Arxip
2010-10-31
Birleshme agéntliqining bayan qilishiche, bügün istanbuldiki taksim meydanida, etigen sa'et 10 din 40 minut ötkende özini partlitish xaraktérliq chong partlash yüz berdi. Weqedin kéyin bu etrapta zor patiparaqchiliq - ensizlik peyda boldi.
2010-10-31
Boshün tor gézitide bayan qilinishiche, amérikining stanford uniwérsitétida ötküzülgen intérnét téxnikisi muhakime yighinida, atalghu mesililiri sözlen'gende, mutexessisler 'xitayning yéngi rehberliriningmu méngisi kona' dep teswirlidi.
2010-10-31
B b s ning bayan qilishiche, ayrupilanda partlitish weqesi peyda qilish üchün, partlighuch posulka teyyarlighan jinayet gumandarliridin ikki ayal bügün yemende qolgha élindi.
2010-10-31
Fransiye agéntliqining xanoydin bayan qilishiche, yaponiye bilen wyétnam otturisida, bügün xanoyda, sirek topa we yadro éléktir istansisi kélishimi imzalan'ghandin kéyin, yaponiye bash weziri na'otokan 'yaponiye bilen wyétnam tarixida bir yéngi sehipe échildi' dep jakarlidi.
2010-10-30
Xitay hökümiti jüme küni, Uyghur élini xelq puli arqiliq chégra halqighan meblegh sélish türlirini raschot qilish sinaq rayoni qilghanliqini jakarlidi.
2010-10-30
Amérikining michigan shtatliq uniwérsitétida ötküzülüwatqan merkiziy yawro - asiya ilmiy muhakime yighini dawam qilmaqta. Bu yighin bügün ikkinchi künige qedem qoydi. Yighin meydanidiki muxbirimiz ümidwarning bildürüshiche, yighinda Uyghur mesilige alahide orun bérilgen.
2010-10-30
Amérika tashqi ishlar ministiri hilariy klinton xanim shenbe küni xitaygha bérip, xitay dölet ishlar meslihetchisi dey binggo bilen körüshken. Dey binggo xitay dölet ishlar ministirliqi tashqi ishlar ishxanisining mudiri bolup, xitaydiki eng nopuzluq diplomatlarning biri iken.
2010-10-30
Peyshenbe küni awstraliyining brizban shehirige jaylashqan xitay tildiki "ulugh éra" gézitxanisigha qaritip oq étilghan. Fransiye agéntliqida körsitishiche, oq atquchilarning xitay millitidin ikenliki ilgiri sürülgen.
2010-10-30
Xitay adwokatlarning amérikigha kélishige yol qoyulmighan. Birleshme agéntliqida körsitishiche, jang tyenyong, we li subin qatarliq ikki neper xitay adwokat shenbe küni amérikigha bérip, amérikidiki dölet mejlisi ezaliri, sotchilar we bir qisim tetqiqatchilar bilen uchrishish üchün yolgha chiqqanda xitay bixeterlik xadimliri bu adwokatlarni tosup qalghan.
2010-10-30
Her yili bir qétim otküzülidighan merkiziy yawro - asiya tetqiqat jem'iyitining xelq'araliq yilliq muhakime yighini amérikining michigan dölet uniwérsitétida dawamlashmaqta.
2010-10-30
Uyghurlarning chet'ellerge chiqish üchün pasport ishlitish resmiyetlirining barghanséri teslishiwatqanliqini inkas qilghan Uyghurlar, xitaydiki 56 milletning ichide peqetla Uyghurlarning bu xil bésimgha duch kéliwatqanliqini bildürdi.
2010-10-29
Amérikida chiqidighan n+1 namliq zhurnalda Uyghurlarning weziyitige da'ir "qudretlik bomba" dep mawzu qoyulghan bir parche maqale élan qilindi. Muxbir maqalisini ürümchide namayishqa biwaste qatnashqan Uyghur balilar bilen élip barghan mexpiy söhbitige asasen yézip chiqqan. Uningda Uyghurlarning hazirqi weziyiti, ularning 5 - iyul weqesidin kéyinki oy - pikirlirige da'ir muhim melumatlar bérilgen.
2010-10-29
Her yili bir qétim ötküzülidighan merkiziy yawro-asiya tetqiqat jemiyitining xelq'araliq yilliq muhakime yighini bügün amérikining michigan dölet uniwérsitétida resmiy bashlandi.
2010-10-29
Uyghur élida 5 - iyul namayishigha qatnashqanlarni tutush we jazalashning toxtimasliqi seweblik Uyghur yashlirining yurtidin qéchish, möküsh we hijret qilish ehwalliri dawamlashmaqta. 5 - Iyul namayishigha qétilghan yashlardin biri, birqanche ay xitay ölkiliride möküp yürgendin kéyin, bu yil 4 - ayda xongkong arqiliq, en'gliyige qéchip kelgen.
2010-10-29
Radi'omiz ziyaritini qobul qilghan déhqanlarning bildürüshiche, ili teweside ötken hepte bashlan'ghan yamghur ikki kündin buyan qar arilash yamghurgha aylan'ghan. Déhqanlarning déyishiche, bu ehwal, qonaq qatarliq zira'etlirini téxi yighiwalalmighan, bulturqi yamghur hem qar apitide örülüp ketken öylirini yasap bolalmighan ili déhqanlirigha téximu zor ziyanlarni élip kélishi mumkin iken.
