiwetlerni keltürüsh éhtimalliqini ilgiri sürüshmekte.

Yuqiridiki awaz ulinishidin programmining tepsilatini anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet