Пакистандики хитай әлчиханисиниң уйғурларға қурбанлиқ қой гөши тарқитиш пилани әмәлгә ашмиди

Ихтиярий мухбиримиз һаҗи қутлуқ қадири
2015.09.28
Share on WhatsApp
Share on WhatsApp
pakistan-qurbanliq-heyt-1.jpg Пакистандики мустәқил уйғур кишилик һоқуқ паалийәтчиси абдуқеюмниң тәшкиллиши вә чәтәлләрдики қериндашларниң иқтисадий ярдими билән иқтисади аҗиз болған уйғурлардин 25 аилигә 25 туяқ қурбанлиқ қой тарқитип берилгән. 2015-Йили 25-сентәбир.
Photo: RFA

25-Сентәбир пакистан равалпинди шәһиридики уйғурлар қурбан һейтни өзгичә тәбриклиди.

Пакистандики хитай әлчиханиси көп йиллардин буян һәр йилқи қурбан һейтта равалпинди шәһиридики бир қисим уйғурларға қурбанлиқ қой гөши совға қилиш арқилиқ уларни өзигә тартмақчи болуп кәлгән. Бирақ бу йил пакистандики мустәқил уйғур кишилик һоқуқ паалийәтчиси абдуқеюмниң тәшкиллиши вә чәтәлләрдики қериндашларниң иқтисадий ярдими билән хитай әлчиханисиниң бу һәрикитигә хатимә берилип, иқтисади аҗиз болған уйғурлардин 25 аилигә 25 туяқ қурбанлиқ қой тарқитип берилгән.

Зияритимизни қобул қилған абдуқеюм әпәнди бу һәқтә тохталди. У, бу қетимқи қурбанлиқ қой гөши тарқитиш паалийитиниң германийәдики “ шәрқий түркистан учур мәркизи”ниң мәсули абдуҗелил қарақаш, дуня уйғур қурултийи иҗраийә комитетиниң рәиси долқун әйсаниң тәшәббуси вә уюштуруши билән, германийәдики түрк қериндашлар тәрипидин пакистандики уйғурларға берилгән иқтисади ярдәм арқисида елип берилғанлиқини билдүрди.

У, сөзидә қурбанлиқ қилиш паалийитигә қатнашқан уйғурларниң тәсирати һәққидә тохталди. Униң билдүрүшичә, шу күни уйғурларниң тәшкиллинип қурбанлиқ қой тарқитиш паалийити елип беришидин хәвәрдар болған исламабадтики хитай әлчиханиси дәрһал буниңға қарши һәрикәткә өтүп, равалпинди шәһиридики хитай муһаҗирлар җәмийитиниң мәсули насирханни ишқа салған. Насирхан бир қисим уйғурларниң өйлиригә аптомобил әвәтип, уларниң тиздин өзиниң өйигә келишини вә бу йәрдә хитай әлчиханисиниң қурбанлиқ қой гөши тарқитиш паалийити елип баридиғанлиқини ейтқан болсиму, бирақ уйғурлар униң тәклипини чирайлиқчә рәт қилған.

Мустәқил уйғур кишилик һоқуқ паалийәтчиси абдуқеюм сөһбитимиз җәрянида йәнә, бу қетимқи пакистандики уйғурларға берилгән иқтисадий ярдәмдин ялғуз равалпинди шәһиридики уйғурларла бәһримән болуп қалмастин, бәлки пакистанниң җәнубий гилгит шәһиридики вә һәтта афғанистандики уйғурларғиму қурбанлиқ үчүн пул йәткүзүлгәнликини илгири сүрди.

Юқириқи аваз улинишидин тәпсилатини аңлаң.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.