Pakistan bilen xitay “Qaramay xitabnamisi” ni élan qildi

Ixtiyariy muxbirimiz haji qutluq qadiri
2015-08-17
Share
qaramay-xitabnamisi.jpg Uyghur élining qaramay shehiride pakistan bilen xitay “Qaramay xitabnamisi” ni élan qildi. 2015-Yili 12-awghust, qaramay.
ts.cn

12-Awghust Uyghur élining qaramay shehiride pakistan bilen xitay “Qaramay xitabnamisi” ni élan qildi.

11-Awghust Uyghur élining néfit shehiri qaramay shehiride bashlan'ghan pakistan-xitay iqtisadiy karédorini güllendürüsh, kéngeytish xelq'araliq muhakime yighini 12-awghust axirliship ikki dölet ortaq bir meqsetke kélip “Qaramay xitabnamisi” ni qarap chiqip maqullighan.

12-Awghust qaramayda élan qilin'ghan pakistan-xitay “Qaramay xitabnamisi” ning mezmunini toghrisida ikki dölet metbu'atliri mezmun jehettin perqlen'gen halda xewer tarqatti.

Xitayning nopuzluq tor betliridin biri bolghan “Xelq tori” ning bu xitabname heqqidiki xewiride: “Ikki terep siyasiy chüshinishni chongqurlashturush, aktip hemkarliqni qanat yaydurush,iqtidar qurulushini kücheytish”, dégedek mezmunlar tilgha élin'ghan.

Xitay metbu'atlirining 12-awghusttiki bu heqtiki xewiride pakistan wekillirining 11-awghust ürümchide Uyghur aptonom rayonluq partkomning sékrétari jang chünshyen bilen körüshkende ikki terep ortaq halda térrorluqqa qarshi turush heqqide söhbetleshkenlikini bildürgen.

Biraq pakistandin chiqidighan in'gliz tildiki “Déyli taymés” gézitining 16-awghusttiki xewiride pakistanning pilan we islahat tereqqiyat ministiri éhsan iqbal “Qaramay xitabnamisi” heqqide muxbirgha bergen bayanatida ikki dölet bu qétimqi söhbette asasliqi pakistanning alem boshluqi téxnikisini tereqqiy qildurush mesilisi heqqide kélishim hasil qilghanliqini bildürgen.Emma ikki terep arisidiki omumiy soda sommisini tilgha almighan shundaqla ikki döletning térrorizmgha qarshi turush mesilisi heqqide söhbetleshkenlikini ilgiri sürmigen.

Xewerde,ikki tereptin bu qétimqi muhakime yighinigha jem'iy üch yüz kishining qatnashqanliqi körsitilgen.

Xitayning islam'abadtiki bash elchisi sun wéydong we pakistanning béyjingda turushluq bash elchisi maso'od xalidningmu muhakime yighinigha ishtirak qilghanliqi eskertilgen.

Islam'abadtiki pakistan-xitay tetqiqat instituti “Qaramay xitabnamisi” gha: “Dölet re'isi shi jinpingning bu yil 4-ayda pakistanda élip barghan ziyaritidin kéyinki ikki dölet arisida qolgha kelgen büyük netije” dep baha bergen.

Bu qétimqi yighinni béyjingdiki xitay ijtima'iy penler akadémiyesi bilen Uyghur aptonom rayoni birlikte pilanlighan.

Ziyaritimizni qobul qilghan yaponiyelik iqtisadshunaslardin yamada “Qaramay xitabnamisi” heqqide toxtilip mundaq dédi: “‛xitay bir belwagh bir yol‚ istratégiyeside gerche pakistandek iqtisadiy ajiz döletlerge köplep meblegh sélip, köprek paydigha érishishni oylishiwatqan bolsimu, lékin ularda yenila bir xil endishe bar. Sewebi islam elliridiki ichki toqunush bolup,waqti kelgende bu xil majiralar xitayning meblighini külge aylandurup qoyushi mumkin”, dep qaraymen.

Biz axirida “Qaramay xitabnamisi”heqqide bezi bir qarashlargha ige bolush üchün pakistandiki musteqil Uyghur kishilik hoquq pa'aliyetchisi abduqéyum ependim bilen bu heqte téléfon söhbiti élip barduq.

Yuqiriqi awaz ulinishidin tepsilatini anglang.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet