D u q rehberliri tokyoda ikki muhim pa'aliyetke qatnashti

Ixtiyariy muxbirimiz erkin tarim
2018.04.02
dolqun-eysa-yaponiye.jpg D u q re'isi dolqun eysa ependi yaponiyening paytexti tokyodiki metbu'at merkizide ötküzülgen doklat bérish yighinida söz qilmaqta. 2018-Yili 1-aprél.
RFA/Erkin Tarim

Dunya Uyghur qurultiyi Uyghurlarning nöwettiki éghir weziyitini démokratiye bilen bashquruluwatqan döletlerge we dunya jama'etchilikige anglitish üchün dunyaning her qaysi jaylirida her xil pa'aliyetlerni ötküzmekte.

Bu meqset bilen 4-ayning 1-küni yaponiyening paytexti tokyodiki metbu'at merkizide doklat bérish yighini ötküzülgen bolup, mezkur yighinda d u q re'isi dolqun eysa ependi, ijra'iye komitéti mudiri ömer qanat ependi we d u q bayanatchisi dilshat rishit ependiler söz qilip, Uyghur diyaridiki nöwettiki éghir weziyet toghrisida melumat bergen.

Dolqun eysa ependi doklat bérish yighinigha muxbirlardin sirt köp sanda pa'aliyetchi, siyasetchilerningmu ishtirak qilghanliqini, ulargha nöwettiki éghir weziyet we xitayning siyasiti toghrisida melumat bergenlikini bayan qildi.

D u q ning yaponiyede turushluq wekili ilham mexmut ependi d u q re'isi dolqun eysa ependining axbarat yighinida noxtiliq halda “Yépiq terbiyelesh merkizi” namidiki lagérlar toghrisida melumat bergenlikini bayan qildi.

D u q re'isi dolqun eysa ependi 4-ayning 1-küni axsham dunya Uyghur qurultiyi rehberlirining yaponiyediki qollighuchiliri bilen ziyapette bir yerge jem bolghanliqini, bu yerdimu muhim doklatlar bérilgenlikini bayan qildi.

Ilham mexmut ependi 4-ayning 1-küni axsham bérilgen ziyapetning burunqigha oxshimaydighan teripining burundin tartip “Sherqiy türkistan dewasi” gha köngül bölüp kéliwatqan kishilerning sirtida yene köp sanda kishining burun Uyghurlar toghrisidiki yighinlargha ishtirak qilip baqmighan kishiler ikenlikini bayan qildi.

D u q re'isi dolqun eysa bashchiliqidiki 3 kishidin terkib tapqan hey'etning pa'aliyitige yaponiyediki qiziqish qandaq boldi? ilham mehmut ependi 1-chésla d u q rehberliri bergen doklatlarni yaponiye hökümitining munasiwetlik organlirining xadimlirimu kélip anglighanliqini bayan qildi.

D u q bayanatchisi dilshat rishit ependi d u q rehberlirining yaponiyege élip bériwatqan ziyaritining muweppeqiyetlik ötüwatqanliqini, aldimizdiki künlerdimu dawamlishidighanliqini bayan qildi.

Hazir yaponiyege ziyaret élip bériwatqan d u q re'isi dolqun eysa ependi, d u q ning yéqindin béri Uyghurlarning nöwettiki éghir weziyitini dunya jama'etchilikige anglitish üchün amérika qoshma shtatliri, yawropa we türkiye qatarliq döletlerde pa'aliyetler élip barghanliqini, yaponiyediki pa'aliyetlirining dawamlishidighanliqini bayan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.