Uyghur 12 muqam ansambili türkiyide


2006-11-14
Share

Muqam ansambili 20 yil aridin kéyin tunji qétim türkiyide. Türkiye bilen xitayning diplomatik munasiwet ornatqanliqining 35 yilliq munasiwiti bilen türkiye medeniyet we sayahet ministirlikining teklipige bina'en türkiyige kelgen muqam ansambili istanbul, izmir, enqere qatarliq sheherlerde oyun qoyghandin kéyin 11-ayning 24 –küni ürümchige qaytidiken.

Muqam ansambili 48 kishidin terkip tapqan bolup, bularning 11 i ömek bashliqliri iken. 11-Ayning 11-küni türkiyige yétip kelgen muqam ansambili 11-ayning 12-küni istanbuldiki eng chong oyun qoyush merkizidin biri bolghan ata türk medeniyet merkizide oyun qoydi. Oyunni türkiye medeniyet we sayahet ministiri atilla koch bashchiliqidiki kop sanda rehberlermu kordi. Oyun tamashibinlarning qizghin alqishigha sazawer boldi.

Bizning igilishimizche, ömektikilerning pasporti xitay ömek bashliqi teripidin yighiwélin'ghan bolup, istanbuldiki Uyghurlar bilen we ularning yéqinliri bilen körüshishigimu ruxset qilinmighan. Xitay terep bashta istanbulda yashawatqan Uyghurlarning oyun'gha kélishini tosush üchün oyun'gha kirish bilitini istanbulda turushluq xitay konsuli we qazaq wexpiliri arqiliq tarqatqan bolsimu, türk saqchiliri oyun'gha kelgen Uyghurlarni bilet sorimastinla kirgüziwetken. Néme üchün bundaq cheklime qoyiliwatqanliqini öginish üchün munasiwetlik kishilerge téléfon qilghan waqtimizda ular xitaylarning bu sen'etchilerningmu kanadagha bérip qépqalghan sérikchilerge oxshash qéliwelishidin ensirep shundaq qilghanliqini éytti.

Biz bu oyunni körgili barghan Uyghurlar bilen téléfon ziyariti élip bérip, ularning tuyghulirini alduq. Istanbulda yashawatqan abdulxemit aktash ependi, zeynure xanim qatarliqlar oyunni körgendin kéyinki tesiratini biz bilen ortaqlashti. Maqam ansambilining oyunigha barmighan Uyghurlarmu bar bolup, ular özlirining bamasliqidiki sewebni izahlidi.

Bu oyunni körgen aynur balkan isimlik bir türk xanim oyunni körgendin kéyinki tesiratini anglitip mundaq dédi:

"Ajayip guzel idi. Kishini sehirligudek derijide güzel idi. Bir milletning medeniyitining bunchiwala bay, bunchiwala ésil, kiyim kécheklirining bu derijide körkem ikenlikini oylapmu baqmaptikenmen. Biz heqiqeten mest bolup kettuq. Bu güzel medeniyet sen'etke yawropa birliki döletlirining, birleshken döletler teshkilatining ige chiqishini arzu qilimen".

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet