Arxip
2010-12-29
Xitayning guyju ölkiside kawapchiliq qiliwatqan alim isimlik Uyghur tijaretchi, 8 yildin buyan guyjudiki a'ile qiyinchiliqi bar xitay oqughuchilargha jem'iy 100 ming yüendin artuq pul i'ane qilghan. Uning ish izliri yéqinqi aylardin béri xitay axbarat wasitiliride xewer qilinip munaziriler qozghighan idi. Shinxu'a agéntliqining xewer qilishiche alim, xitaydiki 2010-yilliq 10 tesirlik shexs namzatliqigha kirgüzülgen.
2010-12-29
Uyghur we xitay tilidin ibaret 2 xil tilda uchur we tetqiqat mulazimiti qiliwatqan Uyghurbiz torbéti, 5 -iyul weqeside qutratquluq qildi dep eyiblinip taqiwétilgendin kéyin, mulazimet da'irisini chet'elge yötkigen.
2010-12-28
Xitay merkiziy hökümiti Uyghur élide élip bérilidighan muqimliq xizmitining nishani belgilep, Uyghur éli "muqimliqigha asasiy xewpning milliy bölgünchiliktin kélidighanliqi" ni tekitligen. Yighinda xitay hökümiti 10 yildin buyan Uyghur élige qarita ishlitilip kéliwatqan " térrorluqqa qarshi küresh qilish" atalghusi alahide tilgha élinmighan.
2010-12-28
Yéngi yil kirish harpisida Uyghur élide "éghir zorawanliq jinayi heriketlirining aldini élish we uninggha qaqshatquch zerbe bérish 100 künlük mexsus herikiti" bashlan'ghan. Melum bolushiche heriket Uyghur aptonom rayonining muqimliqini saqlash xizmitini yaxshi ishlep, keng kölemlik ammiwi heriketlerning aldini élish meqsiti bilen élip bérilghan bolup, inkaslarda buning asasiy nishanining yenila Uyghurlarni basturush ikenliki melum bolmaqta.
2010-12-28
2009-Yili yüz bergen 5-iyul ürümchi weqesidin kéyin Uyghur mesilisi yéngi bir basquchqa qedem qoydi. Bolupmu 2010-yili türkiye bilen xitay otturisidiki munasiwette sherqiy türkistan mesilisi dawamliq halda kün tertipke kélishke bashlidi. Yene bir tereptin türkiye bilen xitay otturisidiki munasiwettimu zor özgirishler boldi.
2010-12-28
Yéqinda mutexessisler xitayni dunyagha iqtisadiy we soda jehette kéngiyip siyasiy küchini ashuruwatqanliqini tilgha alsa, bezi közetküchiler xitayni dunyadiki birinchi küchke aylinish yolida ilgirilep kétiwatqanliqini bildürdi, we yene bezi analizchilar xitayning iqtisadiy tereqqiyatining éshishi, xitayning énérgiye, tebi'iy gaz we néfitke bolghan éhtiyajini ashurup, xitayni put tirep turalmaydighan tuyuq yolgha bashlaydighanliqini we bu sewebtin xitayning weyran bolush éhtimali barliqini ilgiri sürmekte.
2010-12-28
Yéqinda, xitayning teklipige bina'en, chet'ellik Uyghur muhajirliridin teshkilligen shinjangni ziyaret qilish ömiki terkibide Uyghur diyarigha sayahetke barghan kanada qurulghan "shinjang tongshi'angxuy" ning mu'awin re'isi peride isma'il, kanadadiki xitayche metbu'atlarning ziyaritini qobul qilip, özining shinjangdiki milliy siyaset, medini-ma'arip, iqtisadiy we ijtima'iy tereqqiyatlardin memnun bolghanliqini bildürgen.
2010-12-28
Qazaqistan Uyghurshunasliqining tereqqiyatigha munasip ülüsh qoshqan péshqedem alimlarning biri filologiye penlirining doktori, proféssor tughluqjan talipof bügünki künlerde özining 85 yashliq tewelludini nishanlap ötmekte.
2010-12-28
Ataqliq fiqhishunas, tilshunas we tepsirshunas alim sediduddin qeshqiri 11-esirde Uyghur élining qeshqer shehiride dunyagha kelgen bolup, u ana yurtida diniy telimini tamamlighandin kéyin, mekke bilen medine munewwere ikki herem sheherlirige hijret qilip bérip, hayatining axirigha qeder jem'iy 14 yil bu ikki sheherde istiqamet qilip ötken, bu jeryanda nurghun qimmetlik diniy eserlerni yézip qaldurghan iken.
2010-12-28
Bügün xitay ölkiliridiki radi'o anglighuchilirimizdin birining inkas qilishiche, shinjang uniwérsitéti rus tili sinipining oqughuchisi pezilet ekberni, ürümchi sheherlik ottura sot mehkimisi bu yil 4 -ayda ölüm jazasigha höküm qilip, jazani 2 yil kéchiktürüp ijra qilishqa buyrughan.
2010-12-28
Fransiye axbarat agéntliqining xewer qilishiche, 2010 -yilliq nobél sahibi lyu shawbo, 28 -dékabir küni özining 55 yashqa tolghanliqi munasiwiti bilen türmide tughulghan künini xatiriligen.
2010-12-28
Béyjingda chiqidighan yéngi sheher gézitining xewer qilishiche, xu famililik bir erzdar shenbe küni özi yasighan ikki dane bombini mashinisigha sélip lyawning ölkisidin béyjinggha qarap kétiwatqanda yol üstide tutqun qilin'ghan.
2010-12-28
Shinjang xewerler torining bügünki xewiride bildürülüshiche, Uyghur élide mushu ayning 10 -küni yene yüz künlük qattiq zerbe bérish herikiti bashlan'ghan. Heriketke" qebih zorawanliq jinayetlirining aldini élish we uninggha qaqshatquch zerbe bérish herikiti" dep nam bérilgen.
2010-12-28
Amérika iqtisadi bulturning axirqi yérimida arqigha qarap chékinishtin toxtighandin buyan, bu yilning aldinqi 3 peslide, yilliq ishlepchiqirish miqdari 2.6% Ashqan.
2010-12-27
Jyangsu qanunchiliq gézitining xewer qilishiche, jyangsuning jün'en sot mehkimisi 2011 - yil ichide, siyasiy iradisi qet'iy bolghan bir türküm sotchilarni, Uyghur rayonigha yardemge ewetmekchi. 5 -Iyul weqesidin kéyin, xitay ölkiliridin Uyghur rayonigha yötkelgenlikige a'it xitay metbu'atlirida bir qisim xewerler bérilgen. Emma Uyghur rayonigha kélidighan sotchilargha siyasiy ira'idisi qet'iy bolush shertini qoyushi Uyghur közetküchilerning diqqitini tartmaqta.