Хитай сиясий кеңишиниң 11 - нөвәтлик қурултийи 1 - йиғини аяғлашти


2008-03-14
Share

Бейҗиңда ечиливатқан хитай сиясий кеңишиниң 11 - нөвәтлик қурултийи 1 - йиғини 14 - март пәйшәнбә күни йепилған болуп, йиғин нәтиҗисидин мәлум болушичә, бу нөвәтлик сиясиси кеңишиниң рәиси җяң чиңлин әслидики орни сақлап қалғандин башқа, муавин рәислик орнида мәлум өзгиришләр болған.

Илшат әпәнди:"сиясий кеңәш әмили роли йоқ дөләт аппарати"

Бу нөвәтлик сиясий кеңәшниң 25 нәпәр муавин рәислири ичидә уйғур аптоном райони сабиқ рәиси абләт абдурешит вә хитайни компартийисиниң сабиқ секретари дең шявпиңниң оғли дең пуфаң қатарлиқлар бар.

Сиясий көзәтчи илшат әпәндиниң билдүрүшичә, уйғур аптоном райониниң илгирики рәһбәрлиригә мәркизи сиясий кеңәштин орун берилмигән, абләт абдурешит шуларниң ичидики сиясий кеңәшкә бекитилгән тунҗи уйғур кадир икән. Әмма униң билдүрүшичә, хитайда сиясий кеңәш әмили роли йоқ дөләт аппарати болғачқа бу орунға көпинчә һалларда хитай рәһбәрлик қатлимида башқа орунларда вәзипә тәгмигән кишиләрни киргүзүп қойидикән.

Көзәткүчиләр:" йиғин җәрянида оттуриға қоюлған тәклипләрниң иккинчиләп хәвири болмайду"

Йиғин хәвәрлиридин мәлум болушичә, сиясий кеңәшкә сунулған 4772 түрлүк тәклипниң 4526си рәсмий тәклип сүпитидә бекитилгән. Бу тәклипләрниң әмәлийлишиш дәриҗиси қанчилик? бу һәқтә көзәткүчиләрниң бәргән баһаси асасән охшаш болуп, бу тәклипләр пәқәт йиғин җәрянида оттуриға қоюлуп сунулғандин кейин мәзкур тәклипләрниң иккинчиләп хәвири болмайдикән.

Бу һәқтә тохталған сиясий көзәтчи вә җуңго информатсийә мәркизидики тәтқиқатчи тйән чиляв ханимниң билдүрүшичә, хитайда бу хилдики тәклипләрни оттуриға қоюшта 3 хил тәртип болуп, аввал бирәр вәкил бирәр тәклипни оттуриға қойған болса мәркизи һөкүмәт әмәлдарлири уларниң бу тәклипни оттуриға қойғанлиқидин миннәтдар икәнликини билдурушидикән, иккинчидин, мәркизи һөкүмәт әмәлдарлири вәкилләр қойған тәклипләргә қарита мәркизий һөкүмәтниң бу хилдики мәсилиләрни аллиқачан тонуп йәткәнликини вә бу ларни һәл қилиш чариси үстидә издиниватқанлиқини билдүридикән ахирида һөкүмәт әмәлдарлири вәкилләргә йәнә мушундақ тәклипләрни көпрәк оттуриға қоюши керәкликини һәмдә уларниң бу мәсилиләрни бирликтә һәл қишқа тиришидиғанлиқини ипадиләйдикән.

Тйән чиляв ханим" мана бу уларниң тәклипләрни қандақ һәл қилиштики типик усули. Мана шуниң билән сиз бу тәклипләр һәққидә иккинчиләп хәвәр алалмайсиз" деди.

Тйән чиляв ханим йәнә, бу нөвәт вәкилләрниң маарип, иқтисад һәтта пиланлиқ туғуттин ибарәт назук саһәләргә четилидиған нурғун сәзгүр мәсилиләрни оттуриға қоюлғанлиқини, хәлқ қурултийиниң бу хилдики тәклипләрни һәргизму рәт қилмайдиғанлиқини әмма бу тәклипләр юқириға сунулған яки сунулмиғанлиқини һәмдә нәтиҗисиниң қандақ болмайдиғанлиқини билгили болмайдиғанлиқини билдүриду.

Илшат әпәнди:"тәклип қойғучи һәргизму өз хоҗайининиң хаталиқини көрситип беришкә җүрәт қилалмайду"

Илшат әпәндиниң билдүрүшичә хитайда сиясий кеңәш вә хәлқ қурултийида қоюлған бу хилдики тәклипләрниң һәл болмаслиқидики сәвәбләр һәққидә тохтилип, буниң түзүмдики сәвәб икәнликини көрситип, "тәклип қойғучи һәргизму өз хоҗайининиң хаталиқини көрситип беришкә җүрәт қилалмайду," дәйду.

Йиғинда оттуриға қоюлған тәклипләрниң нәтиҗисиз қелишидики сәвәбниң интайин рошән икәнликини бу чүшиништә илгирики нөвәтлик шәндуңлуқ сиясий кеңәш вәкили йәнтәй университетниң оқутқучиси ваң чүнҗи оттуриға қойған тәклипниң мисал болалайдиғанлиқини көрсәткән тйән ханимниң билдүрүшичә, ваң чүнҗи барлиқ һөкүмәт әмәлдарлири өз илкидики бисатиниң тизмини әл - җамаәткә ашкарилиши керәкликини оттуриға қойған болуп, униң бу тәклипи рәт қилинғандин башқа униң вәкиллик салаһийити елип ташланған.

"Әлвәттә бу тәклипкә алақидар қанун мақулланмайду. Әмма бу һөкүмәт әмәлдарларниң мәнпәәтигә биваситә тақилидиған бир тема болғачқа улар бу һәққидә еғиз ачмайла қалмай буни рәт қилиду."

Мәлум болушичә, бу нөвәтлик йиғинда оттуриға қоюлған тәклипләр ичидә хоңкоңлуқ вәкил ваң миңчүән бейҗиң даирилиригә хоңкоңлуқ демократик затларниң хитайға кириши үчүн "юртқа қайтиш кинишкиси" тәсис илиш тәклипини оттуриға қойған болуп, һазирчә бу тәклипниң қобул қилған яки қилинмиғанлиқи һәққидә хәвәр йоқ. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт