11 ‏- Séntebir weqesining iznaliri untulmidi


2007-09-10
Share

Sürette, 11 - séntebir weqeside wayran qilin'ghan dunya soda merkizi qosh binasining ornigha yéngidin lahiyilinip, qurulush élip bériliwatqan yéngi binalarning layihe modéli. Yéngi qurulush, 2012 - yili püttürülüshke planlanmaqta. AFP PHOTO

2001 ‏- Yili 9 ‏- ayning 11 ‏- küni yüz bergen térrorluq hujumining yüz berginige 6 yil toshqan bolsimu, emma amérika xelqi bu künning özlirige élip kelgen zerbisini unutqini yoq. Térrorluq hujumining qurbanigha aylan'ghan 2973 neper bigunah insanlar ichide göher séyit isimlik bir Uyghur qizimu bar idi.

" 11 ‏- Séntebir " térrorluq hujumi, Uyghurlarghimu qattiq tesir körsetti

Dunya Uyghur qurultiyining mu'awin re'isi memet toxti ependi, 11 ‏- séntebir weqesining oxshashla Uyghurlar tarixighimu chongqur izlarni qaldurghanliqini bildüridu.

Göherning atisi, anisi we bir tuqqan qérindashliri, hazirgha qeder uningdin ayrilghinigha ishenmeywatqanliqini uni xuddi yénida yashawatqandek his qilidighanliqini éytidu.

Amérikining tashqi siyasiti we iqtisadigha zor qéyinchiliqlarni tughdurghan " 11 ‏- séntebir" ning zerbisi, pütün dunya siyasitige we iqtisadigha tégishlik selbiy tesirini körsetken bolup, buning bilen teng amérika bashchiliqidiki, démokratiye we erkinlikning düshmini bolghan térrorchilargha zerbe bérish kürishi bashlinip ketti.

Xitay, térrorluqqa qarshi küreshni bahane qilip Uyghurlarni basturdi

Amérikining " 11 ‏- séntebir " térrorchiliqqa zerbe bérish kürishidin paydilan'ghan bir qisim döletler öz hakimiyitige qarshi öktichilerni basturush herikiti élip bardi. Shu qatarda xitay hökümiti, Uyghurlarning chet'ellerde pa'aliyet élip bériwatqan teshkilat we pa'aliyetchilirini " térrorchilar" we " térrorluq teshkilatliri" dep dunya jama'etchilikige qarilashqa urundi.

Bu heqte, amérika Uyghur birleshmisining bash katipi alim séyitof ependi qarashlirini otturgha qoyup, xitayning epti - beshirisini sökidu. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet