Arxip
2009-10-31
Dunya Uyghur qurultéyining re'isi rabiye xanim 30 - öktebir küni, tokyodiki chet'el axbarat kulubida ötküzülgen muxbirlar yighinida söz qildi we muxbirlarning su'allirigha jawab berdi.
2009-10-31
B b s ning bayan qilishiche, xitay malliri yamrap ketken qirghizistanda, xitayning merkizi téléwiziye istansisi9 - ayning 25 - künidin étibaren, qirghizistanning paytexti béshkekte rusche anglitish bérishke bashlighandin kéyin, deslepte qirghizistanda qiziqish peyda bolghan, hetta xitayche öginishke bashlighanlarmu bolghan idi, emma hazir qirghizlar arisida herxil talash - tartish peyda boldi.
2009-10-31
Bash orgini parizhdiki xelq'ara muxbirlar teshkilati ürümchide yüz bergen 5 - iyul weqesidin töt ay ötkende, yeni 10 - ayda, Uyghur aptonom rayonidiki yüzdin artuq intérnét tor béti we tor ponkiti heqqide tekshürüsh élip barghandin kéyin radi'omiz arqiliq jakarlishiche, xitay hökümiti 5 - iyul weqesidin kéyin, Uyghur aptonom rayonidiki Uyghurche, xitayche, én'gilizche tor betlirining 85% ni taqiwetken.
2009-10-31
Birleshme agéntliqining bayan qilishiche, tünügün birleshken döletler teshkilatining chong yighinida awaz tashlighandin kéyin, birleshken döletler teshkilatining qorallarni kontrol qilish we qoralsizlandurush komitétigha, dunyada herküni minglighan ademning öltürülüshidin saqlinish üchün qanunsiz qoral yötkeshni cheklesh heqqide yéngi ehdiname tüzüp we uni qanunlashturushni bashlashqa ijazet bérildi.
2009-10-31
Radi'omiz xewiri: amérika da'irilirining ashkarilishiche, amérikining gu'entanamodiki herbiy türmiside 7 yil küzütüsh astida turghan Uyghurlardin 6 si bügün azad qilinip, tinch okyandiki kichik aral döliti -- palawgha yétip barghan.
2009-10-30
Xitay da'iriliri ötken heptilerde ürümchi weqesige munasiwetlik kishiler üstidin sot échip, jem'iy 21 kishige jaza höküm qilghan, buning ichide 12 kishige ölüm jazasi bergen idi. Emma qarar élan qilin'ghandin kéyin bu balilarning ölüm jazasining derhal ijra qilin'ghanliqi yaki qilinmighanliqi, qilinmighan bolsa qachan ijra qilinidighanliqi heqqide héchqandaq melumat bermigen idi.
2009-10-30
30 - Öktebir küni chüshtin kéyin, amérikining san fransésko shehiride, xitay hökümitining sherqiy türkistan we tibette yürgüzüwatqan qattiq basturush siyasitige qarshi naraziliq namayishi ötküzüldi.
2009-10-30
29 - Öktebir peyshenbe küni, amérikining washin'gton shtatigha jaylashqan washin'gton uniwérsitétida jekson xelq'ara munasiwetler instituti bilen rusiye sherqiy yawropa we merkiziy asiya tetqiqat merkizi teripidin uyushturulghan 5 - iyul weqesige alaqidar bir ilmiy muhakime yighini échildi.
2009-10-30
Xitaydiki dangling sen'etkar ey wéywéy, ataqliq xitay sha'iri ey chingning oghli bolup, u, özining xitay kommunist hökümitining siyasitidiki heqsizliklirini pash qilghan bedi'iy eserliri we heqqaniyet üchün élip barghan küreshliri bilen, nöwettiki xitay kommunist emeldarliri eng öch köridighan hem qorqidighan, emma awam puqralar üchün eng söyümlük bir shexske aylan'ghan.
2009-10-30
10 - Ayning 23 - küni türkiyining izmir shehiride, 26 - chisla bolsa istanbuldiki marmara üniwérsitétida `ürümchi weqesi we sherqiy türkistan` témisida yighin chaqirilghan bolup, yighinda Uyghurlar heqqide doklat bergüchilerdin biri bolghan eysa yüsüp alptékin weqpi bashliqi arslan alptékinning éytishiche, istanbul marmara üniwérsitétidiki yighin'gha 600 etrapida kishi qatnashqan.
2009-10-30
Yéqinda istanbuldiki emire neshriyati teripidin türkiyining sabiq dölet ministiri, proféssor doktur exet endijan yazghan "chet'elde türkistan mujadilisi" namliq kitab neshirdin chiqti.
2009-10-30
Xitay metbu'atlirining xewer qilishiche, xitayning dölet igilikidiki "junggo néfit shirkiti" Uyghur aptonom rayonining néfit igilikige kelgüsi besh yilda 29 milyard 300 milyon dollar meblegh sélishni pilanlighan.
2009-10-30
Xitay da'iriliri "Uyghurbiz" tor békitining bashqurghuchisi, "shinjang iqtisad géziti"ning muxbiri gheyret niyazni "dölet bixeterlikige xewp - xeter yetküzgenlik" sewebidin qolgha alghan.
2009-10-30
Uyghur aptonom rayoni yuqiri sot mehkimisi ürümchi sheherlik ottura sot mehkimisi teripidin yéqinda "5 - iyul weqesi"ge chétilip jazalan'ghan 21 kishining hökümge narazi bolup qilghan erzini ret qilip, eslidiki hökümni küchke ige, dep jakarlidi.
2009-10-30
Xongkongda ziyarettiki amérikining "jorj washin'gton" namidiki awi'amatkisining qomandani, déngiz armiye admirali kewin donégan, xitay herbiy tereqqiyatining özlirini teshwishke séliwatqanliqini eskertip, béyjing da'irilirini herbiy küchini tereqqi qildurushidiki meqsitini aydinglashturushqa chaqirdi.
