Архип
2009-09-01
Тәйвән билән хитай чоң қуруқлуқи оттурисидики сиясий ихтилапларниң күчийип кәтмәсликини нәзәрдә тутқан далай лама, өзиниң тәйвән зиярити җәрянида асаслиқ будда дини әқидиси һәққидә тохтилидиғанлиқини тәкитлиди.
2009-09-01
Америка билән өзбекистанниң мунасивитиниң яхшилинишқа қарап меңиши кишиләрниң диққитини алаһидә тартмақта. 2005 - Йили өзбекистанниң әндиҗан шәһиридә мәйданға кәлгән вәқәләрдә америкиниң өзбек һөкүмитини әйиблиши шундақла өзбек һөкүмитиниң америкиниң өзбекистандики һәрбий базисини тақиши билән икки дөләт мунасивәтлири йириклишип кәткән иди.
2009-09-01
5 - Июл үрүмчи вәқәси йүз бәргәндин бир күн кейин чәтәллик бәзи мухбирлар үрүмчигә йетип барған болғачқа үрүмчи вәқәси бир һәптигичә дуня мәтбуатлириниң күнтәртипидин орун алди.
2009-09-01
Истанбулда ечилған хәлқара қәләмкәшләр йиғинини көзитиш үчүн америкидин келип йиғинға қатнашқан америка демократийини илгири сүрүш фонди (NED) җәмийитиниң асия ишлири директори лоийса ханим 2009 - йили 8 - айниң 28 - күни истанбулда, тәклимакан уйғур нәшрияти тәрипидин орунлаштурулған иптар зияпитигә қатнашти.
2009-09-01
Ройтерс агентлиқиниң 1 - сентәбир күни белгийә пайтәхти брюсселдин хәвәр қилишичә, явропа парламенти инсан һәқлири комитетиниң башлиқи һейди һаутала рабийә қадир ханимниң мәзкур парламенттики зиярити җәрянида 5 - июл үрүмчи вәқәси һәққидә хәлқаралиқ мустәқил тәкшүрүш елип бериш тоғрисидики тәлипини қоллиди.
2009-09-01
1 - Сентәбир күни белгийә пайтәхти берюселда зияритини башлиған уйғур миллий һәрикити рәһбири рабийә қадир ханим, явропа парламенти кишилик һоқуқ комитети парламенти билән көрүшүп хитай һөкүмитиниң уйғурларға йүргүзгән сияситини тәниқд қилған шундақла хитай даирилири билән бивастә сөһбәт өткүзүшни халайдиғанлиқини билдүргән.
2009-09-01
1 - Сентәбир уйғур елидики барлиқ оттура вә башланғуч мәктәпләр йеңи мәвсүмлүк оқуш башлиған күни. Шинхуа агентлиқиниң хәвиридин мәлум болушичә, 5 - июл үрүмчи вәқәси йүз бәргәндин кейин хитай даирилири тәрипидин түзүлгән милләтләр иттипақлиқиға даир мәхсус оқушлуқ, бүгүн, йәни 1 - сентәбир, уйғур елидики мәктәпләрниң йеңи оқуш башлаш күнигә үлгүртүп һәр бир оқуғучиға тарқитип берилгән.
2009-09-01
Тибәт роһаний даһийси далай лама, тәйвәнгә йетип келиши һаман, хитай далай ламаниң тәйвәнни зиярәт қилғанлиқиға қарши интайин күчлүк ипадә билдүрүп кәлмәктә.
