D u q "Istiqlal marshi mukapati" ni yolgha qoyidu

Ixtiyariy muxbirimiz ekrem
2018-05-09
Élxet
Pikir
Share
Print
D u q re'isi dolqun eysa ependi(ongda) bilen mu'awin re'isi perhat muhemmidi ependi duq.tv Da.
D u q re'isi dolqun eysa ependi(ongda) bilen mu'awin re'isi perhat muhemmidi ependi duq.tv Da.
Photo: RFA

D u q muhajirettiki Uyghurlar arisida "Istiqlal marshi mukapati" ni yolgha qoyushni qarar qildi.

D u q rehberliri 8-may teminligen uchurlargha asaslan'ghanda, d u q merkizi muhajirettiki Uyghurlar arisida "Sherqiy türkistanning istiqlal marshi mukapati" pa'aliyitini yolgha qoyidiken.

Bu pa'aliyet 5-ayning 15-küni bashlinip, 9-ayning 15-küni axirlishidiken. Terepsiz xadimlarning bahalishi bilen, bu mukapatning iqtisadiy sommisi mushu yili 11-ayning 12-küni gérmaniyening myunxén shehiride ötküzülidighan ikki jumhuriyetni, yeni 1933-qeshqerde qurulghan "Sherqiy türkistan islam jumhuriyiti" we 1944-yili ghuljida qurulghan "Sherqiy türkistan jumhuriyiti" ni xatirilesh murasimida tarqitilidiken.

D u q re'isi dolqun eysa ependi bu mukapatni tesis qilish mesilisi üstide toxtalghanda uning ijabiy ehmiyetlirini tilgha aldi hemde mukapat sommisini wetenperwer, saxawetchi Uyghurlarning üstige alghanliqini tekitlidi.

Igilishimizche, "Istiqlal marshi mukapati" 3 derije boyiche bahalinidiken. 10 Kishiliktin artuq guruppa halitide yaki bir a'ile halitide we yaki ayrim bir shexs halitide istiqlal marshini eng yaxshi déklamatsiye qilghan, sen'etlik shekillerde eng yaxshi ipade qilghan kolléktip yaki shexsler üch derijige ayrilip iqtisadiy, meniwi mukapatlar bilen tartuqlinidiken. Mukapat sommisi töwen dégende ming yawrodin chüshüp ketmeydiken.

D u q mu'awin re'isi perhat muhemmidi ependi bu heqte toxtilip, bu mukapatning Uyghurlar arisida wetenperwerlik tuyghulirini yükseltishte zor ehmiyetke ige ikenlikini bayan qildi. D u q diniy ishlar komitéti mudiri, yawropa sherqiy türkistan birliki teshkilatining re'isi turghunjan alawudinmu bu pa'aliyetning muhim ehmiyitini eskertti.

D u q rehberlirining bildürüshiche, "Istiqlal marshi mukapati"ni yolgha qoyush heqqide pat arida resmiy yazma uqturush tarqitilidiken we muhajirettiki barliq Uyghurlarning bu pa'aliyetke aktip qatnishishi teshebbus qilinidiken.

Toluq bet