Dilshat réshit: yapon xelqige térror bilen milliy musteqilliq herikitimizning perqini chüshendürimiz

28-Yanwardin bashlap tokyoda ziyarette boluwatqan d u q ning re'isi rabiye qadir xanim yétekchilikidiki wekiller ömikidiki qurultay bayanatchisi dilshat réshit bügün yaponiyediki ixtiyariy muxbirimiz haji qutluq qadirining ziyaritini qobul qilip, nöwette yaponiye metbu'atlirigha Uyghur élining weziyiti heqqide némilerni anglitidighanliqi heqqide toxtilip, u sözide özining yaponiye metbu'atlirigha térrorluq bilen Uyghurlar élip bériwatqan milliy musteqilliq kürishi otturisidiki perqler toghrisida chüshenche béridighanliqini shundaqla Uyghur élida yüz bergen qanliq weqelerning kélip chiqish sewebliri üstidimu toxtilidighanliqini bildürgen.

Yaponiye jem'iyitide 18-yanwar “Islam döliti” teshkilati teripidin süriyede görüge élin'ghan ikki neper yaponiye puqrasidin birining yéqinda öltürülgenliki toghrisidiki xewer taralghandin kéyin, köpligen yaponlar arisida islam diniy we musulmanlar dunyasi heqqide köpligen oxshimighan qarashlarda bes munaziriler otturigha chiqqan.

Yaponiyede chiqidighan nopuzluq metbu'atlardin “Asahi shimbun”, “Yomi'uri shimbun” qatarliq gézitlerde Uyghur élida élip bériliwatqan xitay hakimiyitige qarshi heriketlerning térrorluq heriketlerdin köp perqliq ikenliki toghrisidimu maqaliler élan qilin'ghan.

Nöwette diqqitinglar, yaponiyede ziyarette boluwatqan dunya Uyghur qurultiyi bayanatchisi dilshat réshit bilen élip barghan söhbitimizde bolghay.

Yuqiriqi awaz ulinishidin tepsilatini anglang.