Uyghur yash xitay da'irilirining Uyghur yétekchilerni jem'iyettin ayrish hiylisi heqqide toxtaldi

Ixtiyariy muxbirimiz éhsan
2015-11-02
Share
Erkin-Samsaq-Ferdon-Pettar-ilham-toxti-toghrisida.jpg Erkin samsaq bilen ferdon pettar shinjang téléwiziyisi Uyghurche qanilining “Bügünki söhbet” programmisida ilham toxtini qarilimaqta. 2014-Yil 25-séntebir, ürümchi.
Social Media

Xitay da'iriliri Uyghur diyarida közge körün'gen, jem'iyette melum orni bar, xitay da'iriliri üchün xewp dep qaralghan Uyghur yashlarning jem'iyettiki inawitini chüshürüp, ularni yétim qaldurush üchün bir qatar oyunlarni oynap, ularni Uyghur jama'itidin ayrip tashlashtek neyrenglerni ishletmekte.

Türkiyede yashawatqan, ismini ashkarilashni xalimighan bir Uyghur yash atushning aqtu nahiyisidiki obulqasim isimlik diniy alimning xitay da'iriliri teripidin qandaq shekilde jem'iyettin ayrip tashlan'ghanliqidek özi shahit bolghan weqelikni anglatti.

Obulqasim aqtu nahiyiside tonulghan diniy alim bolup, 35 yash etrapida iken, u, yurt ichi we sirtida diniy ilmiy bilen tonulghan hemde yashlar ichide belgilik tesir küchige ige, zérek yashlardin bolup, yashlarni yétekleshte, xitay da'irilerning élip bériwatqan siyasetlirini pash qilish, reddiye bérish jehetlerde belgilik rolini jari qildurup kelgen iken.

Xitay da'iriliri uni guman bilen tutqun qilip, nechche ay qamaqqa solighan bolsimu, delil-ispatliq bahane tapalmay qoyup bérishke mejbur bolghan.

2008-Yildin bashlap, xitay da'iriliri obulqasimni jem'iyettin ayrip tashlash taktikisini yolgha qoyup, netijige érishken, 2010-yiligha kelgende obulqasim öz xelqidin kelgen ahanetlerge chidimay éghir yürek késili bilen wapat bolghan.

Xitay da'iriliri ijtima'iy uchur wasitiliri we her xil pitne-ighwalarni tarqitish usulliri arqiliq chet'ellerdiki siyasiy pa'aliyetchi we aktip Uyghurlarning inawiti töküshke, ularni passip haletke chüshürüshke heriket qiliwatqan bolup, shiwétsiyede pa'aliyet qiliwatqan siyasiy pa'aliyetchi abdullah kökyar bu ehwalgha qarita öz köz qarashlirini bayan qildi.

Yuqiridiki awaz ulinishtin tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet