Qirghizistandiki Uyghur jama'etchiliki amérika dölet mejlisige muraji'etname yollidi

Ixtiyariy muxbirimiz féruze
2018-11-20
Élxet
Pikir
Share
Print
Qirghizistandiki "Ittipaq" jem'iyitining mu'awin re'isi isma'il tahirof 7567 neper kishi imza qoyghan muraji'etnamini bishkektiki amérika elchixanisi siyasiy bölümining bashliqi tomas ependige tapshurmaqta. 2018-Yili 16-noyabir, bishkek.
Qirghizistandiki "Ittipaq" jem'iyitining mu'awin re'isi isma'il tahirof 7567 neper kishi imza qoyghan muraji'etnamini bishkektiki amérika elchixanisi siyasiy bölümining bashliqi tomas ependige tapshurmaqta. 2018-Yili 16-noyabir, bishkek.
RFA/Féruze

16-Noyabir küni qirghizistan Uyghurlirining jumhuriyetlik ammiwi teshkilati ‏- "Ittipaq" jem'iyitining mu'awin re'isi isma'il tahirof qirghizistandiki Uyghur jama'iti namidin 7567 neper kishi imza qoyghan bir muraji'etnamini qirghizistanda turushluq amérika elchixanisigha tapshurdi.

Imzaliq muraji'etname tapshurush murasimi "Ittipaq" jem'iyitining bishkektiki bash idariside ötküzüldi. Murasimgha qirghizistanda turushluq amérika elchixanisi siyasiy ishlar bölümining bashliqi tomas sélindjér ependi we bu bölümning meslihetchisi jék lambér ependiler teklip qilindi.

Qirghizistandiki Uyghur jama'etchiliki namidin teyyarlan'ghan bu muraji'etnamide aldi bilen pütün dunyadiki, jümlidin qirghizistandiki Uyghurlarning amérika hökümitige bolghan minnetdarliqi bildürüldi. Andin amérikining Uyghur diyarida yüz bériwatqan adettin tashqiri weziyetke yéqindin diqqet qilip kéliwatqanliqi, türlük usullar bilen xitay hökümitige bésim ishlitip, xitayning rayonda élip bériwatqan yuqiri bésimliq siyasetlirini toxtitishqa, jaza lagérliridiki milyonlighan bigunah tutqunlarni qoyup bérishke chaqirghanliqi birmu-bir sanap ötüldi. Mezkur muraji'etnamining axirida qirghizistandiki Uyghur jama'etchilikining amérika hökümiti we xelqige bolghan teshekküri shundaqla amérikining yer sharida démokratiye we insan heqlirini qoghdash yolida körsetken tirishchanliqlirigha alahide rehmet éytildi.

Mezkur muraji'etnamige qirghizistandiki Uyghurlardin jem'iy 7567 kishi imza qoyghan. Radiyomiz ziyaritini qobul qilghan "Ittipaq" jem'iyiti ayallar kéngishining mudiri reshidem emetxanowa xitayning sherqiy türkistanda yürgüzüwatqan teqib siyasetlirige bolghan qattiq endishisini bildürdi. U "Qirghizistandiki Uyghurlar gerche gherbtiki démokratik döletlerdikidek chong namayishlargha chiqalmighan bolsimu, emma minglighan kishiler imza qoyghan mexsus muraji'et xéti teyyarlap amérika dölet mejlisige yollighanliqi ularning sherqiy türkistan xelqining hörlük-azadliqi yolida qilalighan emeliy ishlirining biridur," dédi.

7-Noyabir küni ijtima'iy taratqularda "Ittipaq" jem'iyitining mu'awin re'isi isma'il tahirofning widé'oluq muraji'iti tarqaldi. Shu widé'oda isma'il tahirof qirghizistandiki Uyghur jama'etchilikini xitayning Uyghurlar üstidin yürgüzüwatqan bésim siyasitige qarshi muraji'et xéti teyyarlap, imza qoyushqa we uni amérika dölet mejlisige yollashqa chaqiriq qilghan idi.

Imza toplash herikitige aktipliq bilen qatnashqan tursun'ay islam xanim radiyo ziyaritimizni qobul qilip, imza toplash ishidiki qiyinchiliqlar we netijiler heqqide toxtaldi.

Tursun'ay islam xanim sözide yene mezkur muraji'etnamige imza qoyghanlarning yalghuz Uyghurlar bilenla cheklenmigenlikini, belki qirghizistanda yashawatqan bashqa milletler bilen oxshimighan diniy étiqadtiki kishilerningmu bu xetke imza qoyup, Uyghurlarni qollighanliqini eskertip ötti.

Bu qétimqi imzaliq muraji'etname tapshurush murasimigha qatnashqan mirzahékim hajim abdullayéf ziyaritimizni qobul qilip, murasim dawamida Uyghur diyaridiki éghir külpetler toghrisida ajayip tesirlik nutuqlarning sözlen'genlikini, jem'iy 7567 kishi imza qoyghan muraji'et xétining mexsus bir papkigha sélinip, bishkektiki amérika elchixanisi arqiliq amérika dölet mejlisige yollan'ghanliqini bayan qildi.

Toluq bet