Dunya Uyghur qurultiyi xitayning yéngi bir nöwetlik “Shinjang xizmet yighini” gha inkas qayturdi

Muxbirimiz gülchéhre
2013.09.24
Zhang-chunxian-Xinjiang-Uyghur-eli-partiye-sekritari-305 Jang chünshenning Uyghur élige yéngidin partkom sékrétari bolup teyinlinip, la'ostiki melum bir ministirlar yighinigha qatnishiwatqan körünüshi. 2004-Yili 27-noyabir.
AFP Photo

Xitay 4-nöwetlik “Shinjang xizmet yighini” ni 23-séntebirdin bashlap béyjingda échishqa bashlidi. Ikki kün dawam qilidighan bu yighin'gha xitayning siyasiy kéngesh mudiri yu jingshéng bashliq kattiwashliri we Uyghur éligha qoyghan partkom bash sékrétari jang chünshyen we yene nishanliq yardem bérishke orunlashturulghan 19 xitay ölke, sheherlirining rehber we wekilliri bolup 190 kishi qatnashqan.

Yéngi bir nöwetlik “Shinjang xizmet yighini” da 19 ölke, sheherning tarixiy yaxshi pursetni qoldin bermey Uyghur élining jughrapiyilik, énérgiye menbelik ewzel shara'itidin, shinjanggha qaritilghan étibar bérish siyasetliridin ünümlük paydilinishi, Uyghur élini xitayning énérgiye menbesige aylandurush, Uyghur élining xitayning qedimiy yipek yolini boylap gherbke yürüshtiki köwrüklük rolini jari qildurush, az sanliq millet yashlirini, bolupmu jenubiy rayonlardiki yashlarni xitay ölkilirige bérip ish tépishqa yétekleshke oxshash siyasiy istratégiyilik pilanlarni emelge ashurushi tekitlen'gen.

5-Iyul weqesidin kéyin xitay hökümitining mexsus Uyghur élini idare qilish yéngi istratégiyesini tüzüshni meqset qilip chaqirip kéliwatqan “Shinjang xizmet yighini” ning yéngi bir nöwetlikige qarita, dunya Uyghur qurultiyining inkasi qandaq? dunya Uyghur qurultiyining bayanatchisi alim séyitof muxbirimizning bu heqtiki so'allirigha jawab berdi.

Tepsilatini yuqiridiki awaz ulinishidin anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.