Мәһбус һәсән имин анисиниң нәзирини өткүзмигәнлики үчүн 10йиллиқ кесилгән

Мухбиримиз шөһрәт һошур
2015-11-10
Share
xoten-namaz-jamaet-305.png Хотәндики җамаәт
AFP

Айкөл пәйшәнбәбазарлиқ сиясий тутқунлар (4)

Мәлум болушичә, ақсу айкөлниң пәйшәнбәбазарда олтурушлуқ аһалилиридин һәсән имин, бултур 6‏-айда уйғур районида башланған бир йил муддәтлик аталмиш “террорлуққа қарши зәрбә бериш долқуни” да 10 йиллиқ кесилгән.

Униң җазалинишиға, вапат болған анисиниң нәзирини өткүзмигәнлики вә ачисиниң намизини өзи чүшүргәнлики сәвәб болған. Шаһитларниң баян қилишичә, униң юқириқи икки қилмиши “аталмиш әсәбий күчләргә әгишиш” вә “дөләтниң диний сияситигә хилаплиқ қилиш” дәп қаралған.

Хитай даирилири бултур “22‏-май үрүмчи әтигәнлик базарға һуҗум қилиш вәқәси” дин кейин уйғур районида муддити бир йиллиқ аталмиш “террорчиларға қаттиқ зәрбә бериш долқуни” қозғиди. Инкаслардин мәлум болушичә, бу долқун йәрлик сақчи органлирида зәрбә бериш нишанлирини тепиш вә бекитиш қийинчилиқини туғдурған, нәтиҗидә йәрлик даириләр бурун тәкшүрүлүп гунаһсиз, дәп қоюп берилгән сабиқ гумандарларни қайтидин тутуш вә уларға бәлгилик җинайәтләрни артиш арқилиқ вәзипә орундаш йолини тутқан.

Мәһбус һәсән имин мәзкур долқунда, вапат болған анисиниң нәзирини өткүзмигәнлики үчүн “әсәбийлик” билән, ачисиниң намизини өзи чүшүргәнлики үчүн “қанунсиз диний паалийәт” билән әйибләнгән вә 10 йиллиқ кесилгән. У нөвәттә аптоном районниң йәкәндики түрмисидә җаза муддитини өтимәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт