Arxip

Heptilik xewerler ( 25 - iyuldin 31 - iyulghiche)

D u q xitayning qara tizimlikige qarita inkas qayturdi

30 - Iyul, xitay j x ministirliqi qara tizimlik élan qilip, abduxélil memtimin, abdurishit ömer, roshen'gül telet we xeyrigül ömer qatarliq 15 neper Uyghur yash üstidin tutush buyruqi chiqarghan idi. Bügün dunya Uyghur qurultiyining re'isi rabiye qadir muxbirimizning ziyaritini qobul qilip, xitayning mezkur qara tizimlikige inkas qayturdi.

Sdiqhaji rozi ependi tokyoda muxpirlarni kütiwélish yighini ötküzdi

Dunya Uyghur qurultiyi re'isi rabiye qadir xanim muhim ishi tüpeylidin yaponiyidiki ziyaritini axirlashturmastin amérikigha qaytqandin kéyin uning yaponiyide élip barmaqchi bolghan pa'aliyitini yoldishi sidiqhaji rozi ependi dawam qildurmaqta.

Wang yang: 'junggo az sanliq milletler siyasitige choqum tüzitish kirgüzüshi kérek'

Qedirlik radi'o anglighuchilar, ürümchi weqesi qanliq basturulghandin kéyin xitay da'iriliri bu ishni chet'ellerdiki üch xil küchlerning peyda qilghanliqini, ürümchi weqesining diniy yaki milliy mesile emeslikini küchep teshwiq qiliwatqan bolsimu, emma weqeni yéqindin közetküchiler, ürümchi weqesining tamamen xitayning Uyghurlargha yürgüzüwatqan bésim siyasitidin kélip chiqqanliqidek ortaq nuqtida jem bolmaqta we weqening bundaq zoriyip nurghunlighan bigunah kishilerning ölüp kétishige wang léchu'en we nurbekrilerni jawabkar dep qarimaqta.

Yaponluqlarning rabiye xanimning ziyariti toghrisidiki inkasi

Xitayning yéqinqi zaman tarixini tetqiq qiliwatqan we dunyadiki kishilik hoqoq mesililirige köngül bölidighan yaponiyilik mutexessis mizutani na'oka xanim bügün ziyaritimizni qobul qilip, dunya Uyghur qurultéyining re'isi rabiye xanimning yaponiye ziyariti heqqidiki ehwallarni tonushturdi we kommunist xitay hökümitining ürümchidiki uchur wastilirida élan qilghan xewerliride, rabiye xanimning yaponiye ziyariti toghrisida éytqan bir nechche xil gepni rastchilliq emes, dep körsetti.

Uyghur élidiki tengsizlik Uyghurlarni öz wetinidin ayrilishqa mejbur qildi

Xitay hökümitining " 5 - iyul ürümchi weqesi" ni "chet'ellerdiki Uyghur teshkilatlirining qutratquluq qilishi sewebidin yüz bergen" dégen yalghan teshwiqatini, chet'ellerde muhajirette turuwatqan Uyghurlar inkar qildi.

Awstiraliye rabiye qadir xanimgha wiza bergen

Awstiraliye hökümiti xitay da'irilirining bésimigha qarimay dunya Uyghur qurultiyi re'isi rabiye qadir xanimgha wiza bérip, uning 8 - awghust küni milborindiki awstiraliye xelq'ara kino féstiwaligha qatnishishigha yol échip berdi.

Xitay 'ürümchi qanliq weqesi' de tutulghan Uyghurlarni sotlash ishining 8 ‏ - ay ichide bashlinidighanliqini élan qildi

Xitay 5‏ - iyuldiki "ürümchi weqesi"de tutqun qilin'ghan Uyghurlarni sotlash ishining 8 ‏ - ayning otturilirida bashlinidighanliqini élan qildi.

Xitay da'iriliri yene 40 ademning tizimlikini élan qildi

Xitay da'iriliri jüme küni 5 ‏ - iyuldiki "ürümchi weqesi" qatnashqan, dep guman qilghan Uyghurlardin qolgha élin'ghan yene 40 kishining ismini élan qildi. Shinxu'a agéntliqining jüme küni tarqatqan xewiridin melum bolushiche, qolgha élin'ghan yuqiriqi 40 neper kishining 3 nepiri xitay bolup, qalghanlirining hemmisi Uyghur iken.

Awstiraliye kino féstiwali xitayning bésimigha tiz pükmeydighanliqini bildürdi

Awstiraliye xelq'ara kino féstiwalining teshkili orgini jüme küni bayanat élan qilip, Uyghur rehbiri rabiye qadir xanimning 8 - awghusttiki milborin xelq'ara kini'o féstiwaligha qatnishidighanliqini we uning hayatini téma qilghan "muhabbetning 10 sherti" filimning choqum féstiwalgha qoyulidighanliqini bildürgen.

Kollliktip bixeterlik shertnamisidiki döletler bashliqliri yighini birleshme qoshun teshkilleshni muzakire qildi

Rusiye bashchiliqidiki sabiq sowét ittipaqi jumhuriyetliridin qurulghan kolliktip bixeterlik shertnamisigha eza döletler jüme küni qirghizistanning cholpan ata sayahet ornida gheyri resmiy bashliqlar yighini ötküzüp, shertnamige eza döletlerning birleshme téz inkas qayturush qoshuni qurush mesilisini muzakire qildi.

Xitay ürümchide tunji iz qoghlap tutush buyruqini élan qildi

Xitay hökümiti 29 - iyul küni, 5 - iyul ürümchi qanliq weqesige da'ir 15 neper jinayet gumandari üstidin tutush buyruqi chiqardi. Ürümchi jama'et xewpsizliki tarqatqan mezkur tutush buyruqida, 14 Uyghur we yene bir neper xitayni öz ichige alghan 15 neper jinayet gumandarlirining baldurraq saqchi orunlirigha özini melum qilishi, özini melum qilghanlargha kengchilik qilinidighanliqi, eger 10 kün möhlet ichide özini melum qilmighanda qattiq jazagha uchraydighanliqi agahlandurulghan.

Rabiye xanimning yaponiye ziyariti xelq'arada zor tesir qozghidi

Dunya Uyghur qurulitiyining re'isi rabiye qadir xanim yaponiye ziyaritini muwappeqiyetlik ayaqlashturup amérikigha qaytip keldi. Rabiye xanim bu munasiwet bilen muxbirimiz eqidening ziyaritini qobul qilip, özining yaponiye ziyaritidin alghan tesiratlirini bayan qilip berdi.

Üch Uyghurning xitay saqchilirigha pichaqliq hujum qilish weqesi heqqide uchur we qarashlar

Ürümchide 5 ‏- iyul toqunushi yüz bergendin kéyin, 7 - iyul xitay puqralirining zorawanliqi weqesi, 7 - iyul Uyghur ayallirining naraziliq namayishi, bir türküm yashlarning 10 - iyul jüme namayishi we 13 - yul küni 3 Uyghurning xitay saqchilirigha pichaq bilen hujum qilish weqesi qatarliq bir yürüsh zenjirsiman weqeler yüz berdi.

Rabiye xanim iz - déreksiz yoqalghan 10 ming Uyghurning hésabini soridi

5 - Iyuldiki "ürümchi weqesi"de zadi qanchilik Uyghurning ölgen we iz ‏ - déreksiz yoqalghanliqi xelq'ara metbu'atlarda ghula - ghula qilinmaqta. Uyghurlar bilen xitaylar élan qilghan bu jehettiki sanliq melumatlarda zor perqler mewjüt.