Tel'et ömerjan'oghlining wapati muhajirettiki Uyghurlarni qayghugha chömdürdi

Ixtiyariy muxbirimiz erkin tarim
2020.05.28
telet-omerjanoghli.jpg Merhum tel'et ömerjan'oghli ependi hayat mezgilide perzentliri ötküzüp bergen tughulghan künide.
RFA/Erkin Tarim

Tel'et ömerjan'oghli 27-may küni etigen sa'et 6 yérimda dublin “Mattér priwaté” doxturxanisida yürek késili tüpeylidin dawalash ünüm bermey alemdin ötken.

Dunya Uyghur qurultiyining érlandiyediki wekili tel'et ependining wapat bolghanliq xewiri muhajirettiki Uyghurlarni qattiq qayghugha chömdürdi.

Tel'et ömerjan'oghli 1960-yili 5-ayning 5-küni ghulja shehiride dunyagha kelgen bolup, 2006-yili érlandiyege kélip siyasiy panahliq tilep, olturaqliship qalghan. U chet'elge hijret qilip chiqqandin buyan Uyghur musteqilliq herikitini izchil türde aktip qollap kelgen we dunya Uyghur qurultiyi teripidin yawropada ötküzülgen birleshme namayishlargha ishtirak qilipla qalmay, d u q ning barliq chaqiriqlirigha aktipliq bilen awaz qoshup kelgenidi.

Uning wapatidin kéyinla 27-may küni dunya Uyghur qurultiyi re'isi dolqun eysa ependi ijtima'iy taratqular arqiliq bu heqte bayanat élan qilip, merhum tel'et ömerjan'oghli ependige allahdin rehmet we a'ilisidikilerge sebir tilesh bilen birge, “Uyghur xelqining munewwer oghlani merhum telet ependining sherqiy türkistan milliy musteqilliq kürishi üchün körsetken pidakarliqini Uyghur xelqi her waqit iptixarlinish tuyghusi ichide yad étidu” tekitlidi.

D u q re'isi dolqun eysa ependi tel'et ömerjan'oghlining Uyghurlarning musteqilliq herikiti üchün zor xizmet körsetken kishi ikenliki, Uyghurlarning menggü yad étidighanliqini tekitlidi.

Tel'et ömerjan'oghlining yéqin dosti jalal yüsüp'oghli ependi uning bilen d u q ning shiwétsiye, gérmaniye we yaponiyediki pa'aliyetlirige ishtirak qilghanliqini, Uyghur dawasi üchün zor töhpilerni qoshqan kishi ikenlikini bildürdi.

U, tel'et ömerjan'oghli 2012-yilidin tartip dublindiki Uyghurlarning yigit béshi bolghanliqini, érlandiyede xitaygha qarshi nurghun pa'aliyetlerni élip barghanliqini bayan qildi.

Tel'et ömerjan'oghlining 2 qiz, 1 oghli we 6 newrisi bar iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.