Д у қ «истиқлал марши мукапати» ни йолға қойиду

Ихтиярий мухбиримиз әкрәм
2018-05-09
Елхәт
Пикир
Share
Принт
Д у қ рәиси долқун әйса әпәнди(оңда) билән муавин рәиси пәрһат муһәммиди әпәнди duq.tv Да.
Д у қ рәиси долқун әйса әпәнди(оңда) билән муавин рәиси пәрһат муһәммиди әпәнди duq.tv Да.
Photo: RFA

Д у қ муһаҗирәттики уйғурлар арисида «истиқлал марши мукапати» ни йолға қоюшни қарар қилди.

Д у қ рәһбәрлири 8-май тәминлигән учурларға асасланғанда, д у қ мәркизи муһаҗирәттики уйғурлар арисида «шәрқий түркистанниң истиқлал марши мукапати» паалийитини йолға қойидикән.

Бу паалийәт 5-айниң 15-күни башлинип, 9-айниң 15-күни ахирлишидикән. Тәрәпсиз хадимларниң баһалиши билән, бу мукапатниң иқтисадий соммиси мушу йили 11-айниң 12-күни германийәниң мюнхен шәһиридә өткүзүлидиған икки җумһурийәтни, йәни 1933-қәшқәрдә қурулған «шәрқий түркистан ислам җумһурийити» вә 1944-йили ғулҗида қурулған «шәрқий түркистан җумһурийити» ни хатириләш мурасимида тарқитилидикән.

Д у қ рәиси долқун әйса әпәнди бу мукапатни тәсис қилиш мәсилиси үстидә тохталғанда униң иҗабий әһмийәтлирини тилға алди һәмдә мукапат соммисини вәтәнпәрвәр, сахавәтчи уйғурларниң үстигә алғанлиқини тәкитлиди.

Игилишимизчә, «истиқлал марши мукапати» 3 дәриҗә бойичә баһалинидикән. 10 Кишиликтин артуқ гуруппа һалитидә яки бир аилә һалитидә вә яки айрим бир шәхс һалитидә истиқлал маршини әң яхши декламатсийә қилған, сәнәтлик шәкилләрдә әң яхши ипадә қилған коллектип яки шәхсләр үч дәриҗигә айрилип иқтисадий, мәниви мукапатлар билән тартуқлинидикән. Мукапат соммиси төвән дегәндә миң явродин чүшүп кәтмәйдикән.

Д у қ муавин рәиси пәрһат муһәммиди әпәнди бу һәқтә тохтилип, бу мукапатниң уйғурлар арисида вәтәнпәрвәрлик туйғулирини йүксәлтиштә зор әһмийәткә игә икәнликини баян қилди. Д у қ диний ишлар комитети мудири, явропа шәрқий түркистан бирлики тәшкилатиниң рәиси турғунҗан алавудинму бу паалийәтниң муһим әһмийитини әскәртти.

Д у қ рәһбәрлириниң билдүрүшичә, «истиқлал марши мукапати»ни йолға қоюш һәққидә пат арида рәсмий язма уқтуруш тарқитилидикән вә муһаҗирәттики барлиқ уйғурларниң бу паалийәткә актип қатнишиши тәшәббус қилинидикән.

Пикирләр (0)
Share
Толуқ бәт