Arxip

Heptilik xewerler (26-yanwardin 1-féwralghiche)

D u q nur bekrining yene re'islikke saylan'ghanliqini tenqid qildi

D u q Uyghur aptonom rayoni re'isi nur bekrining yene re'islikke saylan'ghanliqini tenqidlep: bu xitayning Uyghurlarni basturush, diniy, medeniyet we til jehettiki teqib qilish siyasitide özgirish bolmaydighanliqidin dérek béridu, dep körsetti.

Amérika xitay tor buzarlirining hujumigha keskin tedbir qollinidu

Washin'gtondiki ichki ehwaldin xewerdar emeldarlar, obama hökümitining xitay tor buzarlirining amérika tor sistémisigha qilghan hujumigha keskin tedbir qollinishni oylishiwatqanliqini bildürdi.

Sürgündiki tibet rehbiri xitayning bir türküm tibetlerni sotlighanliqini tenqid qildi

Tibet sergerdan hökümiti bash ministiri lobsang san'gay jüme küni xitayning bir türküm tibetlerni “Qutratquluq qilish” bilen eyiblep sotlighanliqini “Saxtipezlik” dep tenqid qildi.

Enqerediki amérika elchixanisigha qaritilghan hujumni bir radikal solchi teshkilat qilghan

Türkiye bash ministiri rejep tayip erdoghan jüme küni enqerede turushluq amérika elchixanisigha qaritilghan adem bomba hujumini bir türk radikal solchi teshkilati qilghanliqini bildürdi.

Qizilsuda buningdin 1300 burunqi qebristanliq tépildi

Arxé'ologlar yéqinda Uyghur élining qizilsu oblastida texminen buningdin 1 ming 300 yil burunqi bir qebristanliq bayqighan.