Қәшқәрдики даңлиқ содигәрләрдин 4 нәпириниң қамақта икәнлики дәлилләнди

Мухбиримиз шөһрәт һошур
2018-01-04
Елхәт
Пикир
Share
Принт
Қәшқәр вилайәтлик сода-санаәтчиләр бирләшмисиниң сабиқ рәиси абдуҗелил һаҗим
Қәшқәр вилайәтлик сода-санаәтчиләр бирләшмисиниң сабиқ рәиси абдуҗелил һаҗим
Оқурмән тәминлигән

Қәшқәрдики Бир Пайлақчиниң «Тәрбийә» Линиватқанлар Һәққидә Паш Қилғанлири (1)

Вәзийәттин хәвәрдар кишиләрдин бири қәшқәр вилайәтлик сода-санаәтчиләр бирләшмисиниң рәиси абдуҗелил һаҗим қатарлиқ алдинқи қатардики бай содигәрләрниң 4 нәпириниң өткән йили5‏-айда тутулған вә кесилгәнликини радийомизға мәлум қилди. Игилинишичә,  тутқунлар арисида хәлқаралиқ мал йөткәш (тошумичилиқ) ширкәтлири билән ронақ тапқан абдуҗелил һаҗимдин башқа қәшқәр йеңибазардики емин сода сарийиниң саһиби ғени һаҗи, езиз дияр сода сарийиниң саһиби мәмәт турсун һаҗи, ибн сина чиш давалаш орниниң саһиби имин һаҗи қатарлиқлар бар икән. Йоқириқи учурлар 41 йиллиқ компартийә әзаси, қизил актип вә тәҗрибилик пайлақчи, қәшқәр часа башқармисиниң аманлиқ мудири тәрипидин дәлилләнди.

Аңлиғучилиримиздин бири өткән йили уйғур районида давам қилған кәң көләмлик тутқунда уйғур сода-карханичиларниң муһим нишанлардин бири болғанлиқини баян қилиш билән бирликтә, қәшқәрдә тутулған вә кесилгән алдинқи қатардики сода-карханичилардин 4 нәпириниң кимлики һәққидә мәлумат бәрди.

Бу аңлиғчимизниң баян қилишичә, қәшқәр билән қирғизистан вә таҗикистан қатарлиқ дөләтләр арисида йүк тошуш мулазимити қиливатқан, қәшқәр, йәкән вә үрүмчиләрдә йәр мөлклири болған, қәшқәр вилайәтлик содигәрләр бирләшмисиниң рәиси абдуҗелил һаҗим 18 йиллиқ кесилгән.

Қәшқәрдики имин сода сарийиниң саһиби ғени имин, әзиз дияр сода сарийиниң саһиби мәмәт турсун һаҗимлар 8 йиллиқтин кесилгән. Қәшқәрдә ибни сина чиш дохтурханисини бина қилған үстүнатушлиқ имин һаҗим 5 йиллиқтин кесилгән. Қәшқәрдики сақчи хадимлири, бу 4 нәпәр содигәрниң нөвәттики әһвали һәққидә мәлумат берәлмиди. Қәшқәр шәһәр часа башқармисиниң аманлиқ мудири юқуриқи 4 нәпәр содигәрниң өткән йили 5‏-айда тутқун қилинғанлиқи вә нөвәттә қамақта икәнликини ашкара қилди. Әмма у бу төт нәпәр тутқунниң нөвәттә қайсий қамақханида икәнлики вә яки қанчә йиллиқ кесилгәнликидин хәвәрсизликини ейти.

Әһвал һәққидә радийомизға учур йоллиған аңлиғучимиз, қәшқәр вилайәтлик содигәрләр бирләшмисиниң рәиси абдуҗелил һаҗимниң 2014‏-йили қәшқәр вилайитиниң рәһбәрлири билән йәкән елишқуға бирқанчә қетим зиярәткә барғанлиқини, униң шу зиярәт давамида  елишқу вәқәсигә алақидар бирқсим «дөләт мәхпийәтлики» гә ятидиған әһвалларға шаһит болуп қалғанлиқини, шуңа даириләрниң абдуҗелил һаҗимни уҗуқтурғанлиқини илгири сүрди. Әмма часа башқармисиниң мәзкур аманлиқ мудири, абдуҗелил һаҗимниң тутулушиға униң диний һессиятиниң күчлүк болушиниң сәвәп болғанлиқини илгири сүрди.

Өзиниң нөвәттики «тәрбийәләш» хизмәтлиригә актип маслишиватқанлиқи, давамлиқ түрдә пайлақчилиқ қиливатқанлиқини ашкарилған бу аманлиқ мудириниң ашкарилишичә, андуҗелил һаҗимниң тутулишида йәнә униң «диний әсәбийлик» аламити бар кишиләр билән қоюқ мунасивәт қилғанлиқиму сәвәп болған икән.

Өзиниң «тәрбийәләш» обйектлирини бекитиштә хизмәт қиливатқанлиқи, йәни сақчиларға гуманлиқ кишиләр һәққидә йип учи бериватқанлиқини ашкарилиған бу аманлиқ мудири, юқуриқи 4 нәпәр содигәрниң қәшқәрдә иқтисадий күчи җәһәттин алдинқи қатардики бай сода-карханичилардин икәнликини ейтти. У йәнә бу 4 нәпәр содигәрниң «һөкүмәтни яхши көрүп кәтмәйдиған, партийә әзалири билән актип дөләт кадирлирини яқтурмайдиған кишиләр» дин икәнлики вә «еғизида күлкә чақчақ, қойнида палта-пичақ» дәп тәсвирлиниватқан «иккийүзлимичи» ләрдин икәнликини илгири сүрди.

Пикирләр (0)
Share
Толуқ бәт