Arxip
2010-07-31
Qeshqer wilayiti konasheher nahiyisi éshincha emgek küchlirini sirtqa yötkesh siyasiti boyiche bu yil ichide 10 minggha yéqin emgekchi üstidin terbiyilesh élip barghan.
2010-07-31
Aqsu wilayiti kucha nahiyisi teweside 29 - iyul chüshte éghir sel apiti yüz bergen. Tengritagh torida bu heqte bérilgen xewerde körsitishiche, apet yerlik amma we bir qisim sayahetchilerning hayatigha tehdit salghan. Emma, xewerde ölüm - yétim ehwali we apet keltürüp chiqarghan ziyan heqqide uchur bérilmigen. Xewerge qarighanda qutquzush etriti 30 - iyulghiche neq meydan'gha yétip kélelmigen.
2010-07-31
Bir qisim dangliq xitay pa'aliyetchiler Uyghur zhurnalist gheyret niyazning 15 yilliq késilgenlikige naraziliq bildürüsh we uning qoyup bérilishini qolgha keltürüsh üchün imza toplashqa bashlighan. Birleshme agéntliqida körsitishiche, mezkur imza toplash pa'aliyiti xitay ichide élip bérilghan bolup, xetke nöwette 23 neper xitay ziyaliysi imza qoyghan. Xet xitaydin xongkonggha élxet arqiliq yollan'ghan we jüme küni xongkongda élan qilin'ghan.
2010-07-31
Xitay herbiy da'iriliri Uyghur élning jenubidiki chégra etrapida sémiz alaqe signalliri we éléktr dolqunlirining chégra ichidiki rayonlargha kirish ehwalni tekshürgen. Tekshürüsh netijisi we analizlar arxiplashturulghan. Tekshürüsh qeshqer, aqsu, xoten we qizilsu rayonlirining chet'eller bilen tutishidighan jaylirida élip bérilghan. Tekshürüshni xitayning jenubiy Uyghur élide turushluq herbiy qismi radi'o dolqunlirini bashqurush etriti üstige alghan.
2010-07-31
Shenbe küni hindistan kontrolluqidiki keshmir rayonida hökümetke qarshi namayish yüz berdi. Namayishta bir ösmür öldi we 20 din artuq adem yarilandi. Roytérsta körsitishiche, ötken bir aydin buyan keshmirdiki musulmanlar musteqilliqi telep qilip namayish ötküzüp kelmekte idi. Namayish jeryanida 22 adem ölgenliki ilgiri sürülgen.
2010-07-30
Charshenbe küni " diyarim tor béti"ning chet'eldiki tor bashqurghuchiliridin biri bolghan, diyarim tor béti sahibi dilshat perhatning akisi dilmurat perhat inisi dilshat perhat, nijat azad, nur'eli obulqasim qatarliq Uyghur tor bet bashqurghuchilirining ürümchidiki melum sot teripidin mexpiy sotlan'ghanliqini radi'omiz arqiliq dunyagha anglatqan idi.
2010-07-30
Dunya Uyghur qurultiyi bayanatchisi dilshat rishit Uyghur élining jenubidiki mektep balilirining bu yazliq tetildiki aram künlirining xitayning siyasiy idiyiwi terbiyisining parakendichilikige uchrawatqanliqi heqqide melumat bergen idi, bu uchurgha asasen, Uyghur élining jenubidiki yézilargha qaratqan téléfon ziyaretlirimizdin,yazliq tetil bashlan'ghandin buyan Uyghur ottura we bashlan'ghuch mekteplerdiki oqutquchi, oqughuchilarning her heptide bir kün, üch xil küchlerge qarshi turush hemde milletler ittipaqliqini qoghdash heqqide siyasiy öginishke mejburliniwatqanliqidek ehwallar ashkarilandi.
2010-07-30
Ürümchi weqesidin kéyin xitay da'iriliri taktika özgertip "xelq turmushini yaxshilash we bu arqiliq menggülük eminlikni berpa qilish" deydighan shu'ar boyiche xelq turmushi qurulushini yolgha qoydi. Xitay da'iriliri buningda aldi bilen ishsizliq mesilisini hel qilish shu'arini qattiq towlap, "bir a'ilide eng az dégende bir kishi ishqa orunlashqan bolush" deydighan siyaset boyiche "birmu kishi ishqa orunlashmighan a'ilerni tizimlashqa bashlighan.
2010-07-30
Ötken heptide amérika bilen jenubiy koriye sherqiy déngiz we sériq déngiz rayonida birleshme herbiy meshq ötküzgen idi. Xitaymu bu rayonda arqa - arqidin herbiy meshiq ötküzüp özining küchiyip bash kötürgenlikini dunyagha körsitishke bashlidi. Bu herbiy meshqlerning netijiside, asya - tinch okyan rayonidiki döletler ara yéngidin uyushush peyda boldi.
2010-07-30
400 Din artuq wexpi we ammiwiy teshkilattin terkip tapqan "türkiye ammiwiy hemkarliq munbiri"ning uyushturushi bilen, türkiyide élip bérilmaqchi bolghan türkiyining asasiy qanunigha özgertish kirgüzüsh üchün xelqning pikir - qarashlirini élish saylimida qoshulidighanlarning awazini köpeytish meqsitide 7 - ayning 27 - küni istanbuldiki osmaniye méhmanxanisining yighin zalida axbarat élan qilish yighini ötküzüldi.
2010-07-30
Uyghurbiz tor béti bügün bir qisim xitay tor betliri bilen birlikte bayanat élan qilip, xitay hökümitidin zhurnalist gheyret niyazni qoyup bérishni telep qilghan we xitay ziyaliyliri arisida imza toplash herikiti bashlighan. Birleshme bayanatta bildürülüshiche, zhurnalist gheyret niyaz shawgu'en weqesidin kéyin Uyghur jama'et pikrini yéqindin közetken we hökümetni weqening aldini élishqa chaqirip teklip sun'ghan.
2010-07-30
Aldinqi küni béshkekte échilghan qirghizistan'gha yardem bérish heqqidiki xelq'araliq yighinda, amérika qirghizistan'gha 49 milyon dollar yardem bérishke teyyar ikenlikini bildürgen. Mezkur yighin dunya bankisi teripidin uyushturulghan bolup, qirghizistanning osh we jalal'abad sheherliride ziyankeshlikke uchrighan ahalilerge yardem bérish we qirghizistan dölet aparatlirini islah qili'ish we mukemmelleshtürüshni meqset qilghan mezkur yighinda, her qaysi döletler qirghizistan'gha jem'iy 1milyard dollardin artuq yardem béridighanliqi heqqide wede bergen. Bu pul bir qanche qisimgha bölünüp, belgilik muddet ichide bérilmekchi.
2010-07-30
29 - Iyul küni xitayning nenjingdiki bir zawutta partlash yüz bérip 400 nechche kishi ölgenliki xewer qilin'ghan idi. Bügün yene changsha we changchün sheherliride arqa - arqidin partlash yüz bérip, jem'iy 3 kishi ölgen we 30 nechche kishi yaridar bolghan.
2010-07-30
Xitayning 5" - iyul " din kéyinki jazalash heriketliride Uyghur tor bashqurghuchiliri asasliq hujum nishanliridin biri bolghan. Bu ehwal, intérnétning 10 ay késiwétilishi we yéqinda gheyret niyaz we dilshat perhat qatarliq 4 neper tor bashqurghuchisining sotlinishi qatarliq weqelerdin melum bolup turghan bolsimu, neq jazalan'ghan tor bashqurghuchilarning sani yenila sir halette turmaqta idi.
