Xitay siyasiy kéngishining 11 - nöwetlik qurultiyi 1 - yighini ayaghlashti


2008-03-14
Share

Béyjingda échiliwatqan xitay siyasiy kéngishining 11 - nöwetlik qurultiyi 1 - yighini 14 - mart peyshenbe küni yépilghan bolup, yighin netijisidin melum bolushiche, bu nöwetlik siyasisi kéngishining re'isi jyang chinglin eslidiki orni saqlap qalghandin bashqa, mu'awin re'islik ornida melum özgirishler bolghan.

Ilshat ependi:"siyasiy kéngesh emili roli yoq dölet apparati"

Bu nöwetlik siyasiy kéngeshning 25 neper mu'awin re'isliri ichide Uyghur aptonom rayoni sabiq re'isi ablet abduréshit we xitayni kompartiyisining sabiq sékrétari déng shyawpingning oghli déng pufang qatarliqlar bar.

Siyasiy közetchi ilshat ependining bildürüshiche, Uyghur aptonom rayonining ilgiriki rehberlirige merkizi siyasiy kéngeshtin orun bérilmigen, ablet abduréshit shularning ichidiki siyasiy kéngeshke békitilgen tunji Uyghur kadir iken. Emma uning bildürüshiche, xitayda siyasiy kéngesh emili roli yoq dölet apparati bolghachqa bu orun'gha köpinche hallarda xitay rehberlik qatlimida bashqa orunlarda wezipe tegmigen kishilerni kirgüzüp qoyidiken.

Közetküchiler:" yighin jeryanida otturigha qoyulghan tekliplerning ikkinchilep xewiri bolmaydu"

Yighin xewerliridin melum bolushiche, siyasiy kéngeshke sunulghan 4772 türlük teklipning 4526si resmiy teklip süpitide békitilgen. Bu tekliplerning emeliylishish derijisi qanchilik? bu heqte közetküchilerning bergen bahasi asasen oxshash bolup, bu teklipler peqet yighin jeryanida otturigha qoyulup sunulghandin kéyin mezkur tekliplerning ikkinchilep xewiri bolmaydiken.

Bu heqte toxtalghan siyasiy közetchi we junggo informatsiye merkizidiki tetqiqatchi tyen chilyaw xanimning bildürüshiche, xitayda bu xildiki tekliplerni otturigha qoyushta 3 xil tertip bolup, awwal birer wekil birer teklipni otturigha qoyghan bolsa merkizi hökümet emeldarliri ularning bu teklipni otturigha qoyghanliqidin minnetdar ikenlikini bildurushidiken, ikkinchidin, merkizi hökümet emeldarliri wekiller qoyghan tekliplerge qarita merkiziy hökümetning bu xildiki mesililerni alliqachan tonup yetkenlikini we bu larni hel qilish charisi üstide izdiniwatqanliqini bildüridiken axirida hökümet emeldarliri wekillerge yene mushundaq tekliplerni köprek otturigha qoyushi kéreklikini hemde ularning bu mesililerni birlikte hel qishqa tirishidighanliqini ipadileydiken.

Tyen chilyaw xanim" mana bu ularning tekliplerni qandaq hel qilishtiki tipik usuli. Mana shuning bilen siz bu teklipler heqqide ikkinchilep xewer alalmaysiz" dédi.

Tyen chilyaw xanim yene, bu nöwet wekillerning ma'arip, iqtisad hetta pilanliq tughuttin ibaret nazuk sahelerge chétilidighan nurghun sezgür mesililerni otturigha qoyulghanliqini, xelq qurultiyining bu xildiki tekliplerni hergizmu ret qilmaydighanliqini emma bu teklipler yuqirigha sunulghan yaki sunulmighanliqini hemde netijisining qandaq bolmaydighanliqini bilgili bolmaydighanliqini bildüridu.

Ilshat ependi:"teklip qoyghuchi hergizmu öz xojayinining xataliqini körsitip bérishke jür'et qilalmaydu"

Ilshat ependining bildürüshiche xitayda siyasiy kéngesh we xelq qurultiyida qoyulghan bu xildiki tekliplerning hel bolmasliqidiki sewebler heqqide toxtilip, buning tüzümdiki seweb ikenlikini körsitip, "teklip qoyghuchi hergizmu öz xojayinining xataliqini körsitip bérishke jür'et qilalmaydu," deydu.

Yighinda otturigha qoyulghan tekliplerning netijisiz qélishidiki sewebning intayin roshen ikenlikini bu chüshinishte ilgiriki nöwetlik shendungluq siyasiy kéngesh wekili yentey uniwérsitétning oqutquchisi wang chünji otturigha qoyghan teklipning misal bolalaydighanliqini körsetken tyen xanimning bildürüshiche, wang chünji barliq hökümet emeldarliri öz ilkidiki bisatining tizmini el - jama'etke ashkarilishi kéreklikini otturigha qoyghan bolup, uning bu teklipi ret qilin'ghandin bashqa uning wekillik salahiyiti élip tashlan'ghan.

"Elwette bu teklipke alaqidar qanun maqullanmaydu. Emma bu hökümet emeldarlarning menpe'etige biwasite taqilidighan bir téma bolghachqa ular bu heqqide éghiz achmayla qalmay buni ret qilidu."

Melum bolushiche, bu nöwetlik yighinda otturigha qoyulghan teklipler ichide xongkongluq wekil wang mingchüen béyjing da'irilirige xongkongluq démokratik zatlarning xitaygha kirishi üchün "yurtqa qaytish kinishkisi" tesis ilish teklipini otturigha qoyghan bolup, hazirche bu teklipning qobul qilghan yaki qilinmighanliqi heqqide xewer yoq. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet