Хитай өлкилиригиму уйғурлардин ялланма сақчи қобул қилинмақчи

Ихтиярий мухбиримиз еһсан
2017-03-24
Елхәт
Пикир
Share
Принт
Уйғур ялланма сақчи. (Вақти вә орни ениқ әмәс)
Уйғур ялланма сақчи. (Вақти вә орни ениқ әмәс)
Social Media

Үндидардики «уйғур сақчи» салуниниң 21-март күни елан қилған хәвиридин мәлум болушичә, 17-март күни хитайниң уйғур диярида турушлуқ җ х идариси «шинҗаң сақчи мәктипи» дин 500 оқуғучини таллап қәшқәр, хотән, ақсу қатарлиқ районларға үч айлиқ мөһләт билән ярдәмгә әвәткән.

Иҗтимаий учур васитилиридә 2-айниң 26-күнидин 3-айниң 1-күнигичә лявниң, хенән вә җяңсу қатарлиқ хитайдики төт өлкидин йәнә 4 миң хитай сақчисини уйғур дияриниң қәшқәр, хотән, ақсу вә атуш қатарлиқ шәһәрлиригә йөткәп кәлгән. Атуш шәһәрлик һөкүмәт торбетидә 2-айниң 27-күнидин 3-айниң 7-күнигичә атушта 200 нәпәр сақчи қобул қилидиғанлиқи, айлиқ мааши 5000 сом болидиғанлиқи вә көп миқдарда толуқлима берилидиғанлиқи тоғрисида уқтуруш чиқирилған иди.

23-Март күни ундидарда тарқалған учурда көрситилишичә, хитайниң җеҗяң өлкиси йиву шәһиридики җ х идариси уйғурлардин ярдәмчи сақчи қобул қилиш елани тарқатқан. Биз бу учурға асасән еландики номурға телефон қилип әһвал игиләшкә тириштуқ. Мәзкур еланни тарқатқан һәмдә уйғурлардин ярдәмчи сақчи қобул қилишқа мәсул болған сақчи мутәллип сөһбитимиз давамида ярдәмчи сақчи қобул қилиш тәртиплири, шәртлири шундақла мәқсити һәққидә тохталди.

Истанбулдики истиқлал телевизийәсидә хизмәт қиливатқан журналист абдуреһим парач зияритимизни қобул қилип, хитай даирилириниң сақчи қобул қилиш уқтурушиниң көпләп тарқилиши, уйғурларниң ялланма сақчилиққа илтимас қилмиғанлиқини, ялланма сақчи вә сақчиларниң турмушиниң хатирҗәмсизлики түпәйли, гәрчә бу хизмәтниң тәминати юқири болсиму, әмма, уйғурларниң бу хизмәттин баш тартиватқанлиқини өзи игилигән әһвалларға бирләштүрүп баян қилди.

Хитай даирилириниң хитай өлкилиригиму уйғурлардин ялланма сақчи қобул қилишта, у йәрдики уйғур тиҗарәтчиләрни тәқиб қилиштин башқа йәнә, хитай өлкилиридә оқуватқан уйғур оқуғучиларни көзитиш, назарәт астиға елишни мәқсәт қиливатқанлиқини билдүрди.

Юқиридики улиништин бу һәқтики программимизниң тәпсилатини аңлайсиләр.

Пикирләр (0)
Share
Толуқ бәт