Mehbus hesen imin anisining nezirini ötküzmigenliki üchün 10yilliq késilgen

Muxbirimiz shöhret hoshur
2015-11-10
Share
xoten-namaz-jamaet-305.png Xotendiki jama'et
AFP

Ayköl peyshenbebazarliq siyasiy tutqunlar (4)

Melum bolushiche, aqsu aykölning peyshenbebazarda olturushluq ahaliliridin hesen imin, bultur 6‏-ayda Uyghur rayonida bashlan'ghan bir yil muddetlik atalmish “Térrorluqqa qarshi zerbe bérish dolquni” da 10 yilliq késilgen.

Uning jazalinishigha, wapat bolghan anisining nezirini ötküzmigenliki we achisining namizini özi chüshürgenliki seweb bolghan. Shahitlarning bayan qilishiche, uning yuqiriqi ikki qilmishi “Atalmish esebiy küchlerge egishish” we “Döletning diniy siyasitige xilapliq qilish” dep qaralghan.

Xitay da'iriliri bultur “22‏-May ürümchi etigenlik bazargha hujum qilish weqesi” din kéyin Uyghur rayonida mudditi bir yilliq atalmish “Térrorchilargha qattiq zerbe bérish dolquni” qozghidi. Inkaslardin melum bolushiche, bu dolqun yerlik saqchi organlirida zerbe bérish nishanlirini tépish we békitish qiyinchiliqini tughdurghan, netijide yerlik da'iriler burun tekshürülüp gunahsiz, dep qoyup bérilgen sabiq gumandarlarni qaytidin tutush we ulargha belgilik jinayetlerni artish arqiliq wezipe orundash yolini tutqan.

Mehbus hesen imin mezkur dolqunda, wapat bolghan anisining nezirini ötküzmigenliki üchün “Esebiylik” bilen, achisining namizini özi chüshürgenliki üchün “Qanunsiz diniy pa'aliyet” bilen eyiblen'gen we 10 yilliq késilgen. U nöwette aptonom rayonning yekendiki türmiside jaza mudditini ötimekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet