Lagér saqchisi: "Oqughuchilar jöylisimu xatirileymiz, teyemmum qilsa gobawgha yollap bérimiz"

Muxbirimiz shöhret hoshur
2018-10-15
Élxet
Pikir
Share
Print
Uyghur rayonidiki melum bir "Terbiyelesh" lagérda tamaq tarqitishtin burun kommunistik partiyeni medhiyelep naxsha éytquzuluwatqan körünüsh.
Uyghur rayonidiki melum bir "Terbiyelesh" lagérda tamaq tarqitishtin burun kommunistik partiyeni medhiyelep naxsha éytquzuluwatqan körünüsh.
Oqurmen Teminligen

Qeshqerdiki bir lagér saqchisining ashkarilishiche, toqquzaqtiki bir lagérda atalmish oqughchilar kech sa'et 10 din etigen sa'et 6 giche uxlashqa buyrulidiken.

Bu 8 sa'et ichide her yataqtin ikkidin kishi bir sa'ettin nöwet bilen öre turup, yataqtikilerning uxlash ehwalini nazaret qilidiken. Bu nazaretchiler uxlawétip jöyligenlerning sözlirinimu yézip xatire qalduridiken. Yalghandin uxlighan boluwélip teyemmum qilghanlar yaki isharet namizi oqughanlar bayqalsa, ular lagér saqchiliri teripidin dölet amanliq saqchilirigha ötküzüp bérilidiken.

Diniy matériyallarda körsitilishiche, islamda pakiz su bolmighan yaki su ishlitish shu kishige ziyanliq we xeterlik bolghan ehwal astida musulmanlar üchün teyemmum qilish qilish, yeni sheklen taharet élish tewsiye qilinidu. Yene namazda ruku we sejde qilishqa imkan bolmighan teqdirde namazning isharet bilen oqulushi qobul körülidu.

Qeshqerdiki lagér saqchisining yuqiriqi bayanliridin melum bolushiche, lagérdiki bezi teqwadar tutqunlar xitayning 24 sa'etlik nazariti astidimu teyemmum qilip isharet namizi arqiliq ibaditini dawamlashturghan. Bu ehwallar bayqilip qalghanda xitay saqchi küchlirining eng ghaljirlashqan qismi bolghan "Gobaw", yeni dölet amanliq saqchilirigha ötküzüp bérilgen. Dölet amanliq saqchilirining ularni qandaq bir terep qilghanliqi hazirche melum emes.

Toluq bet