Qeshqerdiki dangliq sodigerlerdin 4 nepirining qamaqta ikenliki delillendi

Muxbirimiz shöhret hoshur
2018-01-04
Élxet
Pikir
Hembehr
Print
  • Print
  • Hembehr
  • Pikir
  • Élxet
Qeshqer wilayetlik soda-sana'etchiler birleshmisining sabiq re'isi abdujélil hajim
Qeshqer wilayetlik soda-sana'etchiler birleshmisining sabiq re'isi abdujélil hajim
Oqurmen teminligen

Qeshqerdiki Bir Paylaqchining "terbiye" Liniwatqanlar Heqqide Pash Qilghanliri (1)

Weziyettin xewerdar kishilerdin biri qeshqer wilayetlik soda-sana'etchiler birleshmisining re'isi abdujélil hajim qatarliq aldinqi qatardiki bay sodigerlerning 4 nepirining ötken yili5‏-ayda tutulghan we késilgenlikini radiyomizgha melum qildi. Igilinishiche,  tutqunlar arisida xelq'araliq mal yötkesh (toshumichiliq) shirketliri bilen ronaq tapqan abdujélil hajimdin bashqa qeshqer yéngibazardiki émin soda sariyining sahibi ghéni haji, éziz diyar soda sariyining sahibi memet tursun haji, ibn sina chish dawalash ornining sahibi imin haji qatarliqlar bar iken. Yoqiriqi uchurlar 41 yilliq kompartiye ezasi, qizil aktip we tejribilik paylaqchi, qeshqer chasa bashqarmisining amanliq mudiri teripidin delillendi.

Anglighuchilirimizdin biri ötken yili uyghur rayonida dawam qilghan keng kölemlik tutqunda uyghur soda-karxanichilarning muhim nishanlardin biri bolghanliqini bayan qilish bilen birlikte, qeshqerde tutulghan we késilgen aldinqi qatardiki soda-karxanichilardin 4 nepirining kimliki heqqide melumat berdi.

Bu anglighchimizning bayan qilishiche, qeshqer bilen qirghizistan we tajikistan qatarliq döletler arisida yük toshush mulazimiti qiliwatqan, qeshqer, yeken we ürümchilerde yer mölkliri bolghan, qeshqer wilayetlik sodigerler birleshmisining re'isi abdujélil hajim 18 yilliq késilgen.

Qeshqerdiki imin soda sariyining sahibi ghéni imin, eziz diyar soda sariyining sahibi memet tursun hajimlar 8 yilliqtin késilgen. Qeshqerde ibni sina chish doxturxanisini bina qilghan üstün'atushliq imin hajim 5 yilliqtin késilgen. Qeshqerdiki saqchi xadimliri, bu 4 neper sodigerning nöwettiki ehwali heqqide melumat bérelmidi. Qeshqer sheher chasa bashqarmisining amanliq mudiri yuquriqi 4 neper sodigerning ötken yili 5‏-ayda tutqun qilin'ghanliqi we nöwette qamaqta ikenlikini ashkara qildi. Emma u bu töt neper tutqunning nöwette qaysiy qamaqxanida ikenliki we yaki qanche yilliq késilgenlikidin xewersizlikini éyti.

Ehwal heqqide radiyomizgha uchur yollighan anglighuchimiz, qeshqer wilayetlik sodigerler birleshmisining re'isi abdujélil hajimning 2014‏-yili qeshqer wilayitining rehberliri bilen yeken élishqugha birqanche qétim ziyaretke barghanliqini, uning shu ziyaret dawamida  élishqu weqesige alaqidar birqsim "dölet mexpiyetliki" ge yatidighan ehwallargha shahit bolup qalghanliqini, shunga da'irilerning abdujélil hajimni ujuqturghanliqini ilgiri sürdi. Emma chasa bashqarmisining mezkur amanliq mudiri, abdujélil hajimning tutulushigha uning diniy héssiyatining küchlük bolushining sewep bolghanliqini ilgiri sürdi.

Özining nöwettiki "terbiyelesh" xizmetlirige aktip maslishiwatqanliqi, dawamliq türde paylaqchiliq qiliwatqanliqini ashkarilghan bu amanliq mudirining ashkarilishiche, andujélil hajimning tutulishida yene uning "diniy esebiylik" alamiti bar kishiler bilen qoyuq munasiwet qilghanliqimu sewep bolghan iken.

Özining "terbiyelesh" obyéktlirini békitishte xizmet qiliwatqanliqi, yeni saqchilargha gumanliq kishiler heqqide yip uchi bériwatqanliqini ashkarilighan bu amanliq mudiri, yuquriqi 4 neper sodigerning qeshqerde iqtisadiy küchi jehettin aldinqi qatardiki bay soda-karxanichilardin ikenlikini éytti. U yene bu 4 neper sodigerning "hökümetni yaxshi körüp ketmeydighan, partiye ezaliri bilen aktip dölet kadirlirini yaqturmaydighan kishiler" din ikenliki we "éghizida külke chaqchaq, qoynida palta-pichaq" dep teswirliniwatqan "ikkiyüzlimichi" lerdin ikenlikini ilgiri sürdi.

Toluq bet