Уйғур 12 муқам ансамбили түркийидә


2006-11-14
Share

Муқам ансамбили 20 йил аридин кейин тунҗи қетим түркийидә. Түркийә билән хитайниң дипломатик мунасивәт орнатқанлиқиниң 35 йиллиқ мунасивити билән түркийә мәдәнийәт вә саяһәт министирликиниң тәклипигә бинаән түркийигә кәлгән муқам ансамбили истанбул, измир, әнқәрә қатарлиқ шәһәрләрдә оюн қойғандин кейин 11-айниң 24 –күни үрүмчигә қайтидикән.

Муқам ансамбили 48 кишидин тәркип тапқан болуп, буларниң 11 и өмәк башлиқлири икән. 11-Айниң 11-күни түркийигә йетип кәлгән муқам ансамбили 11-айниң 12-күни истанбулдики әң чоң оюн қоюш мәркизидин бири болған ата түрк мәдәнийәт мәркизидә оюн қойди. Оюнни түркийә мәдәнийәт вә саяһәт министири атилла коч башчилиқидики коп санда рәһбәрләрму корди. Оюн тамашибинларниң қизғин алқишиға сазавәр болди.

Бизниң игилишимизчә, өмәктикиләрниң паспорти хитай өмәк башлиқи тәрипидин йиғивелинған болуп, истанбулдики уйғурлар билән вә уларниң йеқинлири билән көрүшишигиму рухсәт қилинмиған. Хитай тәрәп башта истанбулда яшаватқан уйғурларниң оюнға келишини тосуш үчүн оюнға кириш билитини истанбулда турушлуқ хитай консули вә қазақ вәхпилири арқилиқ тарқатқан болсиму, түрк сақчилири оюнға кәлгән уйғурларни биләт соримастинла киргүзивәткән. Немә үчүн бундақ чәклимә қойиливатқанлиқини өгиниш үчүн мунасивәтлик кишиләргә телефон қилған вақтимизда улар хитайларниң бу сәнәтчиләрниңму канадаға берип қепқалған серикчиләргә охшаш қеливәлишидин әнсирәп шундақ қилғанлиқини ейтти.

Биз бу оюнни көргили барған уйғурлар билән телефон зиярити елип берип, уларниң туйғулирини алдуқ. Истанбулда яшаватқан абдулхәмит акташ әпәнди, зәйнурә ханим қатарлиқлар оюнни көргәндин кейинки тәсиратини биз билән ортақлашти. Мақам ансамбилиниң оюниға бармиған уйғурларму бар болуп, улар өзлириниң бамаслиқидики сәвәбни изаһлиди.

Бу оюнни көргән айнур балкан исимлик бир түрк ханим оюнни көргәндин кейинки тәсиратини аңлитип мундақ деди:

"Аҗайип гузәл иди. Кишини сәһирлигудәк дәриҗидә гүзәл иди. Бир милләтниң мәдәнийитиниң бунчивала бай, бунчивала есил, кийим кечәклириниң бу дәриҗидә көркәм икәнликини ойлапму бақмаптикәнмән. Биз һәқиқәтән мәст болуп кәттуқ. Бу гүзәл мәдәнийәт сәнәткә явропа бирлики дөләтлириниң, бирләшкән дөләтләр тәшкилатиниң игә чиқишини арзу қилимән".

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт