Korlada 82 yashliq sabiq sékrétar, peyziwatta 64 yashliq sabiq oqutquchi yépiq "Terbiye" de

Muxbirimiz shöhret hoshur
2017-10-17
Élxet
Pikir
Share
Print
"Térrorchilar" ni tutushta töhpe qoshqanlarni mukapatlash yighinida amanliqni qoghdawatqan qoralliq küchler. 2014-Yili 3-awghust, xoten.
"Térrorchilar" ni tutushta töhpe qoshqanlarni mukapatlash yighinida amanliqni qoghdawatqan qoralliq küchler. 2014-Yili 3-awghust, xoten.
AFP

Uyghur rayonida keng kölemde échilghan yépiq terbiyelesh merkezliride solinip yétiwatqanlar arisida belgilik sanda yashan'ghanlarningmu barliqi ashkarilandi.

Melum bolushiche, kochining qarayulghun yéza qarayulghun kentining sabiq sékrétari 82 yashliq ziyawudun choruq bilen peyziwatning shaptul yézisidiki 64 yashliq pénsiyege chiqqan oqutquchi tursun hoshurmu ene shu atalmish terbiyeliniwatqanlarning arisida.

Korlaning qarayulghun yéza qarayulghun kentining sabiq sékrétari ziyawudun choruq bu yil 82 yash bolup, u buningdin 10 yillar ilgiri dem élishqa chiqqan. Burun on nechche yil kent sékrétari bolup ishligen ziyawudun choruq dem élishqa chiqqandin kéyin meschit jama'itige qétilghan we islamdiki 5 perzning biri bolghan hej ibaditini ada qilip kelgenliki üchün "Ikki yüzlimichilik" bilen eyiblinip yépiq terbiyege ewetilgen.

Ötken ayda, ghulja nahiyelik yépiq terbiyelesh merkizining ayallar lagéridiki bir oqutquchimu özining 40 neper oqughuchisi ichide 66 yashliq bir ayal barliqini ashkarilighan, emma kimlikini dep bérelmigen idi.

Bu yilning béshida peyziwat shaptul saqchixana xadimi pénsiyege chiqqan 64 yashliq matématika oqutquchisi tursun hoshurning pénsiyege chiqqandin kéyin, roza tutqan we jümege barghanliqi qatarliq sewebler bilen tutqun qilin'ghanliqi, nöwette uning bir tereptin tekshürülüp, bir tereptin terbiyeliniwatqanliqini ashkarilighan idi.

Melumki yuqiriqi yashan'ghan tutqunlarning qilmishining héch biri xitayning mewjut qanunlirigha xilap emes, hetta bir yilning aldidiki ashkara höjjetlirining rohighimu xilap emes. Ziyawudun choruqning hej qilip kelgenliki üchün, tursun hoshurning roza tutqanliqi üchün tutqun qilinishi, yerlik da'irilerning yépiq terbiyeleshte belgilen'gen sanni toldurushta béshi qétiwatqanliq éhtimalliqini ashkarilimaqta. Chünki qaraqash aqsaraydiki bir qisim kent sékrétarliri, ahale nopusining 40% ni atalmish terbiyedin ötküzüsh heqqide özlirige uqturush bérilgenlikini ashkarilighan idi.

Toluq bet