Arxip
2009-03-31
Obama hökümiti gu'antanamo türmisini taqash heqqide perman chiqarghandin kéyin, bolupmu yéqinqi ikki hepte ichide, amérika edliye ministiri bilen, axbarat bash mupettishi, gu'antanamo Uyghurlirining amérikigha qoyuwétilish mumkinchiliki heqqide texminlirini bayan qilghandin kéyin, gu'antanamo mehbuslirining ikkinchi turalghusi we yaki qamaqxanisining qeyerde bolidighanliqi axbarat dunyasining diqqitini tartmaqta.
2009-03-31
Amérika hökümiti xelq'ara dini erkinlik komitéti 27 - mart küni axbarat élan qilip, yillardin buyan diniy étiqad erkinlikini éghir depsende qilip kéliwatqan döletler tizimlikige kirgüzülgen xitay qatarliq döletlerning, bu yil yene amérikining munasiwetlik da'iriliri teripidin diniy erkinlikini depsende qilidighan, hemde bu jehette alahide diqqet qilinidighan dölet qatarigha tizilghanliqini uqturdi.
2009-03-31
Bügün 3 - ayning 31 - küni, gollandiyining gaga shehiride (golladiyilikler özliri 'den xak' dep ataydighan sheherde) afghanistan mesilisi boyiche xelq'araliq yighin échildi. Roytérs agéntliqining bayan qilishiche, bu bir künlük xelq'araliq yighin'gha 90 dölet we xelq'ara teshkilat wekilliri keldi.
2009-03-31
Uyghur diyaridin biwaste alghan melumatlirimizgha asaslan'ghanda, xitayning Uyghurlargha qarita yolgha qoyiwatqan intérnét qamali yuqiri chekke yetken. Uyghur wetinidiki torxanilar da'im dégüdek saqchilarning charlash meydanigha aylinip qalghan.
2009-03-31
Qirghizistan Uyghur ittipaqining qarmiqidiki "ittipaq" géziti nöwettiki qirghizistanda neshr qiliniwatqan birdin - bir Uyghur tilidiki metbu'at epkeridur. Mezkur gézit 1994 - yildin béri neshr qilinip kelmekte.
2009-03-31
2009 - Yili 3 - ayda "kelgüsining 100 yili" namliq kitab pigasus neshriyati teripidin istanbulda neshir qilindi. Bu kitab esli siyasi analizchi jorj fryédman teripidin in'giliz tilida yézilghan bolup, bu kitabni ibrahim shener we enwer günsel isimlik shexsler türkchige terjime qilip neshir qildurghan.
2009-03-31
Ayropilan qazasida qaza tapqan büyük birlik partiyisi bashliqi muhsin yaziji'oghlu bügün dölet murasimi bilen depne qilindi. Murasimda 100 ming etrapida insan lidiri üchün yash tökti. Bularning ichide qolida ay yultuzluq bayraqlarni kötüriwalghan köp sanda Uyghurlarmu bar idi.
2009-03-31
Ürümchi sheherlik sehiye da'irilirining 31 - mart élan qilghan ürümchi eydiz yuqum ehwali heqqidiki doklattin ashkarilinishiche, 2008 - yilda ürümchidiki tizimgha élin'ghan eydiz yuqumdarlirigha yene 1087 neper yuqumdar qoshulghan bolup bu eydiz yuqum ehwalining 2007 - yiligha qarighanda %4 din artuq örligenlikini körsitidiken.
2009-03-31
Amérika tinch okyan bixeterlik tetqiqat merkizi, 8 - ayda hawayda xelq'araliq herbiy ishlar muhakime yighini chaqiridighan bolup, b b s ning xewirige qarighanda hawaydiki bu muhakime, xitay we teywen herbiy da'irilirige söhbet meydani hazirlaydiken.
2009-03-31
Xitay xewer agéntliqining seyshenbe xewer tarqitishigha qarighanda, ürümchide 30 - mart düshenbe küni kechte amma bilen saqchilar arisida bir qanche yüz adem qatnashqan topilang yüz bergen. Bu jeryanda bir xitay saqchisi yarilan'ghan, weqe yüz bergen gherbiy bulaq yolida bir mehel qatnash üzülüp qalghan.
2009-03-31
Amérika prézidénti barak obama, seyshenbe küni washin'gtondin ayrilip, wezipe öteshke bashlighandin buyanqi tunji yawropa ziyariti üchün yürüp ketti.
2009-03-31
Barak obama, ötken jüme küni afghanistan mesilisige munasiwetlik yéngi istratégiyisini élan qilghan idi. Amérika awazi radi'osining seyshenbe künidiki xewirige qarighanda, obama afghanistan'gha qaratqan istratégiyiside waziristandiki elqa'ide we talibanlarni tarmar qilidighanliqi hemde bu pilanning emelge éshishigha yardemde bolalaydighan etraptiki döletler bilen hemkarlishish ümidide ikenlikini otturigha qoyghan künning özide, shangxey hemkarliq teshkilatigha eza dölet rehberliri moskwada mexsus afghanistan mesilisi heqqide yighin chaqirghan.
2009-03-30
Amérikining kichik tiptiki weyran qilghuchi urush paraxotliri shimali koriyining sün'iy hemrah qoyup bérish herikitini közitish üchün yolgha chiqqan bolup, birleshme agéntliqida körsitilishiche, mezkur amérika paraxotliri bashqurulidighan bombilargha iz qoghlap egishish we tosup qélish iqtidarigha ige iken.
2009-03-30
Xitay hökümiti Uyghur éli xoten rayonida "merkezleshtürüp tüzesh " namliq siyasiy heriket qozghap, din we diniy zatlargha qaritilghan bashqurushni kücheytish hemde " uch xil küchlerge qattiq zerbe bérish" heriketliri élip barghan.
2009-03-30
Kambodzha qizil kxmér kommunist hökümiti hakimiyet sürgen dewride muhim wezipilerni ötigen dölet rehberliri ustidin échiliwatqan sot 30 - mart küni yene dawam qildi.
